Facebook   Twitter
 
Դավաճանելով «հեղափոխության իդեալներին»

Դավաճանելով «հեղափոխության իդեալներին»

28 Հունիսի 2013 - 14:18
Ներքաղաքական զարգացումների կարևորագույն դրվագներից մեկը ՀԱԿ կուսակցությունների դաշինքի կազմալուծումն ու ՀԱԿԿ կուսակցության ձևավորումն էր, որը կատարվեց ՀՀՇ-ն կազմալուծելու ճանապարհով:
Առաջին հայացքից տարօրինակ ոչինչ տեղի չի ունեցել, և առաջին նախագահ Տեր-Պետրոսյանը ռեբրենդինգի է ենթարկել ՀՀՇ-ն, քանզի հասկանում է, որ կուսակցությունը սպառել է իրեն, և ՀՀՇ-ի առանցքի շուրջ ստեղծված ՀԱԿ-ը պետք է նոր ձևաչափով մասնակցի քաղաքական գործընթացներին: Միևնույն ժամանակ պարզ է, որ Հայաստանը փոքր երկիր է, այստեղ քաղաքականությամբ զբաղվողներն ու հետաքրքրվողները մեկը մյուսին շատ լավ են ճանաչում, և ռեբրենդինգը ոչ մի իմաստ չուներ: Այդ դեպքում հարց է առաջանում. ինչո՞ւ Լևոն Տեր-Պետրոսյանը կազմաքանդեց ՀԱԿ-ն ու ՀՀՇ-ն` ձևավորելով ՀԱԿԿ անվանումը կրող նոր քաղաքական միավորը:

Հիմա արդեն պարզ է, որ Լևոն Տեր-Պետրոսյանը, կազմաքանդելով ՀԱԿ-ն ու ՀՀՇ-ն, խնդիր էր դրել ազատվել այն գործիչներից, ովքեր իր իսկ դրոշի ներքո պայքարում էին արդարության համար և ունեին արդար մղումներ: Այս գործիչները ոչ մի կերպ չէին կարողանում համակերպվել այն մտքի հետ, որ Տեր-Պետրոսյանը, դավաճանելով «հեղափոխության իդեալներին», համագործակցություն է սկսել իր իսկ հռչակած «ավազակապետության» կարևորագույն հենասյուներից մեկի` օլիգարխիայի հետ: Այս մարդիկ Տեր-Պետրոսյանին պետք չէին, ուստի և նրանցից ազատվելն առաջին նախագահի համար դարձել էր կենսական նշանակություն ունեցող խնդիր, որն էլ լուծվեց ՀԱԿ-ի և ՀՀՇ-ի լուծարման ճանապարհով:

Տեր-Պետրոսյանին անհրաժեշտ էին Լյովիկ Զուրաբյանի նման գործիչներ, որոնք անվերապահորեն կատարում են «շեֆի» հանձնարարականները` երբեք չքննարկելով նպատակահարմարությունն ու մարտավարության տրամաբանական, բարոյական կողմերը: Ընդհանրապես, քաղաքականության բնագավառում «ձեռնասունների» գործոնը միշտ չէ, որ դրական արդյունք է ունենում: Սեփական կարծիք չունեցող և մշտապես «պատրոն» փնտրող տեսակը, ի վերջո, պարտվում է սեփական գործողությունները մշակող, իրականացնող և իր ուսերի վրա պատասխանատվություն վերցնող տեսակին: Թերևս, սա է պատճառը, որ ներկայումս նախկին ՀԱԿ կուսակցությունների դաշինքի ներկայացուցիչները հրապարակային պայքար են ծավալում միմյանց դեմ: Շատ է խոսվել, որ իշխանության ճամբարում տեսակի պայքար է գնում, նույնը վերաբերում է նաև ընդդիմադիր ճամբարին:

Այստեղ ևս կան մարդիկ, որոնք ունեն քաղաքական իդեալներ և չեն ցանկանում հայկական օլիգարխիայի խաղը խաղալ, ավելին` ստանձնել օլիգարխներին իշխանությունից պաշտպանելու և քաղաքական փաստաբանության դերակատարությունը, ինչը տեղի ունեցավ ՀԱԿԿ-ի պարագայում: Ինչ վերաբերում է օլիգախիային, ապա նրանց հաջողվել է շահեկան վիճակում հայտնվել: Կարելի է ասել, որ հայկական օլիգարխիան կարողացել է քաղաքական դիվերսիֆիկացիայի ենթարկել հնարավոր ռիսկերը և համագործակցում է ոչ միայն իշխանության տարբեր թևերի, այլև ընդդիմության մի հատվածի հետ: Իհարկե, փողը շատ բան է որոշում, սակայն քաղաքականության բնագավառում հնարավոր չէ փողով լուծել բոլոր տեսակի հարցերը, հատկապես, երբ ՀԱԿԿ ղեկավարությունը հայտնի է սկզբունքներից և հռչակված նպատակներից հետ կանգնելու վարքագծով:

