Facebook   Twitter
 
ՀՀ և ՌԴ խորհրդարանների նախագահները պայմանավորվել են լուծում գտնել ՌԴ-ում հայ վարորդների աշխատանքին առնչվող հարցին

ՀՀ և ՌԴ խորհրդարանների նախագահները պայմանավորվել են լուծում գտնել ՌԴ-ում հայ վարորդների աշխատանքին առնչվող հարցին

17 Հուլիսի 2017 - 22:13
Ռուսաստանի Դաշնությունում պաշտոնական այցով գտնվող ՀՀ ԱԺ նախագահ Արա Բաբլոյանինհուլիսի 17-ին ընդունել է ՌԴ ԴԺ Պետական դումայի նախագահ Վյաչեսլավ Վոլոդինը:
ՌԴ ԴԺ Պետական դումայի նախագահը շնորհավորել է Արա Բաբլոյանին ՀՀ ԱԺ նախագահի պաշտոնում ընտրվելու առթիվ:
«Հայաստանը մեզ համար ռազմավարական եւ հուսալի գործընկեր է»,-նշել է Վյաչեսլավ Վոլոդինը: ՌԴ ԴԺ Պետական դումայի ղեկավարը հույս է հայտնել, որ երկու երկրների խորհրդարանների հարաբերությունները գնալով ավելի կամրապնդվեն եւ կխորանան:

ՀՀ ԱԺ նախագահ Արա Բաբլոյանը, խոսելով երկու երկրների խորհրդարանական համագործակցության ամրապնդման մասին, մասնավորապես նշել է. «Այս տարին հայ-ռուսական դարավոր հարաբերություններում հոբելյանական է, քանի որ մենք նշում ենք Հայաստանի Հանրապետության եւ Ռուսաստանի Դաշնության դիվանագիտական հարաբերությունների 25-ամյակը»:

Անդրադառնալով ԼՂ հիմնախնդրին՝ ՀՀ խորհրդարանի ղեկավարը նշել է. «Այս տարվա հուլիսի 4-ին ադրբեջանական կողմըձեռնարկեց հերթական սադրանքը. 2016 թվականի ապրիլյան ագրեսիայից հետո առաջին անգամ Ադրբեջանի ռազմականուժերը կիրառեցին համազարկային կրակի համակարգեր: Ադրբեջանը, կրակակետերը տեղակայելով բնակավայրերիմերձակայքում, իր բնակչությանն օգտագործեց որպես կենդանի վահան: Այդպիսի սադրանքներից, ինչպես նաեւ դրանցովպայմանավորված բազմաթիվ մարդկային կորուստներից կարելի էր խուսափել, եթե Ադրբեջանը հավատարիմ մնարՎիեննայի եւ Սանկտ Պետերբուրգի 2016 թվականի գագաթնաժողովներում ընդունված պայմանավորվածություններին»:

Արա Բաբլոյանը, խոսելով հայ-ռուսական համագործակցության մասին, նշել է, որ վերջերս ՌԴ-ում ընդունված՝ օտար երկրների կողմից տրված վարորդական վկայականներով աշխատելն արգելող օրենքը մեծ դժվարություններ է առաջացրել Ռուսաստանում աշխատող հայերի համար: ՀՀ ԱԺ նախագահն առաջարկել է վերանայել այդ մոտեցումը:

Ի պատասխան ՀՀ խորհրդարանի ղեկավարի բարձրացրած խնդրի՝ ՌԴ ԴԺ Պետական դումայի նախագահ Վյաչեսլավ Վոլոդինը նշել է, որ այլ պետությունների վարորդական վկայականներով Ռուսաստանի Դաշնությունում աշխատելու սահմանափակում մտցնող օրենքի ընդունումը պայմանավորված է եղել բացառապես երթեւեկության անվտանգությամբ, քանի որ, ըստ ՌԴ ԴԺ Պետական դումայի նախագահի, աշխատող վարորդները ռուսերեն չիմանալու հետեւանքով չեն տիրապետում ՌԴ երթեւեկության կանոններին, ինչպես նաեւ չեն կարողանում օգտվել նավիգացիոն համակարգերում աշխատող ռուսական ծրագրերից: Հաշվի առնելով, որ օրենքն արդեն ընդունված է՝ իր հերթին Վյաչեսլավ Վոլոդինն առաջարկել է ՀՀ-ում ռուսերենը օրենքով ամրագրել որպես պաշտոնական լեզու, ինչպես այն երկրներում է, որոնց համար նույն օրենքով նախատեսվել են բացառություններ:

Հակադարձելով այս առաջարկին՝ ՀՀ ԱԺ նախագահ Արա Բաբլոյանը նշել է, որ Հայաստանի Հանրապետության օրակարգում ռուսերենն օրենքով որպես պաշտոնական լեզու ամրագրելու հարց չկա: ՀՀ խորհրդարանի ղեկավարը միաժամանակ նկատել է, որ ՀՀ բոլոր դպրոցներում ռուսերենը դասավանդվում է, ինչը, իր կարծիքով, ամբողջությամբ բավարարում է խնդրի լուծմանը:

Քննարկումների արդյունքում Վյաչեսլավ Վոլոդինը նշել է, որ ռուսական կողմը բաց է քննարկումների համար: Պայմանավորվածություն է ձեռք բերվել հետագայում անդրադառնալ այդ հարցին՝ գտնելով հնարավոր այլընտրանքային լուծումներ:

