Facebook   Twitter
 
Հայաստանը մասնակցում է աշխարհի խոշորագույն լուսանկարչական մրցույթին

Հայաստանը մասնակցում է աշխարհի խոշորագույն լուսանկարչական մրցույթին

30 Օգոստոսի 2013 - 18:45
Սեպտեմբերի 1-ին 50 երկրներում մեկնարկում է «Վիքին սիրում է հուշարձաններ 2013» միջազգային լուսանկարչական մրցույթը, որն արդեն երկու անգամ գրանցվել է Գինեսի ռեկորդների գրքում որպես երկրագնդի ամենախոշոր լուսանկարչական մրցույթ։
Նախորդ տարի մրցույթի լուսանկարների թիվը գերազանցել է 350.000-ը։ Այս տարի սպասվում է, որ այդ թիվը էլի ավելի կաճի։

Այս տարի առաջին անգամ մրցույթին մասնակցում են նաև Հայաստանի Հանրապետությունը՝ Արցախի հետ միասին։ Մրցույթի հայաստանյան կազմակերպիչն է «Վիքիմեդիա Հայաստան» գիտակրթական ՀԿ-ն։ Գլխավոր աջակիցն է «Յուքոմ» ընկերությունը։

Մրցույթին կարող է մասնակցել յուրաքանչյուր ոք, պրոֆեսիոնալ և ոչ պրոֆեսիոնալ լուսանկարիչներ։ Կարելի է մասնակցել ինչպես սեպտեմբերի ընթացքում արված լուսանկարներով, այնպես էլ նախկինում արված լուսանկարներով։ Մրցույթի պայմաններին և այլ մանրամասներին կարելի է ծանոթանալ www.wikilovesmonuments.am կայքից։

Մրցույթի մասնակիցները սեպտեմբեր ամսվա ընթացքում լուսանկարներ են բեռնում Վիքիպահեստ՝ Վիքիմեդիա նախագծերի պատկների և տեսաձայնային նյութերի շտեմարան (http://commons.wikimedia.org/)։ Վիքիպահեստի շուրջ 18 միլոն մեդիաֆայլերը ազատ արտոնագրով են, այսինքն՝ յուրաքանչյուր ոք հնարավորություն ունի դրանք ազատորեն օգտագործել, տարածել և ձևափոխել թե՛ Վիքիպեդիայում, թե՛ ցանկացած այլ տեղ, այդ թվում համացանցից դուրս, օրինակ դասագրքերում, տպագիր հանրագիտարաններում, գրքերում, ֆիլմերում, ԶԼՄ-ներում, համակարգչային ծրագրերում և այլն։

Աշխարհում միլիոնավոր հուշարձաններ կան, սակայն դրանց միայն փոքր մասի լուսանկարներն են հասանելի ազատ արտոնագրով։ Մրցույթի կազմակերպիչների և մասնակիցների ցանկությունն այդ բացը լրացնելն է։ Միջոցառման կազմակերպիչներից Ալեքսեյ Չալաբյանի գնահատմամբ այս պահին Հայաստանի հուշարձանների հազիվ 1%-ի լուսանկարները կարելի է գտնել Վիքիպահեստում, «Այն էլ մեծ մասամբ միջակ որակի, ոչ այնպիսին, ինչպիսին մենք կցանկանայինք տեսնել»։

Մրցույթի նախապատրաստման ընթացքում Հայերեն Վիքիպեդիայում են տեղադրվել Հայաստանի Հանրապետությունում և Արցախում «պատմության և մշակույթի անշարժ հուշարձանի» կարգավիճակ ունեցող շուրջ 25.000 հուշարձանի ցանկերը։ Մրցույթի մասնակիցներն այդ ցուցակների օգնությամբ կարող են իմանալ, թե ինչ հուշարձաններ կան իրենց շրջապատում, գտնել դրանք և լուսանկարել։

Միջոցառման կազմակերպիչներից Վաչագան Ղռաթյանը գտնում է, որ մրցույթը «հետաքրքիր է, արկածային և օգտակար»։ «Վերցնում ես ֆոտոխցիկ կամ պարզապես բջջային հեռախոս, ճանապարհ ես ընկնում, լուսանկարում բացահայտածդ հուշարձանները և բեռնում Վիքիպահեստ։ Քո շնորհիվ հիմա ամբողջ աշխարհը կարող է ճանաչել այդ հուշարձանը»։

Այսպիսով, հուշարձաններ «թվայնացնելու» և ազատ բովանդակություն ստեղծելու շնորհիվ միջոցառումն մեծ կարևորություն ունի Հայաստանը և հայկական մշակույթն ողջ աշխարհին ներկայացնելու գործում։ Բացի այդ շատերի համար այն առիթ է սովորելու ավելացնել նյութեր Վիքիմեդիա նախագծերում։

Մասնակիցներին աջակցելու և խրախուսելու համար սեպտեմբեր ամսվա ընթացքում «ֆոտոզբոսանքներ» են նախատեսվում Երևանում, Գյումրիում, Վանաձորում, Գորիսում և Շուշիում։ «Շատերը գաղափար չունեն, թե ինչպես կարելի է նկար տեղադրել Վիքիպահեստում։ Մենք կօգնենք նրանց։ Բացի այդ, կարծում ենք, շատ ավելի հետաքրքիր է ֆոտոզբոսանքից հետո միասին նկարները բեռնելը։»

