Facebook   Twitter
 
Տաշիրի համայնքապետ Էդգար Արշակյանի հաջողությունները համայնքինն են (Լուսանկարներ)

Տաշիրի համայնքապետ Էդգար Արշակյանի հաջողությունները համայնքինն են (Լուսանկարներ)

25 Հոկտեմբերի 2017 - 14:39
Տաշիր համայնքի երիտասարդ քաղաքապետ Էդգար Արշակյանին քիչ ժամանակ հարկավոր եղավ, որպեսզի կայանար և ՏԻՄ մակարդակով հնարավոր լուծումներ տար համայնքում գոյություն ունեցող մի շարք խնդիրների:
Էդգար Արշակյանը սովորել և ավարտել է Երևանի պետական համալսարանի արևելագիտության ֆակուլտետի իրանագիտություն բաժինը, այնուհետև՝ ՀՀ պետական կառավարման ակադեմիայի հանրային կառավարում բաժինը` ստանալով հանրային կառավարման մագիստրոսի աստիճան: Աշխատել է ՀՀ վերահսկիչ պալատում: Տաշիր համայնքի ղեկավար է ընտրվել 2012 թ-ին:

Այս տարիների ընթացքում Տաշիրի համայնքապետարանը սեփական նախաձեռնությամբ և ուժերով մի շարք ծրագրեր է իրականացրել: Աշխատանքներ են կատարվել լուսավորության ցանցի ընդլայնման, բազմաբնակարան շենքերի տանիքների վերանորոգման, աղբահանության և սանմաքրման, կանաչապատման և այլ ուղղություններով:

2015 թ-ին, ՀՀ տարածքային կառավարման և արտակարգ իրավիճակների նախարարւթյան և Հայաստանի Համայնքների Միության կողմից Տաշիրն արժանացել է «Կանաչապատ համայնք», իսկ 2016 թ-ին՝ ՀՀ տարածքային կառավարման և զարգացման նախարարության և Հայաստանի Համայնքների Միության կողմից՝ «Լավագույն համայնք» մրցանակներին: Էդգար Արշակյանն իր գործունեության ընթացքում ուշադրություն է դարձնում համայնքի կենսագործունեությանն առնչվող բոլոր ոլորտներին:

Համայնքին վերաբերող ծրագրերը շատ են, սակայն հիմնական շեշտը դրվում է քաղաքի բարեկարգման, կանաչապատ տարածքների մշակման և ընդլայնման, համայնքի ենթակա կառույցների հիմնանորոգման վրա: Անցած տարվանից Տաշիր համայնքում մեծ թափով զարկ է տրվել քաղաքաշինությանը: «Տաշիր» հիմնադրամի ֆինանսավորմամբ շինարարական մեծածավալ աշխատանքներ իրականացվեցին քաղաքային հրապարակում և հարակից Ջահուկյան փողոցի քայլուղում, որոնք հիմնանորոգվեցին, բարեկարգվեցին, կանաչապատվեցին և նոր տեսք ստացան:

Մինչ այդ, նույն հիմնադրամի կողմից քաղաքում արդեն կառուցվել և շահագործման էր հանձնվել հարմարավետ և ժամանակի բոլոր պահանջներին համապատասխանող շքեղ մանկապարտեզը: Ընթացքի մեջ են ՀՀ տարածքային զարգացման հիմնադրամի կողմից և ԱԺ պատգամավոր Կարեն Կարապետյանի համաֆինանսավորմամբ իրականացվող ՝ Տաշիրի հրապարակում գտնվող նախկին գործադիր կոմիտեի եռահարկ շենքի հիմնանորոգման աշխատանքները:

Շենքը ծառայելու է որպես երեխաների զբաղվածության և համալիր սոցիալական ծառայությունների տարածքային կենտրոն: Ավարտվել են «Տաշիր» հիմնադրամի ֆինանսավորմամբ քաղաքային զբոսայգու համալիր վերանորոգման լայնածավալ աշխատանքները: Ամբողջովին վերանորոգվել է այգու լողավազանն իր շատրվաններով, հիմնանորոգվել են քայլուղիները: Տարածքն ամբողջովին բարեկարգվել է, նորովի կանաչապատվել, տեղադրվել են լապտերներ և նոր նստարաններ:

