Facebook   Twitter
 
Տեխասը ճանաչել է Հայոց ցեղասպանությունը

Տեխասը ճանաչել է Հայոց ցեղասպանությունը

19 Մայիսի 2017 - 21:56
ԱՄՆ Տեխաս նահանգի Ներկայացուցիչների պալատը ճանաչել է Հայոց ցեղասպանությունը՝ միաձայն ընդունելով թիվ 191 բանաձևը: Ինչպես հաղորդում է «Արմենպրես»-ը, բանաձևը վերնագրված է «Հայոց ցեղասպանության ճանաչման մասին»: Տեխասն, այսպիսով, դարձավ Հայոց ցեղասպանությունը ճանաչած 46-րդ նահանգը:

«Շնորհակալ ենք Տեխասի Ներկայացուցիչների պալատին պատմության ճիշտ կողմում կանգնելու համար՝ իրենց դինամիկ նահանգը դարձնելով այն միության անդամ, որը հստակորեն պատվում է Հայոց ցեղասպանության 1.5 միլիոն զոհերի հիշատակը՝ ի հակադրություն թուրքական ըննդիմության»,- նշել է ԱՄՆ Հայ դատի հանձնախմբի արևմտյան շրջանի ղեկավար Նորա Հովսեփյանը:

ԱՄՆ Տեխաս նահանգի կողմից Հայոց ցեղասպանության ճանաչմամբ ամբողջացան ԱՄՆ արևմտյան ափի նահանգներում Հայոց ցեղասպանության ճանաչմանն ուղղված ամերիկահայերի քայլերը: Ինչպես հաղորդում է «Արմենպրես»-ը, ԱՄՆ Հայ դատի հանձնախմբի արևմտյան ափի կառույցի պատասխանատվության շրջանում գտնվող բոլոր նահանգները ճանաչել են Հայոց ցեղասպանությունը: Դրանք են Ալյասկան, Արիզոնան, Կալիֆորնիան, Կոլորադոն, Հավային, Այդահոն, Կանզասը, Մոնտանան, Նեբրասկան, Նևա դան, Նյու Մեքսիկոն, Հյուսիսային Դակոտան, Օկլահոման, Օրեգոնը, Հարավային Դակոտան, Տեխասը, Յուտան, Վաշինգտոնը և Վայոմինգը:

Տեխասի Ներկայացուցիչների պալատի կողմից այսօր ընդունած բանաձևում, մասնավորապես նշվում է. «Առաջին համաշխարհային պատերազմի ընթացքում քանդվող Օսմանյան կայսրությունը սկսեց հայ բնակչության ոչնչացման համակարգային արշավը, որն այդ ժամանակ կազմում էր ավելի քան երկու միլիոն: Շուրջ 1.5 միլիոն հայեր ոչնչացվեցին, և այսօր Հայաստանում՝ հայերի հայրենիքի շուրջ 10 տոկոս տարածքի վրա բնակվում են 3 միլիոն հայեր, մինչդեռ հայկական սփյուռքը հաշվվում է 8-ից 10 միլիոն աշխարհի տարբեր երկրներում, այդ թվում՝ ԱՄՆ-ում»:

Այս բանաձևի ընդունումը Տեխասի օրենսդիր մարմնի հերթական հայանպաստ քայլն է: Դեռևս 2015թ-ին այն մերժել էր մի շարք հակահայկական բանաձևեր, իսկ այնուհետև ընդունել 1541 բանաձևը, որում շեշտվում էր Տեխասի աջակցությունը Հայոց ցեղասպանության հետևանքով որբ մնացած շուրջ 132 հազար հայ երեխաներին:
 
