Facebook   Twitter
 
Ահազանգ. Աչաջուրում մտահոգված են

Ահազանգ. Աչաջուրում մտահոգված են

12 Հունիսի 2017 - 10:44
Տավուշի մարզից անտառահատումների վերաբերյալ հերթական նամակն ենք ստացել, այս անգամ մեզ են գրում Աչաջուր գյուղից, նամակը ներկայացնում ենք առանց որեւէ միջամտության:
HayNews.am կայքի հարգելի խմբագրություն, վերջին օրերին Տավուշի մարզի որոշ անտառամերձ գյուղերում խիստ անհանգստություն կա անտառահատումների վերաբերյալ հրապարակումների առթիվ։

Բանն այն է, որ անտառին վերաբերող խնդիրները, մեր կարծիքով, մեծ հեռավորությունից այլ կերպ են դիտվում։ Հարգելով հանդերձ մամուլի՝ ազատ կարգով տեղեկատվություն ստանալու եւ տարածելու իրավունքը, կարեւորելով մամուլի դերը հասարակական խնդիրների քննարկման եւ լուծման հարցում, այդուհանդերձ որոշել ենք հանդես գալ որոշ դիտարկումներով ու պարզաբանումներով։

HayNews.am կայքում վերջին շաբաթ հրապարակված 1-2 նյութեր վերաբերում էին Սեւքարի անտառպետության, այդ թվում՝ Աչաջրի անտառտնտեսության տարածքում կատարված ծառահատումներին։

վերջին տարիներին, ինչպես փորձն է ցույց տվել, անտառների նկատմամբ ուշադրությունը շատ ավելի մեծ է, առանց անտառապահներին տեղեկացնելու՝ անտառից փայտ պարզապես անհնար է, ինչը հերքում է հոդվածներում ներկայացված այն պնդումը, թե անտառներում ապօրինի ծառահատումներ են։

Մեր պնդումն այն է, որ անտառտնտեսության պատասխանատուները նույնպես չեն կարող ազատ թույլատրել ապօրինի ծառահատումներ։ Նրանք էլ են հասկանում իրավիճակի լրջությունը, նրանց նույնպես շատ խիստ վերահսկում են թե վերադասը, թե իրավապահ մարմինները։
Ինչպե՞ս եք պատկերացնում որեւէ անտառապահի կողմից երաշխավորելը գյուղացուն, թե՝ գնա, ծառ կտրիր։ Անգամ եթե դրա դիմաց գումար խոստանանք։ Չէ՞ որ անգամ մամուլի մեկ հրապարակումը միանգամից իրավապահ մարմինների եւ հասարակության ուշադրությունը ուղղում է դեպի անտառներ։ Երկրում հարյուրավոր արշավականներ յուրաքանչյուր տարի տասնյակ ահազանգեր են տալիս։ Ինչ է, անտառապահներն ամենակարո՞ղ են, որ արհամարհեն բոլոր այս գործոններն ու գործեն սրտի ուզածի նման։

Անտառում շատ են քամատապալ ու ծերացած ծառերը, որոնցից օգտվելը գումար է բերում պետական բյուջե։ Բայց մամուլում հաճախ են թերահավատորեն վերաբերվում գյուղացիների պնդումներին, որ անտառից օգտվում են շրջակա գյուղերի բնակիչները։ Որպես մեր պնդումների հակափաստարկ, բերում են փայտով բեռնված ավտոմեքենաների լուսանկարները, թե՝ բա սա՞ ինչ է։

Ինչպես երեւում է, հեռավոր մայրաքաղաքում պատկերացումները անտառի ռեսուրսներից օգտվելու մասին՝ այլ են։ Բեռնատարները, այո, աշխատանք են կատարում, որի դիմաց վարձատրվում են։ Հարցը հետեւյալում է․ յուրաքանչյուր գյուղացու կարողության հարց չէ՝ անտառից 10-12 խմ մետր փայտ բերել (խոսքը մեկ ձմեռվա պաշարի մասին է)։ Փոխարենը բանվորական աշխատանքի դիմաց փոխհատուցում են նրանց, ովքեր պատրաստ են իրենց բեռնատարներով մտնել անտառ եւ վաստակել օրվա ապրուստի միջոցը։ Դրանով վարորդները, բանվորները ընտանիք են կերակրում։