Ներկայում «Տաշիր» հիմնադրամի կողմից հիմնաորոգվում է մշակույթի տունը: Հիմնադրամի կողմից այս ամենն, անշուշտ, իրականացվում է նաև ԱԺ պատգամավոր Կարեն Կարապետյանի և ազգային բարերար Սամվել Կարապետյանի կողմից` Էդգար Արշակյանի նկատմամբ ձևավորված վստահության արդյունքում:

Մշակույթի, սպորտի և կրթության ոլորտը նույնպես համայնքապետի ուշադրության կենտրոնում է: Քաղաքում նշվում են բոլոր պետական և հիշատակի տոները: Տաշիրի՝ նախկինում Կալինինոյի՝ ԽՍՀՄ-ում մեծ համբավ վայելող պանրագորածարանի լավագույն ավանդույթները շարունակող ներկայիս կաթնամթերքի վերամշակման արտադրամասերի աշխատանքի խթանման և մարդկանց առօրյան հետաքրքիր դարձնելու լավագույն միջոց է «Տաշիրյան պանրի փառատոն» տոնակատարությունը: Ամեն տարի նշվում է Տաշիր քաղաքի օրը: Այս տարի այն տոնվեց առավել շուքով՝ համատեղելով զբոսայգու բացման տոնակատարության հետ:
Վեց ամիս շարունակ Տաշիրի համայնքապետարանն աշխատում էր Եվրոպական խորհրդի և Եվրոպայի միության «Եկեք միասի՛ն կառավարենք մեր համայնքը» ծրագրի շուրջ: Ընտրված խորագիրն արդեն իսկ խոսուն է: Տեղական ինքնակառավարման մեջ որդեգրել ժողովրդավարությանը զարկ տվող նման քաղաքականություն, որը տանում է թափանցիկ գործելակերպի և մասնակցային կառավարման, բավականին համարձակ քայլ էր:

Տաշիր համայնքի ղեկավար Էդգար Արշակյանի համար թափանցիկությունը, հաշվետվողականությունն ու մասնակցությունն իր գործունեության մասն են կազմում: Բնակչության տեղեկացվածությունն իրենց իրավունքների և մասնակցային կառավարման օգտակարության մասին՝ հասարակության հետաքրքրված մասի մոտ ցանկություն առաջացրեց սեփական մասնակցությամբ ակտիվացնել համայնքային կյանքը և հնարավորության սահմաններում օգտակար լինել համայնքում եղած խնդիրների լուծմանը:
Հանրային ծառայության ոլորտում սոցիոլոգիական հարցումների և փորձագիտական եզրակացության արդյունքում, վերջերս, «Համազգային վստահություն» խորհրդի կողմից, Տաշիր համայնքի ղեկավար Էդգար Արշակյանն արժանացավ «Տարվա համայնքի ղեկավար» պատվավոր կոչմանը: Մրցանակը հանդիսավոր կերպով հանձնվեց Արամ Խաչատրյան դահլիճում կազմակերպված «Տարվա հանրային ծառայող և տարվա ապրանքանիշ 2017» ամենամյա ազգային մրցանակաբաշխության ժամանակ:

Առաջիկա ՏԻՄ ընտրություններում Էդգար Արշակյանը միակ առաջադրված թեկնածուն է և ստանալով այս անգամ խոշորացված համայնքի բնակչության քվեն՝ կշարունակի իր հայրենանվեր գործունեությունը:

Մարինե Վանյան
 
Նմանատիպ նորություններ
Կոտայքում վրաերթի են ենթարկել 61-ամյա բնակչին. նա մահացել է (Լուսանկարներ)
18 Նոյեմբերի 2018 - 00:03
Կոտայքի մարզում, այսօր, նոյեմբերի 17-ին, մահվան ելքով վրաերթ է տեղի ունեցել. ժամը 19:30-ի սահմաններում 54-ամյա Գագիկ Բ.-ն՝ Ֆանտան գյուղի սկզբնամասում, ՎԱԶ-2101 մակնիշի 42 LՍ 642 համարանիշի ավտոմեքենայով վրաերթի է ենթարկել համագյուղացի 61-ամյա Մերուժան Մանուկյանին:
Հայտնի են երկու քարտով iPhone Xs Max-ի արտասովոր գործառույթները
17 Նոյեմբերի 2018 - 23:54
Apple-ի նոր երկու քարտով iPhone Xs Max-ը իրապես կարելի է հերթական քայլն անվանել «խնձորային» սարքերի զարգացման ոլորտում: Սմարթֆոնը բառացի լի է տարբեր նորարարություններով:
Ամենայն Հայոց Կաթողիկոսի ձեռամբ օծվել է Նովոսիբիրսկի նորակառույց եկեղեցին
17 Նոյեմբերի 2018 - 23:51
Նոյեմբերի 17-ին Ռուսաստանի Դաշնության Նովոսիբիրսկ քաղաքում, հանդիսապետությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի, տեղի է ունեցել հայկական նորակառույց եկեղեցու օծման արարողությունը:
Նախարարն այցելել է Լարսում խցանման մեջ հայտնված վարորդներին
17 Նոյեմբերի 2018 - 23:22
Հայաստանի տրանսպորտի, կապի և ՏՏ նախարարի պաշտոնակատարի տեղակալ Արմեն Փամբուխչյանը Facebook- ի իր էջում գրառում է կատարել այն մասին, որ Լարսում առաջացած խնդրի մասին խոսել է Դոնի Ռոստովում ՀՀ գլխավոր հյուպատոս Վարդան Ասոյանի հետ։
Բացահայտված է սև սուրճի հանդեպ մարդկանց կախվածության պատճառը
17 Նոյեմբերի 2018 - 22:56
ԱՄՆ Չիկագոյի հյուսիս-արևմտյան համալսարանի գիտնականները գտել են մարդկանց՝ սուրճի նկատմամբ կախվածության բացատրությունը, գրում է Scientific Reports-ը:
Ծնվել է Անի Խաչիկյանի և Հայկ Բարսեղյանի առաջնեկը
17 Նոյեմբերի 2018 - 22:49
Դերասանուհի Անի Խաչիկյանի առաջնեկն այսօր լույս աշխարհ է եկել։ Անին որդի է ունեցել։ Ամուսինը` Հայկ Բարսեղյանը, այս մասին հայտնել է Ֆեյսբուքի իր էջում։
«Դղյակի» սեփականատիրոջ սպանության մեջ մեղադրվողը դատապարտվեց 4 տարվա ազատազրկման. մեղադրանքը վերաորակվել է
17 Նոյեմբերի 2018 - 22:42
Գյումրիում «Դղյակ» սուպերմարկետի սեփականատեր Գուրգեն Ավետիսյանի սպանության մեջ մեղադրվող Արա Մովսիսյանը դատապարտվեց ազատազրկման 4 տարի 3 ամիս ժամկետով։
Գրոզնիում մահապարտ կինը ինքնապայթեցում է կատարել
17 Նոյեմբերի 2018 - 21:53
Գրոզնիում՝ Ստարոպրոմիսլովկսի շրջանում, անհայտ կինը ոստիկանության անցակետի մոտ իրեն պայթեցրել է: Այս մասին լրագրողներին ասել է Չեչնիայի ՆԳ նախարարի պաշտոնակատար, ոստիկանության գեներալ Ափթի Ալաուդինովը, հայտնում է «ՌԻԱ Նովոստին»:
Հանրային խորհրդում նոր հանձնաժողով է ձեւավորվել
17 Նոյեմբերի 2018 - 21:32
Հանրային խորհրդում ձևավորվել է նոր հանձնաժողով, որը զբաղվելու է տրանսպորտի, կապի և տեղեկատվական տեխնոլոգիաների հարցերով։
1 | 2 | 3 | 4 | 5 | 6 | 7 | 8 | 14067
 
Լրահոս`