Facebook   Twitter
 
Սոնա Շահգելդյանը ընտանիքի, աշխատանքի, անակնկալների, ակումբներում երգելու ու հանգստի մասին (Լուսանկարներ)

Սոնա Շահգելդյանը ընտանիքի, աշխատանքի, անակնկալների, ակումբներում երգելու ու հանգստի մասին (Լուսանկարներ)

12 Օգոստոսի 2017 - 13:09
Ամռան այս շրջանը հատկապես սիրված ու ճանաչված մարդիկ բավականին ակտիվ են անցկացնում, հանգստանալով աշխարհի տարբեր անկյուններում: HayNews.am-ի զրուցակիցն է երգչուհի Սոնա Շահգելդյանը: Նա մեզ հետ կիսվեց և´ հանգստի մեկնելու, և´ բալիկի ու աշխատանքի համատեղման, և´ առաջիկա ծրագրերի մասին:
- Սոնա՛, այս տարի որտեղ եք հանգստացել:

-Ճիշտն ասած ես դեռ չեմ մեկնել հանգստի: Աշխատանքս շատ է, չեմ հասցնում, թե՛ այստեղ, թե՛ դրսում: Բայց սեպտեմբերին ընտանիքիս հետ անպայման մեկնելու եմ հանգստի:

-Ըստ Ձեզ, Հայաստանու՞մ, թե՞ արտասահմանում է ավելի լավ հանգիստն անցկացնել:

-Ես նախընտրում եմ այնտեղ հանգստանալ, որտեղ հանգիստը կլինի լիարժեք, նշանակություն չունի ծովում եմ, թե՞ անտառում: Շատ կարևոր է թե ում հետ ես մեկնում հանգստի:

-Հիմնականում ու՞մ հետ եք մեկնում հանգստի:

-Մայրիկիս ու մորաքրոջս: Ասեմ, որ նաև շատ եմ սիրում նրանց հետ գնալ Աղվերան ու Դիլիջան: Հայաստանում շատ գեղեցիկ վայրեր կան:

-Անթալիայում հանգստացե՞լ եք, ինչպես եք վերաբերում այն հայերին, որվքեր սիրում են հանգիստն այդտեղ անցկացնել:

-Ես Անթալիայում չեմ եղել: Անկեղծ ասած դրան վատ չեմ վերաբերում, քանի որ եթե ազգային հողի վրա դատենք, մեր երկիր էլ շատ ու շատ ազգերի ներկայացուցիչների չպետք է թողնենք: Ես շատ հայրենասեր եմ ու հիմնականում Հայաստանի գեղատեսիլ վայրեր եմ հաճախում, այնպիսի տեղեր են, նմանը աշխարհը չունի, ասեմ, որ տուրիստներն էլ են զարմանում, թե որքան շատ են հրաշք վայրերը մեր հայրենիքում: Բայց մարդկանց չեմ մեղադրում, որ դրսում են հանգստանում, քանի որ կան երկրներ, որտեղ հանգիստն ավելի մատչելի է:

-Օրեր առաջ Ձեր դուք հրաժեշտ տվեցիք Ձեր շատ սիրելի շնիկին, քանի տարի էր, որ նա պահում էիք նրան և ինչ տեղ էր նա զբաղեցնում Ձեր ընտանիքում:

-Ինձ համար անբացատրելի ցավ է: Ես միշտ եմ հիշելու այդ ցավը: Կենդանին մարդուց երբեմն ավելի լավն է, հավատարիմ է, հասկացող, սիրող ու սպասող: Անգամ այս պահին աշխատելու տրամադրություն չունեմ: Ես շատ էմոցիոնոլ մարդ եմ, բոլորի մասին մտածում եմ, լինի կենդանի, թե՞ մարդ: Իմ շնիկը դարձել էր մետ տան անդամը, ես հանգիստ եմ և ուրախ, որովհետև շատ լավ եմ նրան խնամել: Բալիկս շատ կապված էր շնիկիս հետ, նա փոքրիկիս պաշտպանն էր:

-Նոր շնիկ կբերեք Ձեր բնակարան, թե՞ նախկինին փոխարինող չեք գտնի:

-Իհարկե նրա նմանը երբեք չեմ գտնի, բայց սիրում եմ կենդանիներ ու հնարավոր է, որ նոր շնիկ բերեմ:

-Ձեր կարծիքով, փոքրիկ երեխաները պե՞տք է շփվեն ընտանի կենդանիների հետ, ինչպե՞ս եք վերաբերում այն ծնողներին, ովքեր խուսափում են տանը կենդանիներ պահելուց:

-Եթե կենդանին խնամված է երբեք մի վախեցեք նրանցից ու երեխաներին հանգիստ թողեք շփվեն կենդանու հետ:

-Մի փոքր խոսենք անելիքներից, երկրպագուների համար ստեղծագործական անակնկալներ ունեք:

-Ես միշտ էլ ունենում եմ անակնկալներ: Դրանք թե՛ երգերի, թե՛ տեսահոլովակների, թե՛ համերգների տեսքով են: Սեպտեմբերին հասարկության դատին կհանձնեմ մի նոր տեսահոլովակ: Առաջիկայում սպասվում են նոր երգերի նաև ձայնասկավառակի թողարկում:

-Վերջերս տենդենց է նկատվում. հայ արտիստները երգում են հարսանեկան երգեր, գովում քավորին, հարսին ու փեսային, դա գումար վաստակելու համար է արվու՞մ:

-Թող բոլորն էլ աշխատեն, ես բարի եմ բոլորի հանդեպ: Այո՛, գումարը առաջնային է, բայց կապ չունի, որ ինչ որ բան ես երգում, հնարավոր է՝ հրավեր չստանաս: Անպայման պետք է սիրված լինես ու լավ կատարես: Ես կողմ եմ կենդանի հնչողությանը և երգիչը միշտ էլ պետք է լավ երգի, ֆանագրամա բոլորն էլ կարող են երգել: Ես առաջինն եմ եղել, ով ունեցել է հարսանեկան երգեր ու դրանք շարունակական են: Բայց չեմ սիրում, երբ մեկը մի բան անում է՝ մյուսները փորձում են ընդօրինակել:

-Այսօր հայ երգիչները, եթե չերգեն ակումբներում, ինչ եք կարծում, կկարողանան ընտանիք պահել:

-Իհարկե չեն կարող: Ասեմ, որ ակումբում երգելը հեշտ բան չէ, ով կասի հեշտ է, ես պատրաստ եմ վիճել նրա հետ: Բոլոր լավ երգողները ակումբներում երգում են: Կարևորը մարդը հալալ աշխատանքով է վաստակում, իսկ որոշ երգիչներ լավ կլինի իրենց անցյալը հիշեն, որը ընդհանրապես ակումբում երգելու հետ կապ չունի: Ակումբում եթե լավ չերգես, պահանջարկ չես ունենա, մարդիկ չեն պահանջի քեզ, այնպես որ, այտեղ էլ ավելի պրոֆեսիոնալ պետք է լինել:

-Ինչ է այսօր պակասում մեր էստրադայում:

-Պակասում են լավ երգերը, որոնք մնայուն կլինեն: Ես կցանկանայի որ կենդանի հնչողությամբ համերգները շատ լինեն: Կցանկանայի որ համերգներ կազմակերպվեին, որտեղ մեր կատարողները կներկայացվեին, ոչ թե դրսից երգիչների հրավիրեն: Ասեմ, որ դրսում հայ երգիչներին ավելի մեծ տեղ են տալիս: Քնից ամեն մի զարթնող չի կարող երգիչ դառնալ, դա Աստծո տված շնորհ է: Բոլորը չէ, որ կարող են արվեստագետ կոչել: Շատ բաներ են արժեզրկվել:

-Իսկ որպես ծնող, հասցնու՞մ եք գործը համատեղել երեխայի խնամքի ու տան գործերի հետ:

-Այո՛, փառք Աստծո ամեն բան հասցնում եմ, մայրիկս կողքիս է, ինչի համար շատ շնորհակալ եմ:

-Վերջում Ձեր խորհուրդը այն կանանց ովքեր աշխատում են և ունեն բալիկներ:

-Խորհուրդս այն կլինի, որ ավելի շատ ժամանակ հատկացնել իրենց բալիկներին: Այդ երջանկությունը ամեն բանից վեր է: Ես սիրում եմ աշխատող կանանց: Եթե ձգտում ես ինչ որ բանի, ապա անպայման հասնում ես, ամեն բան հասցնում ես: Իհարկե այդ ամենին առանց ծնողի կամ հարազատի օգնության չես կարող հասնել, շնորհակալություն նրանց:

Սյուզի Ասատրյան
 
Նմանատիպ նորություններ
Մալիշկայի գյուղապետին ընտրակաշառք բաժանելու համար 13 մլն դրամը տվողը եղել է Աշոտ Արսենյանը
16 Հուլիսի 2018 - 18:28
Ոստիկանությունում նախապատրաստված նյութերով պարզվել է, որ 2017 թվականի ապրիլին տեղի ունեցած Ազգային ժողովի ընտրություններին Մալիշկա համայնքի ղեկավար Մհեր Մովսիսյանը, որը Հայաստանի Հանրապետական կուսակցության անդամ է, պատգամավորի թեկնածու Աշոտ Արսենյանից առձեռն ստացել է 13.000.000 դրամ՝ ընտրակաշառք բաժանելու և Արսենյանի օգտին 1300 ձայն ապահովելու նպատակով։
Գազայրիչով էլ վառել է մարմնի տարբեր մասերը
16 Հուլիսի 2018 - 18:21
Ոստիկանության քրեական հետախուզության գլխավոր վարչության ծառայողները հետախուզական ծավալուն միջոցառումներով պարզել են, որ նախորդ տարի Երևանում բնակվող 49-ամյա մի տղամարդու առևանգել են ու ծեծի ենթարկել։
«Վեոլիա-Ջուր»-ը տուգանել է Շիրակի պետհամալսարանին
16 Հուլիսի 2018 - 18:19
Շիրակի պետական համալսարանի նախկին դասախոս, քաղաքագետ Գագիկ Համբարյանը Facebook-ի իր էջում գրում է.
Բնապահպանության նախարարության Անտառային կոմիտեի մասնաճյուղին է հանձնվել 8 ամենագնաց ավտոմեքենա
16 Հուլիսի 2018 - 18:14
Բնապահպանության նախարար Էրիկ Գրիգորյանը մասնակցել է Բնապահպանության նախարարության Անտառային կոմիտեի «Կապանի անտառտնտեսություն» մասնաճյուղին 7 UAZ Hunter և 1 UAZ PICK-UP ավտոմեքենայի հանձնման արարողությանը։
Հայտնի է Արդարադատության նախարարության ՊՈԱԿ-ներից մեկում տեղի ունեցած փլուզման հետևանքով մահացածի ինքնությունը
16 Հուլիսի 2018 - 18:08
Հայտնի է այսօր՝ հուլիսի 16-ին, Արդարադատության նախարարության ՊՈԱԿ-ներից մեկում տեղի ունեցած փլուզման հետևանքով մահացածի ինքնությունը:
Նիկոլ Փաշինյանը ցավակցական հեռագիր է հղել Վրաստանի վարչապետ Մամուկա Բախտաձեին
16 Հուլիսի 2018 - 18:07
Նիկոլ Փաշինյանը ցավակցական հեռագիր է հղել Վրաստանի վարչապետ Մամուկա Բախտաձեին Տղիբուլիում տեղի ունեցած հանքահորի փլուզման կապակցությամբ:
Իրանն ԱՄՆ-ի դեմ բողոք Է ներկայացրել ՄԱԿ-ի Միջազգային դատարան
16 Հուլիսի 2018 - 18:04
Իրանի արտաքին գործերի նախարար Մոհամադ Ջավադ Զարիֆը հայտարարել է, որ Իրանը ԱՄՆ–ի դեմ բողոքով դիմել է ՄԱԿ–ի Միջազգային դատարան միակողմանի պատժամիջոցների պատճառով, փոխանցում է «ՌԻԱ Նովոստի»–ն։
Sky Sports․ ԱԱ-2018-ի լավագույն ֆուտբոլիստների տասնյակը
16 Հուլիսի 2018 - 18:02
Բրիտանական Sky Sports ներկայացրել է Ռուսաստանում ավարտված աշխարհի առաջնության լավագույն ֆուտբոլիստների տասնյակի իր տարբերակը՝ առաջին տեղը տալով աշխարհի նորընծա չեմպիոն Ֆրանսիայի հավաքականի հարձակվող, մրցաշարի լավագույն երիտասարդ խաղացողի մրցանակին արժանացած, 19-ամյա Կիլիան Մբապեին։
Արդարադատության նախարարությունը հայտնել է «Փորձագիտական կենտրոն»-ի տանիքի փլուզման հետևանքով մահացած աշխատակցի անունը
16 Հուլիսի 2018 - 18:00
Երևան քաղաքի Արշակունյաց պողոտայում հուլիսի 16-ին ՀՀ արդարադատության նախարարության «ՀՀ փորձագիտական կենտրոն» ՊՈԱԿ-ի տանիքի փլուզման հետևանքով մահացածը Հրդեհատեխնիկական և էլեկտրատեխնիկական փորձաքննությունների բաժնի պետ Արայիկ Կարապետյանն է:
1 | 2 | 3 | 4 | 5 | 6 | 7 | 8 | 12654
 
Լրահոս`
 
 
 
 
 
 
 
 
 
 
 
 
 
 
 
 
 
Հելսինկիում ավարտվել է Թրամփ-Պուտին դեմառդեմ հանդիպումը
Միջազգային, Հասարակություն, Քաղաքական