Նմանատիպ նորություններ
Ադրբեջանը տուգանքներ է սահմանում գործադուլների համար
26 Ապրիլի 2018 - 20:26
Ադրբեջանում նոր պատժատեսակներ են սահմանում գործադուլների եւ այլ մեթոդների միջոցով ձեռնարկություններում, հաստատություններում եւ կազմակերպություններում գործունեության կասեցման համար: Ինչպես հաղորդում է ԱՊԱ-ն, այս կապակցությամբ Ադրբեջանի նախագահը Միլլի Մեջլիսին առաջարկել է փոփոխել Օրենսգրքի՝ վարչական իրավախախտումների վերաբերյալ հոդվածը:
Նիգերիայում «երեխաների ֆաբրիկայից» տղաներին և աղջիկներին փրկել են ստրկությունից և մարմնավաճառությունից
26 Ապրիլի 2018 - 19:29
Նիգերիայի ամենախոշոր քաղաքում՝ Լագոսում, փրկել են ավելի քան 100 երեխայի, որոնց մտադիր էին օգտագործել որպես ստրուկներ կամ մարմնավաճառներ: Այս մասին հայտնում է BBC News-ը:
Մոսկվայում կայացել է Նալբանդյանի և Լավրովի հանդիպումը
26 Ապրիլի 2018 - 19:20
Հայաստանի արտաքին գործերի նախարարի պաշտոնակատար Էդվարդ Նալբանդյանը այսօր Մոսկվայում հանդիպում է ունեցել Ռուսաստանի արտգործնախարար Սերգեյ Լավրովի հետ՝ քննարկելու իրավիճակը Լեռնային Ղարաբաղի և Ադրբեջանի միջև շփման գծում: Այս մասին հաղորդում է Հայաստանի արտգործնախարարության մամուլի և տեղեկատվության վարչությունը:
Ալիևն իր ընտանիքի կոռուպցիոն գործարքների բացահայտումը կանխելու նպատակով մեկնել է Մեծ Բրիտանիա
26 Ապրիլի 2018 - 17:50
Իլհամ Ալիևը Թուրքիա կատարած այցից հետո՝ ապրիլի 26-ին մեկնել է Մեծ Բրիտանիա: Այս մասին հայտնում է ադրբեջանական azadliq.info լրատվական գործակալությունը:
ԵԽԽՎ-ն ընդունել է իր պատգամավորների և Ադրբեջանի իշխանությունների միջև կոռուպցիոն գործարքների վերաբերյալ զեկույցը
26 Ապրիլի 2018 - 17:09
Եվրոպայի խորհրդի խորհրդարանական վեհաժողովի (ԵԽԽՎ ) լիագումար նիստում ապրիլի 26-ին բուռն քննարկումներից հետո ընդունվել է կոռուպցիոն գործարքների վերաբերյալ անկախ հետաքննչական մարմնի կողմից ներկայացված 219 էջանոց զեկույցը:
Արքայազն Վիլյամը քիչ է մնացել քնի՝ եկեղեցական արարողակարգի ժամանակ (Տեսանյութ)
26 Ապրիլի 2018 - 16:52
Իր երրորդ ժառանգորդի լույս աշխարհ գալու հաջորդ օրը արքայազն Վիլյամը միացել է իր եղբորը՝ Հարիին և նրա ապագա կնոջը՝ Մեգան Մարքլին, Վեսթմինսթերյան աբբայությունում եկեղեցական արարողակարգի ժամանակ: Նրանք երեքով նստել են իրար կողքի և աղոթքներ են լսել, սակայն նրանցից մեկը շատ դժվարությամբ էր մասնակցում հոգեհանգստին:
Ռուսաստանը Թուրքիային է վաճառել Ка-32 ուղղաթիռներ
26 Ապրիլի 2018 - 16:38
«Ռուսաստանի ուղղաթիռներ»–ը համաձայնագիր է ստորագրել թուրքական Kaan Air–ի հետ երեք Ка-32 ուղղաթիռի մատակարարման մասին, փոխանցում է ՌԲԿ–ն։ Տեխնիկան կտրամադրվի վարկային համաձայնագրով։
Հայտնաբերվել են 1300 տարի առաջ ապրած մարդկանց մնացորդներ
26 Ապրիլի 2018 - 16:36
Պերուում հայտնաբերվել են 1300 տարի առաջ ապրած մարդկանց մնացորդներ
Կրեմլում հույս են հայտնել, որ Հայաստանում իրավիճակը կկարգավորվի սահմանադրության շրջանակներում
26 Ապրիլի 2018 - 16:35
Կրեմլում հույս են հայտնել, որ Հայաստանում ներքաղաքական իրավիճակը կկարգավորվի հնարավորինս շուտ՝ սահմանադրական դաշտի շրջանակներում:
1 | 2 | 3 | 4 | 5 | 6 | 7 | 8 | 3513
 
Լրահոս`
 
 
 
 
 
 
 
 
 
 
 
 
 
 
 
 
2 մեդալ՝ Եվրոպայի առաջնությունից
Սպորտ, Հասարակություն