Facebook   Twitter
 
Կայացել է «Շուշի 48 ժամ» եռալեզու պատկերագրքի շնորհանդեսը

Կայացել է «Շուշի 48 ժամ» եռալեզու պատկերագրքի շնորհանդեսը

13 Սեպտեմբերի 2017 - 17:55
Սեպտեմբերի 11-ին Շուշիի կերպարվեստի պետական թանգարանում տեղի է ունեցել «Շուշի 48 ժամ» եռալեզու պատկերագրքի շնորհանդեսը:
ՍՏԵՓԱՆԱԿԵՐՏ, 13 սեպտեմբերի, ԱՐՑԱԽՊՐԵՍ: «Արցախպրես»-ի հաղորդմամբ՝ «Համազգային հայ կրթական և մշակութային հիմնադրամ»-ի նախագահ Սպարտակ Ղարաբաղցյանն ասել է, որ գիրքը ստեղծվել է 2017 թ. հունիսին մեկնարկած Հիմնադրամի լուսանկարչական նախագծի արդյունքում, որը նվիրված է Շուշիի ազատագրման 25-ամյակին:

Նախաձեռնության նպատակն էր 48 ժամում ցույց տալ Շուշիի քաղաքային կյանքի բազմազանությունը երիտասարդ լուսանկարիչների աչքերով:

«Շուշին մեր Երուսաղեմն է, ու ամեն հայ պարտավոր է թեկուզ երկու օր՝ «48 ժամ» ապրել այնտեղ»,- ասել է Ս. Ղարաբաղցյանը և ավելացրել, որ Շուշիի վերականգնումը մշակութային վերընձյուղման ամենամեծ վկայությունն է:

«Շուշի. 48 ժամ» նախագիծն իրականացվել է նաև վավերագրող լուսանկարիչ, փաստագրական լուսանկարչության համար «Ֆիֆտի Քրոուզ» միջազգային ֆոնդի մրցանակակիր Գերման Ավագյանի հետ գործակցաբար:

Նախագծին մասնակից լուսանկարիչների մեջ կային ինչպես սկսնակներ, այնպես էլ փորձառուներ Արցախից, Հայաստանից և Վրաստանից:

Համազգային հայ կրթական և մշակութային միության խորհրդի անդամ, լրագրող, մեկնաբան Միքայել Հաջյանը, խոսելով «Շուշի 48 ժամ» ծրագրի մասին, նշել է, որ պատկերագիրքն ուխտագնացություն է դեպի հայոց սուրբ-սրբոց քաղաքներից մեկը՝ Շուշի, ու բոլոր նրանց համար, ովքեր տարիներ հետո տեղեկանալու են, թե 2017 թվականի հունիսի 30-ին և հուլիսի 1-ին 48 ժամվա ընթացքում ինչպիսինն է եղել Շուշին:

Ծրագրին մասնակից լուսանկարիչ, նախկինում Վրաստանի մշակույթի նախարարի տեղակալ Յուրի Մեչիտովի խոսքով՝ Շուշին զարմանահրաշ քաղաք է, որտեղ ամեն օր նորովի բացահայտումներ են լինում: «Պատկերագրքում ներկայացված լուսանկարներն արվել են ազատ ոճով, և ամեն լուսանկարի համար կան մակագրություններ»,- ավելացրել է Յուրի Մեչիտովը:

Միջոցառմանը «Համազգային հայ կրթական և մշակութային միության» կողմից պարգևատրվել են լուսանկարիչներ Գերման Ավագյանը և Յուրի Մեչիտովը:

Շնորհանդեսին ներկա էին ԱՀ մշակույթի և եիտասարդության հարցերի նախարարի պաշտոնակատար Նարինե Աղաբալյանը, արտաքին գործերի նախարարի պաշտոնակատար Կարեն Միրզոյանը, կրթության, գիտության և սպորտի նախարարի պաշտոնակատար Սլավա Ասրյանը, ԱՀ ԱԺ փոխնախագահ Վահրամ Բալայանը, պատգամավորներ, Շուշիի քաղաքապետ Արծվիկ Մինասյանը և այլ հյուրեր:

HayNews.am
 
Նմանատիպ նորություններ
Վարչապետն ու ՀՀ–ում Շվեյցարիայի դեսպանը քննարկել են տնտեսական համագործակցության զարգացմանը վերաբերող հարցեր
21 Նոյեմբերի 2017 - 17:31
Վարչապետ Կարեն Կարապետյանն այսօր ընդունել է Հայաստանի Հանրապետությունում Շվեյցարիայի Համադաշնության արտակարգ և լիազոր դեսպան Լուկաս Գասսերին, տեղեկացնում է Կառավարության մամուլի ծառայությունը:
Փաստաբան Վաղինակ Աթոյանին մեղադրանք առաջադրվեց. կաշառք է պահանջել եւ փոխանցել դատավորին
21 Նոյեմբերի 2017 - 17:26
Փաստաբան Վաղինակ Աթոյանին մեղադրանք է առաջադրվել կաշառք ստանալուն օժանդակելու համար:
Երեւանում կանցկացվի «Երեւանի արտաքին գովազդի» 2-րդ միջազգային փառատոնը
21 Նոյեմբերի 2017 - 17:21
Երեւանի քաղաքապետարանում աշխատանքային հերթական խորհրդակցության ընթացքում անդրադառնալով մայրաքաղաքում նոյեմբերի 21-26-ն անցկացվող «Երեւանի արտաքին գովազդի» 2-րդ միջազգային փառատոնին՝ քաղաքապետ Տարոն Մարգարյանն աշխատակազմի արտաքին ձեւավորման եւ գովազդի վարչությանը հանձնարարել է անհրաժեշտ միջոցառումներ ձեռնարկել` փառատոնը բարձր մակարդակով կազմակերպելու եւ անցկացնելու համար:
Արցախի ԱԺ-ում շարունակվում են 2018թ.-ի բյուջեի քննարկումները
21 Նոյեմբերի 2017 - 17:15
Արցախի ԱԺ սոցիալական եւ առողջապահության հարցերի ու ֆինանսաբյուջետային եւ տնտեսական կառավարման հարցերի մշտական հանձնաժողովների համատեղ նիստում, Արամ Գրիգորյանի եւ Ռուսլան Իսրայելյանի նախագահությամբ, այսօր՝ նոյեմբերի 21-ին, քննարկվել է «ԱՀ 2018թ. պետական բյուջեի մասին» Արցախի օրենքի նախագիծը:
Փաստաբանին մեղադրանք է առաջադրվել կաշառք ստանալուն օժանդակելու համար
21 Նոյեմբերի 2017 - 17:09
ՀՀ հատուկ քննչական ծառայության և ՀՀ ոստիկանության կողմից իրականացված քննչական և օպերատիվ-հետախուզական միջոցառումների արդյունքում ստացվել են պետական ծառայության դեմ ուղղված առանձնապես ծանր հանցագործության վերաբերյալ տվյալներ, որոնց հիման վրա նախապատրաստված նյութերով Հատուկ քննչական ծառայությունում հարուցվել է քրեական գործ:
ԵԱՀԿ/ԺՀՄԻԳ գրասենյակի տնօրենը՝ ՀՀ դատախազությունում. համագործակցությունը սերտացնելու հարցեր են քննարկվել
21 Նոյեմբերի 2017 - 17:01
ՀՀ գլխավոր դատախազ Արթուր Դավթյանն այսօր ընդունել է ԵԱՀԿ ժողովրդավարական հաստատությունների և մարդու իրավունքների գրասենյակի (ԺՀՄԻԳ) տնօրեն Ինգիբյոր Սոլրուն Գիսլադոտիրին։
Քիմ Քարդաշյանը ցուցադրել է վաճառքում դեռևս չհայտնված կոշիկների հավաքածու (Տեսանյութ)
21 Նոյեմբերի 2017 - 16:54
Ռեալիթի շոուների աստղ Քիմ Քարդաշյանը նկարահանել է մի տեսանյութ, որտեղ ցուցադրել է նոր, դեռևս վաճառքում չհայտնված կոշիկների հավաքածու՝ OffWhite և Jimmy Choo-ի կոլլաբորացիայից, հայտնել է HypeBae-ը, փոխանցում է Lenta.ru-ն:
1 | 2 | 3 | 4 | 5 | 6 | 7 | 8 | 8796
 
Լրահոս`
Հումոր՝ նկարների տեսքով (Տեսանյութ 18+)
Հասարակություն, Տեսանյութեր