Կողմերը քննարկել են նաեւ միջազգային հարթակներում համագործակցության ամրապնդմանն առնչվող հարցեր, ձեռք են բերվել աշխատանքային նոր ձեւաչափերի ներդրման պայմանավորվածություններ:

HayNews.am
 
Նմանատիպ նորություններ
ՀՀԿ-ից արտահոսք չկա, մենք միասնական ենք մեր որոշումների մեջ.Վահրամ Բաղդասարյան
26 Ապրիլի 2018 - 20:51
Հայաստանի Հանրապետական կուսակցությունից արտահոսք չկա. Tert.am -ի հետ զրույցում այս մասին ասաց ԱԺ ՀՀԿ խմբակցության ղեկավար Վահրամ Բաղդասարյանը՝ նկատելով, թե նման սուտ տեղեկություններ առաջին անգամ չէ, որ փորձ է արվում տարածել:
Կարեն Կարապետյանին տեղեկանք տրամադրվել է օրենքով սահմանված կարգով, նա ՀՀ-ից բացակայել է 688 օր. Մնացական Բիչախչյան
26 Ապրիլի 2018 - 20:49
ՀՀ ոստիկանության անձնագրային և վիզաների վարչության պետ Մնացական Բիչախչյանը Tert.am-ի հետ զրույցում պարզաբանեց «Ելք» խմբակցության պատգամավոր Էդմոն Մարուքյանի պնդումը, թե առկա են օբյեկտիվ կասկածներ, որ Կարեն Կարապետյանը վարչապետ դառնալու իրավական պահանջին չի բավարարում:
Պատմությունը կգնահատի Սերժ Սարգսյանի բարձր քաղաքացիական և քաղաքական քայլը. Արմեն Սարգսյան
26 Ապրիլի 2018 - 20:48
Հայաստանի նախագահ Արմեն Սարգսյանը վարչապետի պաշտոնից հրաժարական տալու Սերժ Սարգսյանի որոշումը համարում է բարձր քաղաքացիական և քաղաքական քայլ: Այդ մասին ՀՀ նախագահը նշել է «Ազատություն» ռադիոկայանին տված հարցազրույցում:
Կոռումպացված համակարգի հետ որեւէ կոմպրոմիս լինել չի կարող. Փաշինյան
26 Ապրիլի 2018 - 20:46
Հայաստանի կոռումպացված համակարգի հետ որեւէ կոմպրոմիս լինել չի կարող։ Այդ մասին Հանրապետության հրապարակում ընթացող հանրահավաքում հայտարարել է ԱԺ պատգամավոր Նիկոլ Փաշինյանը։
Այսօրվա հրապարակը թույլ է տալիս համոզված ասելու, որ ՀՀ քաղաքացին իր միջից hանել է վախը. Նոր կյանք համայնքի ղեկավար
26 Ապրիլի 2018 - 20:37
Այսօրվա հրապարակը թույլ է տալիս համոզված ասելու, որ ՀՀ քաղաքացին իր միջից hանել է վախը, որը նրան թույլ չէր տալիս իր դռան շեմից այն կողմ բարձրացնել իր դժգոհությունը:
ՀՀ կառավարությունը Հյուսիս-Հարավ ճանապարհային միջանցքի նախագծային փաստաթղթերի փորձաքննություն կանցկացնի
26 Ապրիլի 2018 - 20:35
Հայաստանի Հանրապետության կառավարությունը Հյուսիս-Հարավ ճանապարհային միջանցքի նախագծային փաստաթղթերի փորձաքննություն կանցկացնի:
Մենք չենք հաղթել դևին, որ նոր դև դառնանք ժողովրդի գլխին. Արարատ Միրզոյան
26 Ապրիլի 2018 - 20:33
Ժողովուրդը հաղթել է, բայց այդ հաղթանակն ուզում են խլել։ Այդ մասին Հանրապետության հրապարակում ընթացող հանրահավաքում հայտարարել է ԱԺ պատգամավոր Արարատ Միրզոյանը։
«Ժողովրդի համբերության բաժակը լցվեց, երբ անձը երրորդ անգամ ցանկացավ գալ իշխանության և ամեն բան, անգամ Սահմանադրություն փոփոխեց այդ նպատակի համար». Ստեփան Գրիգորյան
26 Ապրիլի 2018 - 20:27
«Նախ, իրոք Հայաստանում գնում է իշխանափոխության գործընթաց, ավելի ճիշտ՝ հին իշխանությանը ժողովուրդը մերժեց:
Ադրբեջանը տուգանքներ է սահմանում գործադուլների համար
26 Ապրիլի 2018 - 20:26
Ադրբեջանում նոր պատժատեսակներ են սահմանում գործադուլների եւ այլ մեթոդների միջոցով ձեռնարկություններում, հաստատություններում եւ կազմակերպություններում գործունեության կասեցման համար: Ինչպես հաղորդում է ԱՊԱ-ն, այս կապակցությամբ Ադրբեջանի նախագահը Միլլի Մեջլիսին առաջարկել է փոփոխել Օրենսգրքի՝ վարչական իրավախախտումների վերաբերյալ հոդվածը:
1 | 2 | 3 | 4 | 5 | 6 | 7 | 8 | 14232
 
Լրահոս`
 
 
 
 
 
 
 
 
 
 
 
 
2 մեդալ՝ Եվրոպայի առաջնությունից
Սպորտ, Հասարակություն