Մրցույթի տեղական հաղթողներին որոշելու է պրոֆեսիոնալ ժյուրին։ Լավագույն լուսանկարները կմասնակցեն ցուցահանդեսի։ Բացի այդ, առաջին տեղերը զբաղեցրած լուսանկարների հեղինակները կստանան արժեքավոր մրցանակներ։ Կլինեն նաև հատուկ մրցանակներ։

Լավագույն 10 լուսանկարները անցնելու են միջազգային փուլ։ Միջազգային ժյուրին կընտրի բոլոր երկրների լավագույն 10 լուսանկարները։ Այստեղ ևս կլինեն մրցանակներ և ցուցահանդեսներ։


«Վիքիմեդիա Հայաստան» գիտակրթական-հասարակական կազմկերպությունը ստեղծվել է 2013 թվականին։ Այն նպատակ ունի աջակցել և խթանել Վիքիմեդիա նախագծերի զարգացումը Հայաստանում։

HayNews.am
 
Նմանատիպ նորություններ
30 տարի ավտոտնակում մոռացված Bentley-ն վաճառվել է ավելի քան 450 000 ֆունտ ստերլինգով
25 Մարտի 2019 - 09:58
Ավելի քան 30 տարի ավտոտնակում կանգնած Bentley-ն, որն արտադրվել է 1936 թվականին, Անգլիայում կայացած աճուրդում վաճառվել է 454 250 ֆունտ ստերլինգով: Վերջնական գինը գրեթե երկու անգամ գերազանցել է նախնական արժեքը:
Գերմանիայում գնդակի համար վիճած երեխաների ծնողները զանգվածային կռվի են բռնկվել
25 Մարտի 2019 - 09:48
Մարտի 23-ի երեկոյան Ռեյնլանդ-Փֆալց դաշնային շրջանի Ռայնբյոլեն քաղաքի խաղահրապարակներից մեկում փոքրիկները վիճել են գնդակի համար: Իրենց երեխաներին օգնության հասած ծնողները նույնպես չեն կարողացել կիսել խաղալիքը խաղաղ ճանապարհով, հաղորդում է DW-ն:
Միգրանտների նոր քարավանը Մեքսիկայից շարժվում է դեպի ԱՄՆ
25 Մարտի 2019 - 09:47
Մոտ 1,5 հազար միգրանտներից կազմված քարավանը կիրակի Մեքսիկայի հարավի Չյապաս նահանգի Տապաչուլա քաղաքից շարժվել է դեպի ԱՄՆ հյուսիսային սահման։
Քաղցած մնալն իսկապես երկարացնում է կյանքը. հետազոտություն
25 Մարտի 2019 - 09:43
Կալորիաների օգտագործման նվազեցումն իսկապես երկարացնում է կյանքը, պարզել են Joslin Diabetes Center-ի (ԱՄՆ) գիտնականները։ Նրանք նաեւ փորձել են կապ գտնել քաղցած մնալու եւ կյանքի տեւողության միջեւ։
Մեծավան գյուղի տներից մեկում հրդեհ է բռնկվել
25 Մարտի 2019 - 09:33
Մարտի 25-ին, ժամը 03:12-ին 911 ծառայությանն ահազանգ է ստացվել, որ հրդեհ է բռնկվել Լոռու մարզի Մեծավան գյուղի կենտրոնական հատվածի տներից մեկի տանիքում:
Երկար ժամանակով լույս չի լինելու Երեւանում եւ 6 մարզերում
25 Մարտի 2019 - 09:30
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 25-ին պլանային եւ վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն`
Դժբախտ մայրը խնդրել է իր պայուսակը գողացած անձանց վերադարձնել հանգուցյալ դստեր մազափունջը
25 Մարտի 2019 - 09:08
Մեծ Բրիտանիայում դժբախտ մայրը դիմել է իր պայուսակը գողացած անձանց՝ խնդրելով վերադարձնել գոնե իր 6 տարի առաջ 2 տարեկան հասակում մահացած դստեր մազափունջը, հաղորդում է Sky News-ը:
Մարտի 25-ը Ստրկության եւ անդրատլանտյան ստրկավաճառության զոհերի հիշատակման միջազգային օրն է
25 Մարտի 2019 - 09:06
Ստրկության եւ անդրատլանտյան ստրկավաճառության զոհերի հիշատակման միջազգային օրը (International Day of Remembrance of the Victims of Slavery and the Transatlantic Slave Trade) նշվում է ամեն տարի մարտի 25-ին: ՄԱԿ-ի Գլխավոր ասամբլեայի № A/RES/62/122 բանաձեւն ընդունվել էր 2007 թվականի դեկտեմբերի 17-ին, գրում է Calend.ru-ն:
Մարտի 25-ի Ձեր ռոմանտիկ հորոսկոպը
25 Մարտի 2019 - 09:03
ԽՈՅԵՐ
1 | 2 | 3 | 4 | 5 | 6 | 7 | 8 | 15654
 
Լրահոս`