Facebook   Twitter
 
Ինչպես են մսխվում համայնքային միջոցները

Ինչպես են մսխվում համայնքային միջոցները

25 Հունվարի 2018 - 10:01
Մամուլն արդեն գրել է Երկրապահ կամավորական միության կողմից համայնքային բյուջեների հաշվին զոհված և վիրավոր ազատամարտիկների ընտանիքներին օգնություն ցուցաբերելու մասին։ Ամանորին ընդառաջ ԵԿՄ-ն տարբեր համայնքներից 30-40 հազար դրամ է խնդրել և ստացել։
«Առաջին լրատվական»-ի ձեռքի տակ են հայտնվել Գեղարքունիքի մարզի Մարտունի քաղաքի ավագանու մի քանի ուշագրավ որոշումներ, որոնցով համայնքային բյուջեից դուրսգրումներ են կատարվել, որոնք երբեմն շատ զավեշտալի են և չեն համապատասխանում իրականացված ծախսին։

Ընդ որում այդ որոշումների մեծ մասը կայացվել է Մարտունու նախկին քաղաքպետի՝ Բագրատ Հարությունյանի ժամանակ։

Օրինակ՝ 2015 թվականի օգոստոսի 26-ի որոշմամբ՝ Մարտունու երաժշտական դպրոցի դաշնամուրի նորոգման համար համայնքային բյուջեի պահուստային ֆոնդից 300 հազար դրամ է դուրս գրվել։ Նույն տարվա մեկ այլ որոշմամբ՝ ԵԿՄ Մարտունու տարածքային կազմակերպությանը, որպես նվիրատվություն, 400 հազար դրամ է տրամադրվել կրկին համայնքի պահուստային ֆոնդից։ Այս գումարը փոխանցվել է ԵԿՄ Մարտունու տարածքային կազմակերպության նախագահ Վաչիկ Գևորգյանի հաշվին։ 2013 թվականի մարտի 24-ի մեկ այլ որոշմամբ՝ ԵԿՄ Մարտունու տարածքային կառույցի կարիքների համար 300 հազար դրամ գումար է փոխանցվել։ Գումարը կրկին փոխանցվել է Վաչիկ Գևորգյանին։ 2014 թվականի նոյեմբերի 24-ի որոշմամբ էլ՝ Վաչիկ Գևորգյանի հաշվեհամարին է փոխանցվել 600 հազար դրամ Արցախյան ազատամարտի մասնակից ազատամարտիկներին նվերներ ձեռք բերելու համար։

2012 թվականի նոյեմբերի 16-ի որոշմամբ՝ Մարտունու քաղաքապետարանի վարչական շենքի բակային տարածքում կառուցված Արցախյան ազատամարտի մասնակիցներին և զահվածների հիշատակին նվիրված հուշարձանի բացման արարողությունը կազմակերպելու, հյուրասիրություն, սնունդ գնելու համար համայնքային բյուջեից 950 հազար դրամ գումար է դուրս գրվել։ Մեկ այլ որոշմամբ՝ նույնքան գումար փոխանցվել է մեկ այլ հուշարձանի բացման համար։

2015-ի ապրիլի 20-ին քաղաքապետարանի դիմացի այգին կանաչապատելու նպատակով ծաղիկների սերմեր գնելու համար 500 հազար դրամ է հատկացվել։ Նույն օրվա մեկ այլ որոշմամբ՝ Մարտունու եկեղեցու բակում Ցեղասպանության զոհերի հիշատակին նվիրված խաչքարի տեղադրման և եկեղեցու տարածքի բարեկարգման աշխատանքների համար 900 հազար դրամ է հատկացվել։

Ուշագրավ է, որ բյուջեից այս աննպատակ ծախսերը կատարելու որոշումները ընդունվել են ավագանու միաձայն որոշմամբ։ Դեմ արտահայտվողներ չեն եղել։

Ուշագրավ է նաև այն, որ հիմնականում համայնքային բյուջեից դուրս է գրվել 950 հազարի չափ գումար, քանի որ եթե գումարը գերազանցեր 1 միլիոն դրամը, ապա քաղաքապետը ստիպված կլիներ առաջնորդվել Գնումների մասին օրենքով, և ծառայությունները մատուցելու համար, կամ գնումներ կատարելու համար մրցույթ հայտարարեր։

Մեր զրուցակիցը նշեց, որ վերը թվարկվածը ընդամենը մի քանի դրվագ է նախկին քաղաքապետի՝ Բագրատ Հարությունյանի որոշումներից։ Այդպիսի հարյուրավոր որոշումնր կան, երբ քաղաքի բյուջեից նման ճանապարհով յուրացումներ են եղել։ Ընդ որում, մեր զրուցակցի խոսքերով, այս մոդելը լայնորեն կիրառելի է նաև այլ համայնքներում։ «Պետք է 1 միլիոնը չանցնի, բայց իրենք պատրաստ են ավագանու մեկ նիստում տասնյակ նման դուրսգրումներ անել աննպատակ։ Որտեղ ես տեսել, որ 300-400 հազարով դաշնամուր նորոգեն, կամ ծաղկի սերմ գնեն կես միլիոն դրամով։ Այս եղանակով 30-40 հազար դոլար փող է էս տարիների ընթացքում յուրացվել։ Կամ էդ որ օրվանից է ԵԿՄ-ն փողի խնդիր ունեցել։ Նրանց թանկարժեք ավտոների շարասյունն անցնում է, ապշում ես, բայց էս որոշումները կարդում ես, մտածում ես՝ ինչ մեղք են, 100-200 հազար համայնքներից փող են մուրում, որ զոհվածների ընտանիքներին նվերներ գնեն։ Սա է ամբողջ խնդիրը։ Այստեղից են ծնվում ավելի մեծ խնդիրները»,- նշեց մեր զրուցակիցը։


