Facebook   Twitter
 
Մոտ օրերս ծխելու դեմ պայքարի շրջանակում մշակված օրենսդրական փաթեթը կներկայացվի հանրությանը

Մոտ օրերս ծխելու դեմ պայքարի շրջանակում մշակված օրենսդրական փաթեթը կներկայացվի հանրությանը

12 Հոկտեմբերի 2017 - 11:48
ՀՀ ԱՆ մամուլի ծառայությունը տեղեկացնում է, որ մոտ օրերս ծխելու դեմ պայքարի շրջանակում մշակված օրենսդրական փաթեթը կներկայացվի հանրությանը:
ՀՀ-ում Ծխախոտի դեմ պայքարի գործողությունների նպատակն է պաշտպանել մարդկանց առողջությունը ծխախոտի օգտագործման ու ծխախոտի ծխի ազդեցության, ինչպես նաև սոցիալական, բնապահպանական և տնտեսական բացասական կործանարար հետևանքներից: Պայքարի հիմնական գործիքներն են՝ գովազդի, հովանավորչության և վաճառքի խթանման ամբողջական արգելքը, հասարակական վայրերում ծխախոտի սահմանափակումը:

Ամբողջ աշխարհում ծխախոտի օգտագործումը և դրա հետևանքով առաջացած հիվանդացության և մահացության բարձր ցուցանիշներն առողջապահական և տնտեսական լուրջ խնդիրներ են ստեղծում: Առողջապահության համաշխարհային կազմակերպության տվյալներով` աշխարhում յուրաքանչյուր 6 վայրկյանը մեկ ծխախոտի հետևանքով առաջացած հիվանդություններից մարդ է մահանում:

Այս տարվա վիճակագրական տվյալների համաձայն` Հայաստանում 16 տարեկանից բարձր տղամարդկանց կեսից ավելին ամենօրյա ծխող է: Կանանց շրջանում ծխախոտի օգտագործման ցուցանիշը հասնում է 5 %-ի:

Ծխախոտի դեմ պայքարի ԱՀԿ Կոնվենցիայով օրենսդրությանը վերաբերող պահանջներն ապահովելու նպատակով մշակվել և օգոստոսի 3-ին ՀՀ կառավարության հավանությանն է արժանացել «Ծխելու դեմ պայքարի ռազմավարությունը», որի թիրախը առաջիկա 3-4 տարում ծխող տղամարդկանց թիվը շուրջ 10 %-ով կրճատելն է։ Այժմ ձևավորվում է Ծխելու դեմ պայքարի գործողությունների իրականացման համակարգող միջգերատեսչական հանձնաժողով։ Զուգահեռաբար աշխատանքներ են իրականացվում օրենսդրական դաշտը կատարելագործելու ուղղությամբ։

Այսօր ծխախոտի դեմ պայքարի ազգային օրն է:
Հայաստանի Հանրապետությունը 2004 թվականի հոկտեմբերի 12-ին միացել է Առողջապահության համաշխարհային կազմակերպության «Ծխախոտի դեմ պայքարի մասին» շրջանակային կոնվենցիային: 2008-ից, ՀՀ առողջապահության նախարարության և Հայաստանի հասարակական կազմակերպությունների նախաձեռնությամբ, հոկտեմբերի 12-ը Հայաստանի Հանրապետության կառավարության որոշմամբ հայտարարվել է «Ծխախոտի դեմ պայքարի ազգային օր»:

HayNews.am
 
Նմանատիպ նորություններ
Հայաստանում խոզի գրիպի բռնկումը քիչ հավանական է․ մասնագետ
24 Փետրվարի 2018 - 12:16
Աս սեզոնին որպես «խոզի» գրիպ հայտնի A H1N1 տեսակի գրիպի բռնկումը Հայաստանում քիչ հավանական է։ Այս մասին NEWS.am Medicine-ի թղթակցի հետ զրույցում հայտնել է Հայաստանի ԱՆ Հիվանդությունների վերահսկման ու կանխարգելման ազգային կենտրոնի հատուկ վտանգավոր ու օդակաթիլային վարակների բաժնի ղեկավար Լիանա Թորոսյանը։
Մոլդովական փողոցում գիշերը հրդեհ է եղել. Տարհանել էին 60 բնակչի
24 Փետրվարի 2018 - 12:15
Փետրվարի 24-ին, ժամը 00:26-ին ահազանգ է ստացվել, որ Երեւան քաղաքի Մոլդովական փողոցի թիվ 29/4 հանրակացարանի թիվ 4 մասնաշենքի 3-րդ հարկում էլ. հաշվիչներ են այրվում:
Նիգերիայում ահաբեկիչները առեւանգել են ավելի քան 110 դպրոցականների
24 Փետրվարի 2018 - 12:14
«Բոկո Հարամ» ահաբեկչական խմբավորման զինյալներն առեւանգել են Նիգերիայի Յոբե նահանգի դպրոցի 111 աշակերտների։ Այս մասին հաղորդում է «ՌԻԱ Նովոստի»–ին՝ վկայակոչելով PM News պարբերականը եւ տեղի ոստիկանությանը։
Սիրուշոն Բրյուսելից «միզող տղայի» հետ լուսանկար է հրապարակել (Լուսանկար)
24 Փետրվարի 2018 - 11:33
Համերգային շրջագայությամբ Եվրապայում գտնվող Սիրուշոն Բրյուսելից լուսանկար է հրապարակել Instagram-ի իր էջում՝ հայտնի «միզող տղայի» արձանի կողքին։

