Գեղամյանի տեղակալը՝ փոխնախարար (լրացված)

Հետաքրքրական է, որ քաղաքաշինության նախարարը «Բարգավաճ Հայաստանից» է՝ Վարդան Վարդանյանը, ով համարվում է Գագիկ Ծառուկյանի ամենամտերիմ անձանցից մեկը: Հաշվի առնելով վերջին զարգացումները՝ չի բացառվում, որ Ալեքսան Կարապետյանը գործուղվում է այդ նախարարություն՝ նախընտրական շրջանում «Բարգավաճի» հնարավոր «խաղերը» կանխելու և այդ ոլորտում առկա ոչ քիչ քանակությամբ ձայները դեպի Հանրապետական ուղղելու համար: Այս ենթադրությունն ավելի ռեալ է դառնում այն պարագայում, երբ խոսվում է, որ Արտաշես Գեղամյանը Հանրապետականի համամասնական ցուցակով պատգամավոր է դառնալու: Ստացվում է, որ «Բարգավաճ Հայաստանի» վերջին ընդդիմադիր «նկրտումներից» հետո իշխանության մոտ ԲՀԿ-ի հանդեպ լրջագույն անվստահություն է հասունանում, ուստի ԲՀԿ-ականների ղեկավարած ոլորտները «կոնտրոլի» տակ են դրվում:

***

Ալեքսան Կարապետյանը ծնվել է 1950 թ. Երևանում:
Սովորել է Ղ. Աղայանի անվան միջնակարգ դպրոցում: Ավարտել է Երևանի էլեկտրոնային հաշվիչ մեքենաների տեխնիկումի ավտոմատիկայի և հեռուստամեխանիկայի բաժինը, ապա ուսումնառությունը շարունակել Երևանի պոլիտեխնիկական ինստիտուտի շինարարական ֆակուլտետում: 1985-1989 թթ. սովորել է ԽՄԿԿ Կենտկոմին կից բարձրագույն կուսակցական դպրոցում, ստացել քաղաքագետի որակավորում:
1974-1976 թթ. աշխատել է Պոլիտեխնիկական ինստիտուտի ինժեներական հիդրոլոգիայի ամբիոնում որպես ավագ լաբորանտ: 1976-1980 թթ. ընտրվել և աշխատել է Երևանի պոլիտեխնիկական ինստիտուտի 14 հազարանոց ԼԿԵՄ կոմիտեի երկրորդ, ապա՝ առաջին քարտուղար, 1980-1985 թթ.` հանրապետության շինարարական ամենախոշոր (10 հազարանոց) կազմակերպության՝ «Երևանշին» արտադրական - շինմոնտաժային միավորման, կուսկոմիտեի երկրորդ, այնուհետև՝ առաջին քարտուղար։ 1985-1990 թթ. աշխատել է ՀԿԿ Կենտկոմի շինարարության և քաղաքային տնտեսության, ապա սոցիալ-տնտեսական բաժինների հրահանգիչ։ 1988 թ. դեկտեմբեր – 1989 մարտ ամիսներին մասնակցել է Սպիտակ քաղաքի երկրաշարժից տուժած բնակչության փրկարարական աշխատանքներին:
1991-1992 թթ. աշխատել է «Պրոմեթևս-Անդրնավթգազշին» ակցիոներական ընկերությունում որպես վարչության պետ։ 1992-1995 թթ. աշխատել է «Քաղշին» շինմոնտաժային միավորումում որպես պետի տեղակալ և կոմերցիոն կենտրոնի տնօրեն, 1995-1996 թթ. եղել է «ԱԿ և Կ» ՍՊԸ-ի նախագահ, 1996-1997 թթ.` հայ-բուլղարական «Արմբոլինվեստ» համատեղ ձեռնարկության գլխավոր տնօրեն։
«Ազգային Միաբանություն» կուսակցության հիմնադիրներից է, Ազգային ժողովի II և III գումարման պատգամավոր: 2003 թվականից եղել է ՆԱՏՕ-ի խորհրդարանական վեհաժողովում և Աշխարհի Միջխորհրդարանական միությունում ՀՀ Ազգային ժողովի պատվիրակության անդամ: Եղել է Ազգային ժողովի Հայաստան-Բուլղարիա պատգամավորական բարեկամության խմբի նախագահ, Բիզնեսի և պառլամենտի միջազգային ասոցիացիայի հայաստանյան գրասենյակի կոորդինացնող խորհրդի անդամ, Խորհրդարանականներն ընդդեմ կոռուպցիայի համաշխարհային գլոբալ կազմակերպության (GOPAC) հայաստանյան ազգային կառույցի անդամ։

HayNews.am