«Իրատես»

HayNews.am
 
Նմանատիպ նորություններ
Արտուշ Գաբրիելյանը հրապարակում է Կարո Եղնուկյանի կալանքը փոխելու միջնորդության վերաբերյալ որոշումը (Տեսանյութ)
24 Մայիսի 2018 - 15:49
Երեւանի ընդհանուր իրավասության դատարանի Ավան եւ Նոր Նորքի նստավայրում դատավոր Արտուշ Գաբրիելյանն այս պահին հրապարակում է «Սասնա ծռերի» գործով Կարո Եղնուկյանի խափանման միջոց կալանքը փոխելու վերաբերյալ միջնորդության վերաբերյալ որոշումը:
ՀՀ նախագահ Արմեն Սարգսյանը 10-ից ավելի օրենք է ստորագրել
24 Մայիսի 2018 - 15:41
Հանրապետության նախագահ Արմեն Սարգսյանը մայիսի 24-ին մի շարք օրենքներ է ստորագրել:
«Արցախն անկախության նույնքան իրավունք ունի, որքան Սլովակիան, Հայաստանն ու Ադրբեջանը». Էդուարդ Շարմազանով
24 Մայիսի 2018 - 15:38
ՀՀ ԱԺ նախագահի տեղակալ, Հայաստան-Սլովակիա բարեկամական խմբի ղեկավար Էդուարդ Շարմազանովը մայիսի 24-ին Սլովակիա կատարած այցի շրջանակում հանդիպել է Սլովակիա-Հայաստան բարեկամության խմբի ղեկավար Դուշան Տիտելի հետ:
Արտահերթ ընտրությունները պետք է արդար եւ արդարացված լինեն. ՀՀ նախագահ
24 Մայիսի 2018 - 15:16
Արտահերթ ընտրությունների հարցը պետք է քննարկվի եւ լուծվի Ազգային ժողովում: Այս մասին մայիսի 24-ին լրագրողների հետ զրույցում հայտարարել է Հայաստանի Հանրապետության նախագահ Արմեն Սարգսյանը:
Լավ եմ արել, գնացել եմ կազինո, պետության փողերը չեմ գողացել. Ալեն Սիմոնյան (Տեսանյութ)
24 Մայիսի 2018 - 14:43
Լավ եմ արել, գնացել եմ կազինո: Այս մասին Facebook-ի իր էջում ուղիղ եթերում նշել է ԱԺ «Ելք» խմբակցության «Ելք» խմբակցության պատգամավոր Ալեն Սիմոնյանը՝ անդրադառնալով տարածվող լուրերին, թե ինքը կազինո է գնացել:
Արմեն Սարգսյանը՝ արտահերթ ընտրությունների անցկացման մասին
24 Մայիսի 2018 - 14:29
Խորհրդարանական արտահերթ ընտրությունների անցկացման հարցը պետք է քննարկվի ու լուծվի Ազգային ժողովում, այսօր լրագրողների հետ ճեպազրույցում ասաց ՀՀ նախագահ Արմեն Սարգսյանը:
Առաջին հանրապետությունը դարձավ ներկայիս Հայաստանի զարգացման հիմքը. ՀՀ նախագահ
24 Մայիսի 2018 - 14:19
Առաջին հանրապետությունը դարձավ Հայաստանի Երկրորդ եւ Երրորդ Հանրապետությունների ստեղծման հիմքը: 2017 թվականի նախագահի մրցանակի դափնեկիրների պարգեւատրման արարողության ժամանակ այս մասին հայտարարեց Հայաստանի Հանրապետության նախագահ Արմեն Սարգսյանը:
Դուք կարող եք հանգիստ քնել գիշերը․ Փաշինյանը՝ ֆինանսների նախարարին
24 Մայիսի 2018 - 14:07
Աշխատանքի և սոցիալական հարցերի նախարար Մանե Թանդիլյանն այսօր կառավարության նիստի ավարտին անդրադարձավ հաշմանդամության կարգ շնորհելու գործընթացներին:
1 | 2 | 3 | 4 | 5 | 6 | 7 | 8 | 4158
 
Լրահոս`