1in.am
 
Նմանատիպ նորություններ
Սուրենավանի բնակիչները փակել են Երևան–Մեղրի ճանապարհը` պահանջելով փոխհատուցում կարկուտի վնասների համար. Գյուղնախն ուսումնասիրում է խնդիրը
15 Մայիսի 2018 - 14:17
Սուրենավանի բնակիչները փակել են գյուղի ճանապարհը`պահանջելով փոխհատուցում երեկ մարզում տեղացած կարկուտի հետևանքով կրած վնասների համար:
Նորակերտցիները փակել են ճանապարհը. գյուղապետից պահանջում են հաշվետվություն կամ հրաժարական (Տեսանյութ, Լուսանկարներ)
15 Մայիսի 2018 - 13:43
Արմավիրի մարզի Նորակերտ համայնքի բնակիչները այսօր վաղ առավոտից փակել են գյուղ տանող ճանապարհը: Նրանց բողոքը համայնքապետ Շահեն Կարապետյանի գործելաոճի դեմ է:
Լոռու մարզում գյուղացիները, որպես նախազգուշացում, 1 ժամով փակեցին ճանապարհը (Լուսանկարներ)
14 Մայիսի 2018 - 16:57
Այսօր՝ մայիսի 14-ին, Լոռու մարզի մի քանի գյուղերի բնակիչներ կեսօրից մոտ 1 ժամ շարունակ փակել են Վանաձոր-Երևան հանրապետական նշանակության ավտոճանապարհը Լեռնապատ գյուղի վարչական տարածքում:
«Ոսկանյան, հեռացի՛ր». Բաղրամյանի դպրոցի տնօրենը չդիմացավ ճնշմանը (Տեսանյութ)
14 Մայիսի 2018 - 16:32
Այսօր առավոտից Արմավիրի մարզի Բաղրամյան գյուղի միջնակարգ դպրոցում դասադուլ էր: Աշակերտներն ու ծնողները պահանջում էին Շուշանիկ Ոսկանյանի հեռացումը տնօրենի պաշտոնից: Նրանք իրենց հետ բերել էին «Ոսկանյան, հեռացի՛ր» գրառմամբ պաստառներ:
Ժամանակը ցույց տվեց, որ ՀՀԿ ֊ ականների գործելաոճը նույնն է՝ թալան, գողություն և ժողովրդի հանդեպ թշնամանք և ատելություն. Արձագանք HayNews.am-ի հրապարակմանը
13 Մայիսի 2018 - 13:21
HayNews.am-ի մայիսի 12-ին Կարբիի գյուղապետի դարը ավարտվո՞ւմ է Սերժ Սարգսյանի հրաժարականով վերնագով հրապարակմանը ի պատասխան Արագածոտնի մարզի Կարբի համայնքից արձագանքը չուշացավ: Մեր խմբագրություն է դիմել լրագրող Արմինե Առաքելյանը, նրա պատասխան հրապարակումը ներկայացնում ենք առանց խմբագրման.
Կարբիի գյուղապետի դարը ավարտվո՞ւմ է Սերժ Սարգսյանի հրաժարականով
12 Մայիսի 2018 - 22:30
Արագածոտնի մարզի Կարբի գյուղից Haynews.am-ի խմբագրություն ահազանգ է ստացվել առ այն, որ գյուղի գյուղապետ (կամ համայնքի ղեկավար) Կարո Բաղդասարյանը, լինելով ՀՀԿ-ական, և մեծապես վայելելով Ազգային անվտանգության ծառայության Արագածոտնի մարզային վարչության աշխատակից Անդրանիկ Օհանյանի հովանավորչությունը, իր գյուղապետ ընտրվելու իսկ օրվանից ճնշում և տեռորի է ենթարկում գյուղացիներին:
Վայոց ձորի մարզի Շատին գյուղում սողանք է ակտիվացել
11 Մայիսի 2018 - 20:15
ՀՀ արտակարգ իրավիճակների նախարարության «911» ծառայությունը մայիսի 11-ին, ժամը 13:52-ին տեղեկություն է ստացել, որ Վայոց ձորի մարզի Շատին գյուղի Հոստուն թաղամասում նկատվում է սողանքային երևույթների ակտիվացում:
15,6 մլրդ դրամ՝ Դիլիջանին
11 Մայիսի 2018 - 11:50
Դիլիջանի առողջարանային համալիրի զարգացման համար Կառավարություն են ներկայացվել ներդրումային ծրագրեր, որոնց միջոցով քաղաքային լճի հարակից տարածքները կբարեկարգվեն, կձևավորվի տուրիստական նոր գոտի, քաղաքային զբոսայգին ամբողջությամբ կբարեկարգվի, կարգի կբերվի նաև մարզահամալիրը:
Կառավարության որոշմամբ` Խաչիկի միջնակարգ դպրոցից տարածք կվերցվի և կհանձնվի «Ոսկե կար» ՍՊԸ-ին
09 Մայիսի 2018 - 20:16
Մայիսի 10-ի կառավարության օրակարգում է անհատույց օգտագործման իրավունքով տարածք հանձնելու մասին որոշման նախագիծը:
1 | 2 | 3 | 4 | 5 | 6 | 7 | 8 | 9 | 10 | 30
 
Լրահոս`
 
 
 
 
 
 
 
 
 
 
 
Եղանակը Հայաստանում
Հասարակություն