Facebook   Twitter
 
Եվս մեկ ընտանիք վագոն տնակից տեղափոխվել է բարեկարգ բնակարան

Եվս մեկ ընտանիք վագոն տնակից տեղափոխվել է բարեկարգ բնակարան

24 Նոյեմբերի 2017 - 11:56
Հարգելի գործընկերներ
ՎիվաՍել-ՄՏՍ-ի և Հայաստանի «Ֆուլեր տնաշինական կենտրոն»-ի կողմից իրականացվող բնակարանաշինության ծրագրով, Արագածոտնի մարզում այս տարի բարեկարգ բնակարանի տեր է դարձել վեց ընտանիք:
Արագածոտն գյուղում բնակվող Գևորգյանների ընտանիքը դրանցից մեկն է: Նրանց հետ բնակարանամուտի ուրախությունը կիսելու համար, գործակցող կողմերի ղեկավարներն այցելել են գյուղ:

Նախկինում ընտանիքն ապրել է վագոն-տնակում՝ տասնամյակներ առաջ ձեռք բերված, բայց տարիներ շարունակ նույն տեսքն ունեցող կիսավեր շինության կողքին: Այս տարվա գարնանը, համագործակցող կազմակերպությունների աջակցությամբ, Գևորգյաններն սկսել են շինարարություն իրականացնել և ապրելու համար ոչ պիտանի կառույցն արդեն հարմարավետ տուն են դարձրել իրենց համար:

«Վագոն տնակում ապրելու դաժան կյանքը ոչ ոքի չեմ կամենա, թեկուզև մեկ օր: Մետաղական պատերը ոչ միայն մարմինն են կաշկանդում, այլև հոգին: Երեխաներս մի տեսակ ընկճված ու տխուր էին, կարծես ուրախությունը կորել էր մեր ընտանիքից: Երբ տեղափոխվեցինք նոր տուն, արագ ազատվեցինք ոչ միայն վագոն տնակից, այլև անցյալի վատ հիշողություններից: Այնքան երջանիկ եմ, որ նոր հարկի տակ հյուրընկալում ենք մեր կյանքը փոխած մարդկանց»,- ասել է ընտանիքի մայրը՝ Նարինեն:

Վեց տարվա համագործակցության ընթացքում, միայն Արագածոտնի մարզում կիսակառույց տան շինարարությունն ավարտել կամ տունը վերանորոգել է 21 ընտանիք: Հայաստանի տարբեր մարզերում լուծվել է 150 ընտանիքի բնակարանի խնդիրը:

«Կյանքը հարթ ճանապարհ չէ: Տարիների ընթացքում լինում են և՛ վերելքներ, և՛ վայրէջքներ, լինում են և՛ հաջողություններ, և՛ խոչընդոտներ: Գուցե հենց դա է կոփում մարդկանց՝ ստիպելով ուժեղացնել կամքը, աշխատելու վճռականությունը և հաջողության հասնելու ձգտումը: Կարևոր է, որպեսզի յուրաքանչյուրն իրեն հեռու պահի ընկճվելու, հուսահատվելու անօգուտ մտքից և հավատա, որ ինքը կկարողանա կարևոր գործ կատարել: Եվ եթե հավատա՝ ապա կկարողանա նաև իրականացնել իր երազանքները: Այս ընտանիքն անցել է հենց այդ ճանապարհով: Համոզված եմ, որ այս տան համար շարված յուրաքանչյուր քարի հետ նրանք ավելի մեծ կամք են ձեռք բերել: Երազանքն իրականացված է. հիմա նրանք պետք է նոր երազանքներ փնտրեն և ունենան դրանք ևս իրականացնելու վճռականություն»,- ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

