Facebook   Twitter
 
Ո՞վ է պատասխան տալու մեր բնությունը օրեցօր քայքայելու համար

Ո՞վ է պատասխան տալու մեր բնությունը օրեցօր քայքայելու համար

17 Հուլիսի 2017 - 18:04
Մտավորականների խորհուրդը հանդես է եկել առաջարկով երեք նախարարներին՝ ԱԳՆ, բնապահպանության և սփյուռքի, որպեսզի Սևանա լիճը ներգրավվեն ՅՈՒՆԵՍԿՈՅԻ պատմամշակութային ժառանգության ցանկում:
Ըստ բնապահպան Կարինե Դանիելյանի՝ անհանգստությունը Սևանա լճի հետ կապված բավական խորն է, իրենց մեծագույն ցանկությունն է, որ ոչ միայն հայ հանրությունը, հայ իշխանությունները, այլև միջազգային մարմինները զբաղվեն լճի խնդիրներով: Դանիելյանի համոզմամբ՝ թեև լիճը ապաքինման ճանաապարհին է, բայց աջակցության կարիք ունի:

«2013թ.-ին նման գաղափար արդեն առաջարկվել էր, այն էլ ոչ թե Հայաստանի, այլ Ռուսաստանի կողմից»,- ասաց նա: Ըստ տիկին Դանիելյանի՝ այդ նախաձեռնությունը երեք լճերի վերաբերյալ էր՝ Բալատոն, Բայկալ և Սևան: Բայկալը հաջողվել է անցկացնել այդ ցանկի մեջ, Սևանի հետ կապված նախաձեռնության առաջարկ ՀՀ ԳԱԱ-ի կողմից եղավ, բայց շարունակություն չունեցավ:

Արամ Սարգսյանն էլ ասաց, որ իրենք շատ ավելի մտահոգվել են կառավարության վերջին որոշման կապակցությամբ՝ ևս 100 մլն խ/մ ջուր բաց թողնել Սևանա լճից, ինչո՞ւ, որովհետև հիմնավոր պատճառներ այդպես էլ չբերվեցին: Հուլիս ամիսը անցնում է, երաշտ չկա, անձրևները շարունակվում են, և այդ կարիքը չկա ևս 100 մլն խ/մ ջուր վերցնելու: Պատճառները, ըստ Սարգսյանի, շատ պարզ են, ստանալու են էլեկտրաէներգիա և դա վաճառեն:

Բայց դրանից ստացվող շահույթը շատ չնչին է լինելու, իսկ վնասը նման մեծ առաջընթացից հետո, երբ 4 մ-ով բարձրացել էր Սևանի մակարդակը, կարող է հսկայական լինել: Ըստ Արամ Սարգսյանի՝ գյուղացիներին այդ ջուրը չի հասնելու: «Գարնանը վերցրել են 170 մլն-ը, հիմա էլ 100 մլն խ/մ են հավելյալ վերցնում, և խորհրդարանում ընդդիմադիր դաշտը ասում է՝ մենք պարտադրված ենք: Ի՞նչ է նշանակում՝ պարտադրված ենք ընդունել»,- նշում է բանախոսը:

Կենդանաբանության և հիդրոէկոլոգիայի գիտական կենտրոնի հիդրոէկոլոգիայի և ձկնաբանության պետ.ինստիտուտի տնօրեն Էվելինա Ղուկասյանը շեշտում է, որ այսօր վիճակը գնալով առավել քան անբարվոք է նման որոշումներ կայացնելու առումով: «Մեր ջրային ռեսուրսները շատ վատ են կառավարվում, հենց մի խնդիր է առաջանում, ամեն անգամ դիմում են Սևանա լճին»,- ասում է նա:

Ըստ տիկին Էվելինայի՝ ամեն տարի հայտարարվում է, որ ունենք ոռոգման ջրի մինչև 70 % կորուստ, ամեն տարի ոռոգման ցանցի վերանորոգման համար հսկայական գումարներ են ծախսվում, ինչը արդարացված չէ, եթե արդյունքում նորից պետք է դիմենք Սևանի օգնությանը:

«Մեր ինստիտուտի դիրքորոշումն է եղել պայքարել Սևանա լճի մակարդակի իջեցման դեմ, որը կարող է բերել լճի ճահճացման: Եվ իմ ցասումը այնքանով է սաստիկ, որ այսօր մեր բնապահպանության նախարարությունն էլ է քաղաքականացված և հաստատում է նման որոշում, որը ոչ մի լավ բանի հանգեցնել չի կարող»,- ասաց նա:

Գրող, հրապարակախոս Ազատ Եղիազարյանն էլ ասաց, որ, ինքն, իհարկե, ստորագրել է Սևանը ՅՈՒՆԵՍԿՈ-ի պատմամշակութային ժառանգության ցանկում ընդգրկելու դիմումի տակ, սակայն ըստ նրա իշխանություններն էլ պետք է բարեխղճորեն օգտագործեն մեր բնական ռեսուրսները:

«Ո՞վ է պատասխան տալիս մեր բնության համար: Ինչո՞ւ այսօր Արարատյան դաշտի ոռոգման համար պետք է Սևանի օգնությանը դիմեն: Արդյունքում Արարատյան դաշտն էլ վերածվելու է անապատի: Դա՞ են ուզում»,- նշում է նա:

Վահան Համազասպյանն էլ կարծում է, որ այս ամենը հնարավոր կլինի իրականացնել, եթե մենք ունենանք երկրի, ժողովրդի ապագայի մասին անհանգստացող իշխանավորներ: Բայց ինքը հույս չունի, որ այս դիմումը, որի տակ ինքն էլ է ստորագրել, նույնիսկ հասցեատերերին հասնելու դեպքում դրական պատասխանի և դրան հաջորդող քայլերի կարժանանա:

Անուշ Կրկյաշարյան
 
Նմանատիպ նորություններ
Ի՞նչ էր մտածում Իվետա Մուկուչյանը, երբ Դուբայից նման վուլգար լուսանկարներ էր հրապարակում (Լուսանկարներ)
23 Նոյեմբերի 2017 - 20:35
Իվետա Մուկուչյանը ֆեյսբուքյան իր էջում գիշերային Դուբայից լուսանկար է հրապարակել, որտեղ պարզ երևում է նրա ընկերուհիներից մեկի սպիտակ ներքնազգեստը։
Դեսպան Ղազարյանը դասախոսություն է կարդացել Վարշավայի համալսարանում
23 Նոյեմբերի 2017 - 20:22
Նոյեմբերի 21-ին Լեհաստանում ՀՀ դեսպան Էդգար Ղազարյանը «ՀՀ արտաքին քաղաքականության գերակայություններն ու տարածաշրջանային խնդիրները» թեմայով դասախոսությամբ հանդես եկավ Վարշավայի համալսարանի Կենտրոնական և Արևելյան Եվրոպայի ուսումնասիրությունների կենտրոնում:
Հիպոթեքով բնակարան գնելու դեպքում եկամտահարկի վերադարձի ծրագիրը կփոխվի հունվարի 1-ից
23 Նոյեմբերի 2017 - 20:17
Կառավարության նախաձեռնությամբ Հարկային օրենսգրքում կատարվող փոփոխություններով հիպոթեքային վարկից օգտվողների համար նորակառույց շենքերում բնակարան ձեռք բերելու դեպքում եկամտահարկի վերադարձի ծրագիրը փոփոխվելու է:
Անչափահաս եղբոր հետ գողություններ էր կատարել
23 Նոյեմբերի 2017 - 20:16
Օրերս ոստիկանության Դավիթաշենի բաժանմունքում տեղեկություններ էին ստացվել, որ Սարի թաղի բնակիչ Արմեն Բաղրամյանը իր անչափահաս եղբոր հետ գողություններ է կատարում։
Արտակարգ դեպք Արագածոտնի մարզում. 14-ամյա երեխան դպրոցից «փակ գանգուղեղային տրավմա, գանգուղեղի ցնցում՝ հարցականով» ախտորոշմամբ տեղափոխվել է Ապարանի հիվանդանոց
23 Նոյեմբերի 2017 - 20:12
Երեկ՝ նոյեմբերի 22-ին, վիճաբանություն-ծեծկռտուք է տեղի ունեցել Արագածոտնի մարզում։ Կեսօրին Ապարանի բժշկական կենտրոն է տեղափոխվել Ապարան քաղաքի բնակիչ՝ 14-ամյա Սամվել Ա.-ն։
Մեքսիկայում երեք տուն է փլվել (Տեսանյութ)
23 Նոյեմբերի 2017 - 20:05
Մեքսիկայում մի քանի բնակելի տուն է փլվել կառուցվող առևտրական կենտրոնի փոսորակի մեջ: Մեկ մարդ մահացել է, երեքն՝ անհայտ կորել, ևս մի քանիսը վնասվածքներ է ստացել, հայտնում է РИА Новости-ն՝ հղում անելով Telemundo- ին:
Ծառայողական հովվաշունը ոստիկանների հետ հատակին ձգում վարժություն է կատարել
23 Նոյեմբերի 2017 - 20:05
ԱՄՆ քաղաքներից մեկի ոստիկանները համացանցում հոլովակ են տեղադրել, որում ծառայողական հովվաշունը 2 ոստիկանների հետ հատակին ձգում վարժություն է կատարում, փոխանցում է «Россия 24»-ը:

1 | 2 | 3 | 4 | 5 | 6 | 7 | 8 | 8617
 
Լրահոս`
 
 
 
 
 
 
 
Մեքսիկայում երեք տուն է փլվել (Տեսանյութ)
Հասարակություն, Տեսանյութեր