Բայց ոչ ոք հենց այնպես, առանց թույլտվության, առանց օրենքները խախտելու՝ անտառից փայտ չի բերում։ Անօրինական անտառահատումը բոլորովին այլ բան է։

Մեզ համար զարմանալի է, որ տարածքի բնակիչներից մեկն անանուն, հեռախոսով արված լուսանկարներ է ուղարկում խմբագրությանը, ահազանգելով անտառահատումների մասին։ Ով էլ նա լինի, վստահ ենք, իր բակում կուտակած փայտ կունենա։

Խնդրում ենք, սա հաշվի առեք, չկա ընտանիք, որը ձմեռը չտաքանա անտառի հաշվին։ Իսկ այլ կերպ կարո՞ղ է լինել։

Այն, ինչ պատմեցինք, պարզապես ինքնակազմակերպման մի ձեւ է, պատրաստվում ենք ձմռանը։ Եվ այդպես՝ յուրաքանչյուր։ Այդպես է եղել դարերով։

Եթե դա հանցագործություն է, ապա ուրեմն իրավապահ մարմինները թող գան եւ հարցաքննեն բոլորիս, եւ ոչ միայն աչաջուրցիներին, այլեւ անտառամերձ շրջանների բոլոր գյուղերի բնակիչներին։

«Հանցագործությու՞ն» եք ուզում բացահայտել, հոկտեմբեր-նոյեմբեր ամիսներին մտեք յուրաքանչյուր տուն։ Մենք բոլորս, փաստորեն, «հանցագործ» ենք։

Վերջում, հարգելի խմբագրություն, հիշեցնենք, որ նախորդ գրեթե բոլոր տարիներին Տավուշի մարզի անտառները տարբեր ահազանգների արդյունքում փակվել են, եւ հենց այն ժամանակահատվածում, երբ գյուղացին պետք է ձմեռվա իր փայտը կուտակելու մասին մտածի։
Եվ անտառը բացվում է աշնանը, երբ արդեն ճանապարհները թաց են, կլիմայական պայմանների արդյունքում գրանցվում են դժբախտ դեպքեր, անգամ՝ մահ։

Սա է գյուղացու կյանքը՝ անձը վտանգելով ընտանիքի օրվա հացը վաստակել։

Տասնյակ ընտանիքներ զրկվել են հացից, իսկ ավելի քան 1400 տնտեսություն ունեցող Աչաջուրը՝ ձմեռվա փայտը կուտակելու հնարավորությունից։

Տագնապած ենք, բայց հույսով, որ մեր պարզաբանումները որոշակի լույս կսփռեն անտառահատումների վերաբերյալ բազմաթիվ տեսակետների ու դատողությունների վրա։

Հարգանքով՝ մի խումբ աչաջուրցիներ։
 
Նմանատիպ նորություններ
Եվգենի Պետրոսյանը շամպայնի բաժակով նշել է իր բաժանությունը
18 Նոյեմբերի 2018 - 22:17
Մեծ հնչեղություն ստացած Ելենա Ստեպանենկոյի հետ բաժանությունը Եվգենի Պետրոսյանը որոշել է նշել շամպայնի բաժակով՝ իր փաստաբան Սերգեյ Ժորինի աշխատասենյակում, որին մոսկովյան «վերնախավում» անվանում են «աստղային փաստաբան», դատարանում պաշտպանում է հայտնիների շահերը։
Մոսկվա-Անթալիա չվերթից հեռացրել են խռովության պատճառ դարձած ուղևորին
18 Նոյեմբերի 2018 - 21:50
ՌԴ մայրաքաղաքի «Դոմոդեդովո» օդանավակայանում Մոսկվա-Անթալիա չվերթից հեռացրել են ինքնաթիռում իրարանցում ստեղծած ուղևորին: Այս մասին ТАСС գործակալությանը տեղեկացրել է ՌԴ ՆԳՆ պաշտոնական ներկայացուցիչ Իրինա Վոլկը:
Պետք է անհապաղ և առանց վարանելու շարունակել մարդկանց բերել այստեղ. Իլ դը Ֆրանս տարածաշրջանի նախագահը Ծիծեռնակաբերդի հուշահամալիրում
18 Նոյեմբերի 2018 - 21:40
Այս մասին Վալերի Պեկրեսը հայտնել է «Արմենպրես»-ի հեր զրույցում։ Երևանի քաղաքապետ Հայկ Մարությանի հրավերով Հայաստան ժամանած Իլ դը Ֆրանս տարածաշրջանի նախագահ Վալերի Պեկրեսի գլխավորած պատվիրակությունը այցելեց Ծիծեռնակաբերդի հուշահամալիր և հարգանքի տուրք մատուցեց Հայոց ցեղասպանության զոհերի հիշատակին:
Տաքսու վարորդը ուղեւորին դրամապանակը վերադարձնելու համար 8 ժամ սպասել է
18 Նոյեմբերի 2018 - 21:36
Մոսկվայում տաքսու վարորդը, ով Ղրղզստանից էր, ութ ժամ սպասել է ուղեւորին, որպեսզի նրան վերադարձնի մոռացած դրամապանակը։ Աղջիկն այդ մասին պատմել է իր ֆեյսբուքյան էջում՝ տեղեկացնում է Lenta-ն։
Հարյուրավոր տուժածներ և ձերբակալվածներ. Ֆրանսիայում շարունակվում են բենզինի գնաճի դեմ բողոքի ցույցերը
18 Նոյեմբերի 2018 - 21:02
Ֆրանսիայում բենզինի գնի աճի դեմ իրականացվող բողոքի ցույցերի ժամանակ տուժածների թիվը հասել է 227-ի: Ինչպես հայտնում է Корреспондент-ը, այս մասին են վկայում երկրի Ներքին գործերի նախարարության տվյալները:
Սյունիքում մեքենան բախվել է հայ-իրանական սահմանի փշալարերին ու հայտնվել հակառակ կողմում. կա վիրավոր
18 Նոյեմբերի 2018 - 21:00
Սյունիքի մարզում երեկ՝ նոյեմբերի 17-ին, խոշոր ավտովթար է տեղի ունեցել Սյունիքի մարզում:
Բրիտանացիներին կառաջարկեն տապակած մորեխներ համտեսել
18 Նոյեմբերի 2018 - 20:58
Բրիտանական Sainsbury's սուպերմարկետների ցանցը եկող շաբաթ կսկսի յուրահատուկ ուտեստ վաճառել։ Երկրով մեկ 250 խանութներ տապակած մորեխներ կստանան՝ տեղեկացնում է The Guardian-ը։
Պարզվել է, որ ամերիկացու քրոնիկական հարբուխը ողնուղեղի հեղուկի արտահոսք է եղել
18 Նոյեմբերի 2018 - 20:35
ԱՄՆ Հյուսիսային Կարոլինա նահանգի բնակիչ Գրեգ Ֆիլփոթսը հինգ տարի տառապել է քրոնիկական հարբուխով, մինչև որ պարզվել է, որ այդ ընթացքում նրա քթից ողնուղեղի հեղուկի արտահոսք է եղել, հաղորդում է ABC 7 Chicago տեղական վեբ-պորտալը:
Սմարթֆոնների օգտագործումը կարող է հանգեցնել տեսողության կորստի
18 Նոյեմբերի 2018 - 20:06
Սմարթֆոնի տևական օգտագործումը բացասաբար է ազդում աչքի ցանցաթաղանթի վրա, որի արդյունքում մարդը կարող է զրկվել տեսողությունից, հայտարարել են ամերիկացի գիտնականները:
1 | 2 | 3 | 4 | 5 | 6 | 7 | 8 | 14072
 
Լրահոս`