Facebook   Twitter
 
Աշտարակի դպրոցի ուսուցիչները սպառնում են անժամկետ գործադուլ սկսել. 10 օր ժամանակ են տվել

Աշտարակի դպրոցի ուսուցիչները սպառնում են անժամկետ գործադուլ սկսել. 10 օր ժամանակ են տվել

14 Սեպտեմբերի 2017 - 11:22
Աշտարակի Վարդգես Պետրոսյանի անվան դպրոցի ուսուցիչները սպառնում են անժամկետ գործադուլ սկսել: Բոլոր պատկան մարմիններին հղած բաց նամակում նրանք ներկայացնում են խնդիրները:
Բաց նամակում, մասնավորապես, ասվում է.

«Աշտարակի Վ.Պետրոսյանի անվան հիմնական դպրոցը նախատեսված է 200 աշակերտի համար, մինչդեռ այսօր դպրոցում կրթություն է ստանում 601 աշակերտ: Այդ պատճառով դպրոցը չունի գրադարան, ինֆորմատիկայի, շախմատի եւ տեխնոլոգիայի դասասենյակներ, բուֆետ, դահլիճ եւ մարզադահլիճ, բավարար քանակով սանհանգույցներ: Նույն պատճառով կիսվող դասաժամերը չեն կիսվում: 2016-2017 ուստարում տեղ չլինելու պատճառով օրենքի խախտմամբ ունեցել ենք երկու առաջին դասարան` 37-ական աշակերտով: Այս տարի վիճակը էլ ավելի է սրվել, քանի որ ունեցել ենք 56 շրջանավարտ եւ 76 առաջին դասարանցիներ (38 հոգանոց գերհագեցած 2 դասարան):

Այսպիսով, դպրոցի հիմնանորոգման խնդիրը դարձել է անհետաձգելի:

Խնդրին տեղյակ են բոլոր պատկան մարմինները, բայց նրանց անգործության պատճառով տարիներ շարունակ երեխաները զրկված են կրթություն ստանալու բավարար պայմաններից:

Վ. Պետրոսյանի անվան հիմնական դպրոցի ուսուցչական կոլեկտիվը եւ ծնողական համայնքը հայտարարում են, որ դպրոցը պետք է անհապաղ հիմնանորոգել: Դրա հետ մեկտեղ առաջարկում է ժամանակավոր միջանկյալ լուծում` ծայրահեղ վիճակը մեղմելու նպատակով: Դպրոցից 500 մ հեռավորության վրա գտնվում է Ն.Սիսակյանի անվան ավագ դպրոցը, որը նախատեսված է 1500 աշակերտի համար, բայց ներկայումս սովորում են 280 աշակերտ:

Մենք առաջարկում ենք տարրական դպրոցը` 293 աշակերտով, ժամանակավորապես տեղափոխել ավագ դպրոցի ազատ մասնաշենքերից մեկը, մինչեւ դպրոցի հիմնանորոգման աշխատանքների ավարտը: Այս միջանկյալ լուծումը համընկնում է ՀՀ կառավարության եւ ԿԳՆ ռազմավարությանը:

2017 թվականի մայիսի 4-ին դպրոցի մանկավարժներն իրականացրել են մեկօրյա նախազգուշական գործադուլ, որից հետո պատկան մարմինների կողմից որեւէ գործնական քայլ չի արվել:

Տասը օրվա ընթացքում հարցին խելամիտ լուծում չտալու դեպքում Վ.Պետրոսյանի անվան հիմնական դպրոցի մանկավարժական կոլեկտիվը եւ ծնողական համայնքը ստիպված են գնալ անժամկետ գործադուլի»:

HayNews.am
 
Նմանատիպ նորություններ
Ռուսաստանում երեխան ընկել է ութերորդ հարկից եւ ողջ է մնացել
16 Հուլիսի 2018 - 14:50
Տյումենում երեխան ընկել է 8-րդ հարկի պատուհանից եւ հոսպիտալացվել է, հայտնում է SUSK- ը երկուշաբթի Տյումենի շրջանի Քննչական կոմիտեի Քննչական վաչությունը:
Հանքային ջրեր արդյունահանող տնտեսվարողները չեն վճարել մոտ 230 մլն դրամի բնօգտագործման վճարներ
16 Հուլիսի 2018 - 14:48
Գլխավոր դատախազության պետական շահերի պաշտպանության վարչության կողմից իրականացված ուսումնասիրությամբ պարզվել է, որ ՀՀ տարածքում 2015-2016թթ. ստորերկրյա բնական հանքային ջրերի իրացման և արտահանման ծավալները բազմակի անգամ գերազանցել են արդյունահանում իրականացնող տնտեսվարող սուբյեկտների հաշվետվություններով ներկայացված արդյունահանված հանքային ջրերի ծավալները:
Իտալիայի նախագահը պետական այցով կժամանի Երևան
16 Հուլիսի 2018 - 14:40
Իտալիայի նախագահ Սերջիո Մատարելան ՀՀ նախագահ Արմեն Սարգսյանի հրավերով հուլիսի 30-ին պետական այցով կժամանի Երևան:
Արցախում մեկնարկել է արտադրվող նռան ծավալների մեծացումը խթանելու նոր ծրագրեր. պետնախարար
16 Հուլիսի 2018 - 14:31
Արցախի պետական նախարար Գրիգորի Մարտիրոսյանն, այսօր՝ հուլիսի 16-ին, ընդունել է Հայաստանի զարգացման հիմնադրամի գործադիր տնօրեն Արմեն Ավակ Ավակյանի գլխավորած պատվիրակությունը։
Պետք է հաստատել, որ Հայաստանը կճանաչի Արցախի անկախությունը Ադրբեջանի հերթական ագրեսիայի դեպքում
16 Հուլիսի 2018 - 14:30
ՀՀԿ խմբակցության պատգամավոր Արմեն Աշոտյանն իր ֆեյսբուքյան էջում գրել է.
Նախարարությունը չի փորձում քողարկել քրեակատարողական համակարգում առկա խնդիրները. Զեյնալյան
16 Հուլիսի 2018 - 14:25
Արդարադատության նախարար Արտակ Զեյնալյանն այսօր՝ հուլիսի 16-ին, մասնակցել է Մարդու իրավունքների պաշտպանի գրասենյակի կողմից կազմակերպված՝ «Մարդու իրավունքների ապահովման վիճակն ազատությունից զրկման վայրերում» թեմայով քննարկմանը:
Կառավարությունը 2 շաբաթում պետք է նշանակի Երևանի ավագանու արտահերթ ընտրության օրը
16 Հուլիսի 2018 - 14:18
«Երևան քաղաքում տեղական ինքնակառավարման մասին» օրենքի համաձայն՝ Կառավարությունը կրճատում է ավագանու լիազորությունների ժամկետը, եթե նիստը գումարելուց հետո` երկշաբաթյա ժամկետում, քաղաքապետի թեկնածու չի առաջադրվում, կամ առաջադրված մեկ թեկնածուն չի հավաքում անհրաժեշտ թվով ձայներ:
Մենք հանձնառու ենք վճռական օգնություն ցուցաբերել հաջորդ ընտրություններին. Սվիտալսկի
16 Հուլիսի 2018 - 14:06
ԵՄ բարձրաստիճան պաշտոնյաները ՀՀ վարչապետ Նիկոլ Փաշինյանին հայտնել են, որ պատրաստ են օգնել արտահերթ ընտրությունների կազմակերպման հարցում։
1 | 2 | 3 | 4 | 5 | 6 | 7 | 8 | 12391
 
Լրահոս`