Արցախի ԱԻՆ-ը լուսանկարներ և մանրամասներ է հրապարակել Դադիվանքում տեղի ունեցած ողբերգական դեպքից
24 Փետրվարի 2018 - 11:31
Փետրվարի 22-ին՝ ժամը 10.23-ին ԱԻ ՃԿԿ Շահումյանի շրջանի ԱԻ բաժնից ահազանգ է ստացվել Շահումյանի շրջանի Դադիվանք համայնքում բռնկված հրդեհի մասին: Նախնական տվյալներով այրվում է բնակելի տուն:
Խոշոր ավտովթար Վանաձորում. Մանկավարժական համալսարանի դիմաց բախվել են Opel-ն ու Нива-ն, վերջինը գլխիվայր շրջվել է 24 Փետրվար, 2018 11:03 Խոշոր ավտովթար Վանաձորում. Մանկավարժական համալսարանի դիմաց բա
24 Փետրվարի 2018 - 11:28
Այսօր՝ փետրվարի 24-ին, խոշոր ավտովթար է տեղի ունեցել Լոռու մարզում։ Ժամը 08։40-ի սահմաններում Վանաձոր քաղաքի Մհեր Մկրտչյան և Տիգրան Մեծի փողոցների հատման խաչմերուկում՝ Վանաձորի պետական մանկավարժական համալսարանի դիմաց, բախվել են Լոռու մարզի Լորուտ գյուղի բնակիչ՝ 25-ամյա Գեղամ Նավասարդյանի վարած ВАЗ 2121 մակնիշի 41 ՏՏ 602 համարանիշի և Վանաձոր քաղաքի Չուխաջյան փողոցի բնակիչ՝ 60-ամյա Հովհաննես Վանյանի վարած Opel մակնիշի 09 ՍԼ 265 համարանիշի ավտոմեքենաները։
Հակառակորդի գնդակն առաջին անգամ վիրավորեց, երկրորդ անգամ՝ չվրիպեց ու կյանք խլեց (տեսանյութ)
24 Փետրվարի 2018 - 11:26
Արցախի սահմանը պահպանելիս մահացու հրազենային վիրավորում ստացած զինվորը Շիրակի մարզի Ախուրյան համայնքից էր:
Ֆլորիդայի հրաձգության մասին նախազգուշացրած կինը համոզված է եղել, որ տղան մի օր բռնության կդիմի
24 Փետրվարի 2018 - 11:24
Կինը, որը հունվարին ԱՄՆ Հետախուզության դաշնային բյուրոյին հեռախոսով նախազգուշացրել էր փետրվարի 14-ին Ֆլորիդայի նահանգի դպրոցում կրակ բացած Նիկոլաս Քրուզի կողմից հանրությանը սպառնացող վտանգի մասին, վստահ է եղել, որ նա վաղ թե ուշ բռնության կիրառմամբ ինչ–որ հանցագործություն կգործի, փոխանցում է The New York Times թերթը։
Երևանի Ղազար Փարպեցու փողոցի Թումանյան-Արամի հատվածում երթևեկության փոփոխություն կկատարվի
24 Փետրվարի 2018 - 11:00
Ճանապարհային ոստիկանությունը տեղեկացնում է, որ փետրվարի 25-ից Երևան քաղաքի Ղազար Փարպեցու փողոցի Թումանյան-Արամի փողոցների հատվածում կկատարվի երթևեկության կազմակերպման փոփոխություն, որի արդյունքում Ղազար Փարպեցու փողոցի նշված հատվածում՝ բացառությամբ Արամի փողոցին հարող վերջնամասի մոտ 50 մետր տեղամասի, երթևեկությունը կկազմակերպվի միակողմանի՝ Թումանյան փողոցից դեպի Արամի փողոց ուղղությամբ:
1 | 2 | 3 | 4 | 5 | 6 | 7 | 8 | 10027
 
Լրահոս`
 
 
 
 
 
 
 
 
 
 
 
 
 
 
 
 
 
Օրվա խորհուրդը
Հասարակություն