Facebook   Twitter
 
Անտառների կառավարման մարմնի կարգավիճակը պետք է բարձրացվի և անտառային միասնական ֆոնդ լինի. իրավաբան-էկոլոգ

Անտառների կառավարման մարմնի կարգավիճակը պետք է բարձրացվի և անտառային միասնական ֆոնդ լինի. իրավաբան-էկոլոգ

19 Մայիսի 2017 - 21:29
Պետք է անտառների կառավարման մարմնի կարգավիճակը բարձրացվի և անտառային միասնական ֆոնդ լինի: Ներկայումս անտառների կառավարման մի մասը գյուղնախարարության հսկողության տակ գտնվող «Հայանտառ» ՊՈԱԿ-ն է իրականացնում, մյուս մասը՝ բնապահպանության նախարարությունը: Այս մասին Tert.am-ի հետ զրույցում ասաց «Հայաստանի անտառներ» ՀԿ-ի նախագահ իրավաբան-էկոլոգ Նազելի Վարդանյանը:

«Հիմա «Հայանտառը» պետական ոչ առևտրային կազմակերպություն է և գյուղնախարարության կազմում: Բացի դրանից՝ անտառային ֆոնդը կիսվել է երկու մասի: Մենք առաջարկել էինք, որ միասնական ֆոնդ լինի, կառավարվի մի մարմնի կողմից, որը կարող է լինել անտառի կոմիտե կամ անտառի նախարարություն: Կամ՝ կարող է մեկ առանձին մարմին լինել կառավարության կազմում, որովհետև անտառի հարցը շատ կարևոր է: Մինչև կարգավիճակը չփոխվի, որևէ փոփոխություն արդյունքի չի բերի»,- նշեց Վարդանյանը:

Հիշեցնենք, որ կառավարության նախորդ շաբաթվա նիստում վարչապետ Կարեն Կարապետյանն ընդգծել էր, որ անհրաժեշտ է կատարելագործել անտառների կառավարման ներկա մոդելը: Նա հանձնարարել էր անտառների կառավարման հայեցակարգ մշակել, որը պետք է համալիր լուծումներ առաջարկի անտառների պահպանությանը, ապօրինի ծառահատումների դեմ պայքարին, հսկողությանը և մոնիթորինգին. «Այս պահին կառավարման ներկա մակարդակը գնահատում եմ անբավարար», - շեշտել էր Կ. Կարապետյանը: Նշենք նաև, որ մամուլում տեղեկություններ կան, որ քննարկվում է «Հայանտառ» ՊՈԱԿ-ի տնօրեն Մարտուն Մաթևոսյանի պաշտոնանկության հարցը:

Նազելի Վարդանյանը հայտնեց, որ կառավարությանն արված իրենց առաջարկները չեն ընդունվել, և այժմ էլ նոր հայեցակարգի մշակման գործում համագործակցություն չկա:

«Ասում են ֆինանսների նախարարությունը չի համաձայնվում, բայց մենք հաշվարկել ենք, որ մի բաժին լուծարվում է գյուղնախարարությունից, մի հսկայական բաժին և գործակալություն՝ բնապահպանության նախարարությունից: Ավելի շուտ՝ հաստիքի կրճատում կլինի, քան կավելանա»,- նկատեց Վարդանյանը:

Բացի դրանից՝ Բնապահպանության նախարարությունը անտառների կառավարման գործում իրականացնում է և՛ վերահսկողություն, և՛ կառավարում, որը, ըստ Նազելի Վարդանյանի, անթույլատրելի է:

«Նա չի կարող ինքն իրեն վերահսկել: Այսինքն՝ հատուկ պահպանվող տարածքների անտառները մնացել են առանց վերահսկողության, որովհետև նույն մարմինը հա՛մ կառավարում է, հա՛մ վերահսկում: Դրա համար «Դիլիջան» ազգային պարկում ավելի շատ խախտումներ են արվում, քան սովորական անտառում: Նույնն էլ հատուկ պահպանվող մյուս տարածքներում է»,- ընդգծեց նա:

Վարդանյանի համոզմամբ՝ կոմիտեն միայն քաղաքականություն մշակող մարմին պետք է լինի, իսկ վերահսկողական ֆունկցիա պետք է դրվի նոր մարմնի՝ անտառային ծառայության վրա: Դրանով կբարձրանա անտառապահների ստատուսը: Նրանց կտրվեն ավելի շատ արտոնություններ, հնարավորություններ, որոնցով կկարողանան ինչ-որ գործունեություն իրականացնել:

«Հիմա նրանք պահակի դեր են կատարում, ոչ թե անտառապահի: Խորհրդային տարիներին բռնագրավում էին ապօրինի փայտը, գործիքները, պատասխանատվության էին ենթարկում: Հիմա անտառապահին տալիս են 1000 հա անտառ և 60 հազար դրամ աշխատավարձ՝ առանց որևէ տեխնիկական միջոցների»,- ասաց իրավաբան-էկոլոգը:

Ըստ նրա՝ Հայաստանում տարեկան նվազագույնը 400-500 հազար խ/մ հատում է արվում՝ այն դեպքում, որ թույլատրված է 30-40 հազար խ/մ: Այսինքն՝ 10-12 անգամ ավելի հատումներ են իրականացվում. «Ապօրինի հատումների պահանջարկը կա, բոլոր դեպքերում՝ առաջարկը լինելու է: Եթե համայնքներում գազը, էլեկտրականությունը մատչելի լինի, այդքան փայտի կարիք չի լինի: Մեր հաշվարկը համայնքների պահանջարկի հետ է կապված»:

Ինչ վերաբերում է նրան, թե անտառները Հայաստանի մակերեսի քանի տոկոսն են կազմում, Վարդանյանն ասաց, որ պաշտոնապես 11.2 տոկոս է ասվում՝ 1991 թ. գույքագրման տվյալներով: Ըստ նրա՝ վերջին 25 տարում գույքագրում չի արվել և այդ ընթացքում մեծ քանակով կրճատվել է անտառների մակերեսը. «Հնարավոր չէ, որ 11.2 տոկոս մնար: Մեր հաշվարկներով՝ դա 7-8 տոկոս է»,- նշեց նա:
 
Նմանատիպ նորություններ
Ի՞նչ էր մտածում Իվետա Մուկուչյանը, երբ Դուբայից նման վուլգար լուսանկարներ էր հրապարակում (Լուսանկարներ)
23 Նոյեմբերի 2017 - 20:35
Իվետա Մուկուչյանը ֆեյսբուքյան իր էջում գիշերային Դուբայից լուսանկար է հրապարակել, որտեղ պարզ երևում է նրա ընկերուհիներից մեկի սպիտակ ներքնազգեստը։
Դեսպան Ղազարյանը դասախոսություն է կարդացել Վարշավայի համալսարանում
23 Նոյեմբերի 2017 - 20:22
Նոյեմբերի 21-ին Լեհաստանում ՀՀ դեսպան Էդգար Ղազարյանը «ՀՀ արտաքին քաղաքականության գերակայություններն ու տարածաշրջանային խնդիրները» թեմայով դասախոսությամբ հանդես եկավ Վարշավայի համալսարանի Կենտրոնական և Արևելյան Եվրոպայի ուսումնասիրությունների կենտրոնում:
Հիպոթեքով բնակարան գնելու դեպքում եկամտահարկի վերադարձի ծրագիրը կփոխվի հունվարի 1-ից
23 Նոյեմբերի 2017 - 20:17
Կառավարության նախաձեռնությամբ Հարկային օրենսգրքում կատարվող փոփոխություններով հիպոթեքային վարկից օգտվողների համար նորակառույց շենքերում բնակարան ձեռք բերելու դեպքում եկամտահարկի վերադարձի ծրագիրը փոփոխվելու է:
Անչափահաս եղբոր հետ գողություններ էր կատարել
23 Նոյեմբերի 2017 - 20:16
Օրերս ոստիկանության Դավիթաշենի բաժանմունքում տեղեկություններ էին ստացվել, որ Սարի թաղի բնակիչ Արմեն Բաղրամյանը իր անչափահաս եղբոր հետ գողություններ է կատարում։
Արտակարգ դեպք Արագածոտնի մարզում. 14-ամյա երեխան դպրոցից «փակ գանգուղեղային տրավմա, գանգուղեղի ցնցում՝ հարցականով» ախտորոշմամբ տեղափոխվել է Ապարանի հիվանդանոց
23 Նոյեմբերի 2017 - 20:12
Երեկ՝ նոյեմբերի 22-ին, վիճաբանություն-ծեծկռտուք է տեղի ունեցել Արագածոտնի մարզում։ Կեսօրին Ապարանի բժշկական կենտրոն է տեղափոխվել Ապարան քաղաքի բնակիչ՝ 14-ամյա Սամվել Ա.-ն։
Մեքսիկայում երեք տուն է փլվել (Տեսանյութ)
23 Նոյեմբերի 2017 - 20:05
Մեքսիկայում մի քանի բնակելի տուն է փլվել կառուցվող առևտրական կենտրոնի փոսորակի մեջ: Մեկ մարդ մահացել է, երեքն՝ անհայտ կորել, ևս մի քանիսը վնասվածքներ է ստացել, հայտնում է РИА Новости-ն՝ հղում անելով Telemundo- ին:
Ծառայողական հովվաշունը ոստիկանների հետ հատակին ձգում վարժություն է կատարել
23 Նոյեմբերի 2017 - 20:05
ԱՄՆ քաղաքներից մեկի ոստիկանները համացանցում հոլովակ են տեղադրել, որում ծառայողական հովվաշունը 2 ոստիկանների հետ հատակին ձգում վարժություն է կատարում, փոխանցում է «Россия 24»-ը:

1 | 2 | 3 | 4 | 5 | 6 | 7 | 8 | 8604
 
Լրահոս`
 
 
 
 
 
 
 
Մեքսիկայում երեք տուն է փլվել (Տեսանյութ)
Հասարակություն, Տեսանյութեր