Facebook   Twitter
 
Պահանջատերը մենք ենք՝ հայերս, իսկ պահանջը՝ հատուցո՛ւմ և ո՛չ թե ճանաչում. Էդիկ Մինասյան

Պահանջատերը մենք ենք՝ հայերս, իսկ պահանջը՝ հատուցո՛ւմ և ո՛չ թե ճանաչում. Էդիկ Մինասյան

20 Ապրիլի 2017 - 19:55
Ցեղասպանությունից 102 տարի անց էլ մեր նպատակը շարունակում է մնալ պահանջատիրությունը՝ Ցեղասպանության փաստի ոչ այնքան ճանաչումը, որքան հատուցումը, այս մասին այսօր լրագրողների հետ հանդիպման ժամանակ ասաց պատմական գիտությունների դոկտոր-պրոֆեսոր Էդիկ Մինասյանը:
«Մենք այսօր վստահություն չունենք, որ մեր պահանջն իսկույն կկատարվի, ավելին, գուցե այն երբեք չկատարվի, սակայն դա չի նշանակում, որ չպետք է բարձրաձայնենք, օգտագործենք բոլոր պատեհ ու անպատեհ առիթները, բոլոր միջազգային բեմերն ու կոնֆերանսները՝ ևս մեկ անգամ հիշեցնելու, որ մենք պահանջատեր ենք,- նշեց բանախոսն ու հավելեց.- 1.5 միլիոն նահատակներին չենք վերադարձնի, բայց ունեցել ենք նաև տարածքների, ունեցվածքի, մշակութային արժեքների կորուստ: Մենք այդ ամենի հատուցում ենք պահանջում»:

2015-16թթ.-ին Թուրքիան մի քանի փորձ է արել ետ կանչել իր դեսպաններին այն երկրներից, ովքեր ճանաչել են Հայոց Ցեղասպանությունը: Խոսելով Թուրքիայի ժխտողական քաղաքականության մասին, բանախոսը հատկանշական համարեց այն, որ թեև իշխանությունների դիրքորոշումը անփոփոխ է, սակայն թուրք հասարակության մեջ արմատական փոփոխություններ կան՝ հատկապես Հրանտ Դինքի սպանոււթյունից հետո, երբ թուրք երիտասարդները «ՀՐԱՆՏ ԴԻՆՔԸ ՄԵՆՔ ԵՆՔ» կոչերով և պաստառներով ցույցեր էին կազմակերպել Անկարայում:

Էդիկ Մինասյանի խոսքով՝ այսօր էլ շատ թուրք երիտասարդներ, քաղաքական մի շարք գործիչներ շարունակում են իրենց, գուցե և թաքնված, բայց հակաժխտողական քաղաքականությունը, ինչի պատճառով էլ ոմանք ենթարկվում են ազատազրկման և այլ դաժանությունների:

«Վերջերս ես եղա Մուշում, որտեղ թուրք, գուցե և ծպտված, թրքացած հայ երեխաներին հայերեն էին սովորեցնում, ինչ-որ տեղ դա արվում է գաղտնի: Մեր ամենակարևոր խնդիրն այսօր քրդերի հետ համագործակցություն, հարաբերություններ ձևավորելն է: Իսլամացած հայության թիվը միլիոնների է հասնում, այդ ուղղությամբ աշխատել է պետք»,- HayNews.am-ի հարցին, թե ճշմարտությունը թուրք երիտասարդությանը և առհասարակ հասարակությանը հասցնելու համար ինչ քայլեր են արվում նշեց Էդիկ Մինասյանը:

27 երկիր ընդունել է Հայոց ցեղասպանության փաստը, դատապարտել Թուրքիայի ժխտողական քաղաքականությունը, կոչ արել վերջինիս ընդունել իր մեղքը: ԱՄՆ-ի շուրջ 46 նահանգներ ևս ճանաչել են 1915թ.-ի դեպքերը որպես Ցեղասպանություն, ինչը սակայն չի արել Սենատը:

Արդյո՞ք մենք նորից սպասում ենք մեր «մեծ եղբոր»՝ Ռուսաստանի օգնությանը Հայոց Ցեղասպանության ընդունման գործընթացում HayNews-ի հարցին ի պատասխան Մինասյանը նշեց.

«ՌԴ-ի պետդուման օրենսդրորեն դատապարտել է 1915թ.-ի դեպքերը, հայրենազրկում տերմինը ևս կիրառվել է: Հատկանշական է նաև, որ Ռուսաստանը 2015թ.-ին վերահաստատեց իր դիրքորոշումը: Թուրքիայի հետ հարաբերությունները կարծես լարվել էին և մենք ուրախացանք, թե դա օգուտ կտա մեզ, այնինչ ամեն բան հարթվեց և նորից մեղրամսի իրավիճակ ստեղծվեց երկու երկրների միջև:

ՌԴ-Թուրքիա հարաբերությունները կայուն չեն, բայց դրանց վատթարացման ակնկալիքով սպասել Ռուսաստանի, միմիայն նրա աջակցությանը, պետք չէ: Մենք չպետք է ապավինենք ոչ ոքի օգնությանը, մենք ունենք բոլոր ռեսուրսները, որ ամենուր հնչեցնենք միմիայն հատուցման արդարացի պահանջը»:


Անուշ Կրկյաշարյան
 
Նմանատիպ նորություններ
«Վերջին զանգի» 71 մեքենա տուգանային հրապարակներում. ՏԵՍԱՆՅՈՒԹ
26 Մայիսի 2017 - 21:31
Հայաստանում ժամը 16։30-ի տվյալներով «Վերջին զանգի» միջոցառումներին մասնակցող 71 մեքենա հայտնվել է ոստիկանության տուգանային հրապարակում։

ԱՄՆ-ում հայտնել են Սիրիայում և Իրաքում ԻՊ-ի երեք ղեկավարների ոչնչացման մասին
26 Մայիսի 2017 - 21:15
Սիրիայում և Իրաքում ԱՄՆ-ի գլխավորած կոալիցիայի օդային հարվածների հետևանքով ոչնչացվել է «Իսլամական պետություն» ահաբեկչական խմբավորման երեք ղեկավար: Այդ մասին ասված է ԱՄՆ կենտրոնական հրամանատարության հայտարարությունում, որի պատասխանատվության գոտում է գտնվում Մերձավոր Արևելքը, գրում է «ՌԻԱ Նովոստի»-ն:
Ցանկանում ենք նվաճել Գերմանիայի Գավաթը. Թոմաս Տուխել
26 Մայիսի 2017 - 21:14
Դորտմունդի «Բորուսիայի» գլխավոր մարզիչ Թոմաս Տուխելը հայտարարել է, որ ցանկանում է մրցաշրջանն ավարտել Գերմանիայի Գավաթում հաղթելով:
Բրիտանիային հատուկ ծառայությունները ձերբակալել են ահաբեկիչների ցանց` կապված Մանչեսթրի ահաբեկչության հետ
26 Մայիսի 2017 - 21:13
Բրիտանական ոստիկանության հակաահաբեկչական բաժնի ղեկավար Մարկ Ռոուլին հայտարարել է, որ «ահաբեկիչների մեծ ցանցը», որը կանգնած է Մանչեսթրի մարզադաշտի ահաբեկչության հետևում, ձերբակալվել է, հայտնում է Sky News-ը:
ԱՄՆ-ում մուսուլմանը իրեն խոզի մսով պիցցա վաճառելու համար պահանջում է 100 միլիոն դոլար
26 Մայիսի 2017 - 21:11
ԱՄՆ-ում մուսուլմանը դատի է տվել պիցերիային և պահանջում է 100 միլիոն դոլար փոխհատուցում այն բանի համար, որ իրեն 2 անգամ տվել են պիցցա նրբերշիկով և խոզի մսով` չնայած պիցայում դրանք չօգտագործելու իր խնդրանքին, հայտնում է Detroit Free Press-ը:

Տաքսու ուղևորուհու սպանության գործով նախաքննությունն ավարտվել է. մանրամասներ սպանության մասին
26 Մայիսի 2017 - 20:56
2016 թվականի դեկտեմբերի 27-ին Արարատի մարզի Տափերական գյուղի տարածքում Քրիստինե Արզումանյանի սպանության գործով նախաքննությունն ավարտվել է և մեղադրանք է առաջադրվել սպանության գործով կասկածյալ, տաքսու վարորդ Գարեգին Եղիազարյանին:
Ձեռքի նռնակ, նռնակի պայթուցիչ և 37 փամփուշտ
26 Մայիսի 2017 - 20:55
Ոստիկանության Արմավիրի բաժնի ծառայողների բացատրական աշխատանքների շնորհիվ 1994 թ. ծնված Կայծունի Ա.-ն կամավոր հանձնել է ձեռքի նռնակ՝ առանց պայթուցիչի, նռնակի պայթուցիչ, տարբեր տրամաչափի 37 փամփուշտ:
Մերկելը գովել է Կանադայի վարչապետի գունավոր գուլպաները
26 Մայիսի 2017 - 20:54
Գերմանիայի կանցլեր Անգելա Մերկելը պաշտոնական Instagram-ում գովել է Կանադայի վարչապետ Ջասթին Թյուդոյի գուլպաները:
ԱՄՆ ՆԳ նախարարը հայտնել է երկրում ահաբեկչական սպառնալիքի մասին
26 Մայիսի 2017 - 20:51
ԱՄՆ ներքին անվտանգության նախարար Ջոն Քելին հայտնել է, որ ամերիկացիները դուրս չէին գա տնից, եթե ահաբեկչական սպառնալիքի մասին իմանային այնքան, որքան ինքը գիտի։ Իր ձեւով կատակայինն, բայց բովանդակությամբ առավել քան լուրջ արտահայտությունն այսօր հնչել է Fox News–ին տված հարցազրույցում։
1 | 2 | 3 | 4 | 5 | 6 | 7 | 8 | 8477
 
Լրահոս`
 
 
 
 
 
 
 
 
 
 
Ցանկանում ենք նվաճել Գերմանիայի Գավաթը. Թոմաս Տուխել
Միջազգային, Սպորտ, Հասարակություն
 
 
 
 
 
Մերկելը գովել է Կանադայի վարչապետի գունավոր գուլպաները
Միջազգային, Հասարակություն, Քաղաքական