«Առողջ ընտանիքը, որպես հասարակության միավոր, համայնքի ու երկրի կայուն զարգացման գրավականն է: Առողջ միջավայրում ապրող երեխան միանշանակ առավելություն ունի իր ժամանակը ճիշտ օգտագործելու, զարգանալու և ստեղծագործելու առումով: Մեր խնդիրն է հնարավորին շատ ընտանիքների ընձեռնել այդ հնարավորությունը», - ասել է «Ֆուլեր տնաշինական կենտրոնի» նախագահ Աշոտ Եղիազարյանը:

2017 թվականին ՎիվաՍել-ՄՏՍ-ը կատարել է 31 մլն դրամի, իսկ ընդհանուր առմամբ՝ մոտ 370 մլն դրամի ներդրում՝ բնակարանաշինության ծրագրի իրականացման համար:


HayNews.am
 
Նմանատիպ նորություններ
Մինչ այժմ լիահույս էինք, որ նրանք կվերանայեն իրենց վարքը. սթափվեք. Բրյուսովի անվան համալսարանի դասախոսները ուղերձով դիմել են ուսանողներին
16 Նոյեմբերի 2018 - 21:33
Երևանի Վ. Բրյուսովի անվան պետական լեզվահասարակագիտական համալսարանի պրոֆեսորադասախոսական կազմն ուղերձով դիմել է համալսարանի ուսանողությանը: Նրանք կոչ են անում ուսանողրին սթափվել և նորմալ վարք դրսևորել:
Ավստրալիայում թանգարանից հազվագյուտ կենդանիների կմախքներ են գողացել
16 Նոյեմբերի 2018 - 21:31
Սիդնեյի համալսարանի թանգարանից հազվագյուտ կենդանիների կմախքներ են գողացել՝ տեղեկացնում է 9News-ը։
Հուսով եմ` մենք ի վիճակի կլինենք և կկարողանանք այդ արարքին արժանի ապրել. Նիկոլ Փաշինյան
16 Նոյեմբերի 2018 - 21:15
Հայաստանի վարչապետի պաշտոնակատար Նիկոլ Փաշինյանը նոյեմբերի 16-ին այցելել է Հայրենիքի պաշտպանի վերականգնողական կենտրոն` այնտեղ բուժում ստացող տղաների հետ ընթրելու, կենտրոնում ընթացող աշխատանքներին ծանոթանալու նպատակով:
Երբ դիտեցի Փելեշյանի ՛՛Մարդկանց Երկիրը ՛՛ ես հասկացա, որ չեմ սխալվել․ Մաննե
16 Նոյեմբերի 2018 - 21:14
Կայացավ Արտավազդ Փելեշյանի «Իմ աշխարհը և դաշտի միասնական տեսությունը» գրքի անգլերեն հրատարակության շնորհանդեսը ։
Փելեշյանը լուռ ստորագրում էր հյուրերին նվիրելով իր գիրքը ։
«Էդիկին մեկդ ասեք՝ յուղ է վառում». Լևոն Բարսեղյան
16 Նոյեմբերի 2018 - 21:10
Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է․ «Էդիկ, դու ձենդ չկտրես հանկարծ.
Հանրային խորհրդի Պաշտպանության, ազգային անվտանգության և ներքին գործերի հանձնաժողովը նոր նախագահ է ընտրել
16 Նոյեմբերի 2018 - 21:08
Մեկնարկել է նոր ձևավորվող Հանրային խորհրդի 15 հանձնաժողովների նախագահների ընտրության գործընթացը։
«Գառնիի Սուրիկի լավաշ»-ի սեփականատիրոջ թոռը հրաժարվում է համաներվելուց
16 Նոյեմբերի 2018 - 21:00
2017թ. սեպտեմբերի 5-ին Երեւանի Աճառյան փողոցում 11-ամյա աղջնակի մահվան պատճառ դարձած վթարի գործով ամբաստանյալ, «Hummer»-ի վարորդ Արթուր Հակոբյանը հրաժարվում է համաներվելուց։
1 | 2 | 3 | 4 | 5 | 6 | 7 | 8 | 14055
 
Լրահոս`