այս «թաղամասում» ապրում են ամենաթարմ ու տաք քաղաքացիները: նրանք ճախրել գիտեն, մտածել, խոսակցել, ինքնուրույն պատահար դառնալ:

կան մտքեր, որոնք ստեղծելու համար քաղաքը դեռ բավական հասուն չէ, բայց չի հանդուրժում, որ չփոխանցի: սա անգրագետ ամբիցիա չէ, այլ իր քաղաքացիների հետ քննարկում ունենալու և միասին ստեղծելու պահանջ: իսկ ստեղծելու համար պետք է ցավ ու ցավդ քեզնից դուրս մեկի հետ կիսելու կարիք: սա նույն մարդու ընտրող հայացքն է, որ գնում է իր հետ դիմանալ կարողացողներին գտնելու:

այս կառույց մտնելիս զգում ես ստեղծարարության հոտը ու գլխավերևովդ անցնում են երկխոսության թելերը:
Մարի Լու Փափազյանը «Թումո» կենտրոնի տնօրենն է: այստեղ երիտասարդ մարդիկ հավաքվում են ու ստեղծում:

թատրոնը բոլորիս մոտ մեկ այլ աշխարհի զգացողություն է առաջացնում: իմ զրուցակիցը շատ լավ էր հասկանում այդ աշխարհի գաղտնիքը ու վերևից թույլ հեգնում էր դրա շուրջ ստեղծված միստիկան:
Արա Նեդոլյանը թատերագետ է:

նա նոր քաղաքացի է: արձակագիր ու դերասան: «քաղաքի» համար նոր բացահայտում: նրա քաղաքը մերկ է ու հիստերիկ…բայց այդ հիստերիան քեզ չի հիստերիկացնում:

այս երգչուհին դեռ չի եղել քաղաքում: սպասում էի նրան ու մտածում, որ մեկը, ում ձայնի տակ մի ժամանակ քնում էի, հիմա նույն ձայնով պատասխանելու է իմ հարցերին:

քաղաքը քաղաքացիներն են, որոնք անհատական են, մոդեռնիզացված և ընտրող:

հարցեր կան, որոնց պատասխանը միասին պիտի գտնենք, դրա համար նույն քաղաքացիները հաճախ են գալիս խոսելու ու փնտրելու: այս ընթացքում էլ ձևավորվում է այն, ինչ ուզում է «քաղաքը»` խոսակցություն…

մի քանի օր առաջ, երբ Մարինե Պետրոսյանը հանդիպում-քննարկում էր կազմակերպել քաղաքականություն-մշակույթ թեմայով, երիտասարդ «քաղաքը» մի անկյունում տեղավորվել ու զննում էր ապագա քաղաքացիներին: ինչպես ամեն այս կարգի հանդիպման ժամանակ, այս անգամ էլ մենք դուրս եկանք մի քիչ լարված, բայց նոր մտքերով հարուստ ու նոր զրուցակիցներ բացահայտած:

Աղասի Թադևոսյանն այս հանդիպման ժամանակ խոսում էր մոդեռնիզացիայի մասին, որը նա համարում է կարևորագույն տրանզիցիոն երևույթ և որն, ըստ նրա, պետք է դառնա քաղաքական ծրագիր:
խոսեցի նրա հետ` հասկանալու սա ու ձեզ պատմելու:

ցանկացած ցավ մեզ միշտ մղում է գործողության, պետք է պատրաստ լինել այդ դժվար էներգիան փոխակերպելու ու ... ստեղծելու: