Facebook   Twitter
 
Համայնքների խոշորացման պիլոտային ծրագրերի արդյունքում գյուղերից արտագաղթողներ չեն եղել. Աշոտ Գիլոյան

Համայնքների խոշորացման պիլոտային ծրագրերի արդյունքում գյուղերից արտագաղթողներ չեն եղել. Աշոտ Գիլոյան

14 Հունիսի 2017 - 19:46
Համայնքների խոշորացումը ընդունված և մի քանի մարզերում անգամ իրականացված գործընթաց է, որի վտանգների՝ հատկապես աշխատակիցների կրճատման արդյունքում արտագաղթի աճի մասին չէին դադարում բարձրաձայնել տարբեր մասնագետներ, լրատվական կայքեր և այլն:
Սակայն այս մտավախությունը չի կիսում ՀՀ Տարածքային կառավարման և զարգացման նախարարության տեղական ինքնակառավարման վարչության պետ Աշոտ Գիլոյանը, ով ամեն բան ներկայացնելով վարդագույնով, կարծում է, որ եթե կրճատելով տվյալ անձին, ով իր աշխատանքի ժամին պարապ պետք է նստած լիներ գրասենյակում, կամ նույնիսկ գրասենյակ չունենար, և փոխարենը նրան վերապատրաստել մեկ այլ աշխատանքի՝ օրինակ մանկապարտեզում թափուր դաստիարակի հաստիքին, կամ գյուղերին գյուղտեխնիկայի տրամադրումից հետո առաջացած գյուղական աշխատանքերում անհրաժեշտ մասնագետների վերապատրաստմանը ուղղելով, նրան կրկին ապահովում է օրվա ապրուստը, ինչպե՞ս կարող է գյուղը դատարկվել: «Մենք ունենք դպրոցներ, որոնք կիսադատարկ են, եթե այդ դպրոցի դատարկ հատվածը վերածենք մանկապարտեզի և կրճատված աշխատակիցներին էլ տանք մանկապարտեզում աշխատելու հնարավորություն, ասեք, դա վա՞տ նախաձեռնություն կլինի»,- հարցնում է Գիլոյանը և շեշտում, որ պետք չէ համայնքների խոշորացմանը վերաբերվել որպես մի սարսափելի երևույթի:

HayNews.am-ի հարցին, արդյոք երբևիցե եղել եք խոշորացված համայնքների ոչ թե կենտրոնում, այլ միացված բնակավայրերում, և ինչ փոփոխություններ են կատարվել, որ տեսանելի են տվյալ համայնքի բնակիչների համար, Աշոտ Գիլոյանը պատասխանեց. «Իհարկե եղել եմ, շաբաթվա մեծ մասը անց է կացնում նոր ձևավորված համայնքային փնջերում»:

Գիլոյանը եղել է Խնածախ, Վաղատուր բնակավայրերում և նկատել խոշորացման ամենամեծ առավելությունը, եթե նախկինում փոքր համայնքները չէին բարձրաձայնում իրենց խնդիրների մասին, գիտակցելով, որ միևնույն է, իրենց լսող չի լինի, գուցե եթե էլ լսեն, իրենց հերթ չի հասնի, այսօր նրանք ունեն մարմին՝ ում կարող են դիմել և ասել, որ գյուղում բացակայում է լուսավորությունը, կամ գյուղտեխնիկա է անհրաժեշտ: «Խնածախում վերանորոգել ենք մշակույթի տան տանիքը և այնտեղ արդեն կարող են իրականացվել համերգներ, այլ միջոցառումներ»,- ասաց նա:

Խոշորացման արդյունքում նախկին համայնքի համայնքապետարանի կրճատված աշխատակիցների քանի՞ տոկոսն է շարունակում բնակվել համայնքում և արդյոք սա չի խթանի արտագաղթի նոր հոսքի HayNews.am-ի հարցին Գիլոյանը պատասխանեց, որ արդեն իսկ խոշորացված համայնքներից որևէ մարդ չի բացակայել: «Արտագաղթողի համար պատճառ միշտ էլ կգտնվի, մեր հայերի մեջ կա նման կարծրատիպ, որ եթե ես աշխատել եմ համայնքապետարանում որպես հաշվապահ, հիմա չեմ գնա և մանկապարտեզում որպես դայակ աշխատեմ, կամ եթե համայնքապետարանում եղել եմ տեխնիկ-էլեկտրիկ, հիմա չեմ գնա գյուղտեխնիկայի՝ օրինակ տրակտորի վարորդ դառնամ: Ավելի լավ է՝ գնամ արտասահմանում բանվորություն անեմ»,- ասաց Աշոտ Գիլոյանը:

Անուշ Կրկյաշարյան
 
Նմանատիպ նորություններ
Ցավալի լուր. Այդպես էլ բոլորից լքված, ծերանոցում մահացել է ՀՀ Ժողովրդական արտիստ Ռաֆայել Ջրբաշյանը
17 Հունվարի 2019 - 00:15
Կյանքից հեռացել է ՀՀ Ժողովրդական արտիստ Ռաֆայել Ջրբաշյանը: Այս մասին ֆեյսբուքյան էջում գրել է Երևանի փոխքաղաքապետ Տիգրան Վիրաբյանը:
Գործընկերներն անհանգստացած են Ջիգարխանյանի առողջական վիճակով
17 Հունվարի 2019 - 00:04
Արմեն Ջիգարխանյանի թատրոնի աշխատակիցները չգիտեն ուր է անհետացել իրենց 83-ամյա ղեկավարը:

Սեզոնային գրիպի դեմ պատվաստումը գրիպից պաշտպանվելու լավագույն միջոցն է
16 Հունվարի 2019 - 23:56
Սեզոնային գրիպի դեմ պատվաստումը գրիպից պաշտպանվելու լավագույն միջոցն է, այն անհրաժեշտ է հատկապես խոցելի խմբերին:
Նյու Յորքում պայթեցրել են Հուդզոնի հին կամուրջը (Տեսանյութ)
16 Հունվարի 2019 - 23:47
ԱՄՆ-ի Նյու Յորքի նահանգում հունվարի 15-ին Հուդզոն գետի Tappan Zee հին կամրջի արեւելյան մասը քանդվել է ստուգիչ պայթյունի ընթացքում: Այս մասին հայտնել է New York Post թերթը:
Զովունիում մեքենան դուրս է եկել հանդիպակաց երթևեկելի գոտի և մխրճվել դեղատանը
16 Հունվարի 2019 - 23:39
Այսօր՝ հունվարի 16-ին, խոշոր ավտովթար է տեղի ունեցել Կոտայքի մարզում:
Մոսկվայում ձերբակալվել է ուղևորների ուղղությամբ կրակ բացած հայ տաքսիստը
16 Հունվարի 2019 - 23:32
Օրեր առաջ Մոսկվայում բախում է տեղի ունեցել տաքսու վարորդի և նրա ուղևորների միջև: Երիտասարդ զույգը գիշերվա ժամին մոտեցել է առևտրի կենտրոնի մոտ գտնվող տաքսու կայանատեղիին՝ տուն գնալու համար:
Հակահրթիռային համակարգի հզորացման վրա ԱՄՆ-ը 240 մլն դոլար կծախսի
16 Հունվարի 2019 - 23:23
ԱՄՆ պաշտպանության նախարարությունը պատրաստվում է պայմանագիր կնքել Boeing ըկերության հետ երկրի հակահրթիռային պաշտպանության համակարգի կատարելագործման նպատակով։
1 | 2 | 3 | 4 | 5 | 6 | 7 | 8 | 15111
 
Լրահոս`
 
 
 
 
 
 
Նյու Յորքում պայթեցրել են Հուդզոնի հին կամուրջը (Տեսանյութ)
Միջազգային, Հասարակություն, Տեսանյութեր
 
 
 
 
 
Նիկոլ Փաշինյանը մեկնելու է Դավոս
Հասարակություն, Քաղաքական