Facebook   Twitter
 
Գյուղատնտեսության զարգացման հիմնադրամի հոգաբարձուների խորհուրդը հաստատել է հիմնադրամի տարեկան հաշվետվությունը

Գյուղատնտեսության զարգացման հիմնադրամի հոգաբարձուների խորհուրդը հաստատել է հիմնադրամի տարեկան հաշվետվությունը

06 Փետրվարի 2018 - 21:56
ՀՀ գյուղատնտեսության նախարարությունում տեղի է ունեցել Գյուղատնտեսության զարգացման հիմնադրամի հոգաբարձուների խորհրդի հերթական նիստը, որը վարում էր խորհրդի նախագահ, ՀՀ գյուղատնտեսության նախարար Իգնատի Առաքելյանը:
Ինչպես տեղեկացրին ՀՀ գյուղատնտեսության նախարարության հասարակայնության հետ կապերի բաժնից, նիստի սկզբում Հիմնադրամի գործադիր տնօրեն Գեղամ Գևորգյանը հանդես է եկել զեկույցով` ներկայացնելով նախորդ տարի իրականացված ծրագրերի արդյունքները: Գեղամ Գևորգյանը նշել է, որ Հիմնադրամը հաշվետու տարում սկսել է Գյուղատնտեսական տեխնիկայի կայանի հիմնման պիլոտային, Տեղական պարարտանյութի և Անասնակերի արտադրության նոր ծրագրերը: Նրա խոսքով` ակնկալվում է, որ այս տարվա գարնանացանի աշխատանքների մեկնարկին կայանն արդեն կսկսի գործել. կայանը փոքր և միջին գյուղացիական տնտեսություններին հնարավորություն կընձեռի օգտվել նորագույն գյուղտեխնիկայի ծառայություններից: Ընթացքի մեջ են տեղական օրգանական/կենսաբանական պարարտանյութերի փորձարկման աշխատանքները, նախնական արդյունքները դրական են: Փորձարկվել է տնտեսություններում հիդրոպոնիկ եղանակով աճեցվող կանաչ կերի արտադրության հնարավորությունը:

Անդրադարձ է կատարվել նաև «Համայնքների գյուղատնտեսական ռեսուրսների կառավարման և մրցունակության» երկրորդ (CARMAC II), Գյուղատնտեսական քաղաքականության մոնիտորինգի և գնահատման կարողությունների զարգացման դրամաշնորհային, Ոռոգվող գյուղատնտեսության զարգացումը ՀՀ Արարատի և Արմավիրի մարզերում ծրագրերին, ներկայացվել են մատուցված գյուղական խորհրդատվական ծառայությունների ամփոփ ցուցանիշները: Համաձայն հաշվետվության` «Համայնքների գյուղատնտեսական ռեսուրսների կառավարման և մրցունակության» երկրորդ ծրագրի շրջանակում 2017 թվականին 10 համայնքում ավարտվել են, իսկ 8 համայնքում իրականացվում են արոտների ջրարբիացման շինարարական աշխատանքներ, 12 համայնքի արոտօգտագործողների միավորում- սպառողական կոոպերատիվներին տրամադրվել է 41 միավոր գյուղտեխնիկա և այլն:

Հիմնադրամի կողմից կազմակերպվել է Գյուղատնտեսական քաղաքականության մոնիտորինգի և գնահատման կարողությունների զարգացման դրամաշնորհային ծրագրի համաձայնագրի պայմանների քննարկման, ինչպես նաև դրա ստորագրման գործընթացը։ Մշակվել է գործողությունների ծրագիր, իրականացվել են նախնական հետազոտություններ, կարիքների գնահատում և այլն:

Ֆրանսիական զարգացման գործակալության ներկայացուցիչների հետ կազմակերպվել են քննարկումներ «Ոռոգվող գյուղատնտեսության զարգացումը ՀՀ Արարատի և Արմավիրի մարզերում» ծրագրի իրագործման շուրջ, հստակեցվել է ծրագրի թիրախն ու աջակցության տրամադրման հիմնական ուղղությունները: Հիմնադրամը մասնակցել է նաև Համաձայնագրի տեքստի մշակմանը, որը շուտով պաշտոնապես կներկայացվի հայկական կողմին՝ ստորագրման։ Ծրագրի շրջանակում կտրամադրվի 10 մլն եվրո:

«Գյուղական խորհրդատվական ծառայություններ» ծրագրի շրջանակում կազմակերպվել է խմբային 37 դասընթաց, որին մասնակցել է 685 ֆերմեր, իրականացվել է 220 ծրագրային դասընթաց, որոնց մասնակցել է 5562 ֆիզիկական և իրավաբանական անձ, այդ թվում` կոոպերատիվներ, հավաստագրվել են 5326-ը, նկարահանվել է խորհրդատվական բնույթի 20 տեսանյութ և այլն:

Քննարկումների արդյունքում` Խորհուրդը միաձայն հավանության է արժանացրել Գյուղատնտեսության զարգացման հիմնադրամի 2017 թվականի գործունեության տարեկան հաշվետվության մասին զեկույցը, ինչպես նաև օրակարգում ընդգրկված 2018 թվականի բյուջեն և հաստիքացուցակը հաստատելու վերաբերյալ հարցերը:

HayNews.am
 
Նմանատիպ նորություններ
Լեմպարդ. Մեսսիին կանգնեցնելու բանալին Կանտեն է
20 Փետրվարի 2018 - 21:53
Լոնդոնի «Չելսիի» նախկին կիսապաշտպան Ֆրենկ Լեմպարդն ասել է, թե ինչպես «թոշակառուները» պետք է կանգնեցնեն «Բարսելոնայի» առաջատար Լիոնել Մեսսիին.
Մեկ օրում գրանցված մարմնական վնասվածք հասցնելու 4 դեպքերն էլ բացահայտվել են
20 Փետրվարի 2018 - 21:51
Ըստ ոստիկանության օպերատիվ հաղորդագրությունների ամփոփագրերի` փետրվարի 19-ից 20-ը հանրապետությունում արձանագրված մարմնական վնասվածք հասցնելու 4 դեպքերն էլ բացահայտվել են։
Շիրակը հաղթել է նվազագույն հաշվով
20 Փետրվարի 2018 - 21:49
«Շիրակն» անցկացրեց վերջին ընկերական հանդինումը Բելեկում: Հայտնում է ակումբի մամուլի ծառայությունը:
Գյումրի ԲԿ-ում ծեծկռտուքի գործ. Բժիշկներին խիստ նկատողություն են հայտարարել
20 Փետրվարի 2018 - 21:48
Քիչ առաջ ավարտվեց Գյումրի բժշկական կենտրոնի էթիկայի հանձնաժողովի նիստը, որի օրակարգում փետրվարի 17-ին բուժհաստատությունում տեղի ունեցած միջադեպի հանգամանքները քննելն ու մասնակից 6 բուժաշխատողների պահվածքին գնահատական հնչեցնելն էր։
Մալդիվների խորհրդարանը հավանություն է տվել 30 օրով արտակարգ դրության երկարաձգմանը
20 Փետրվարի 2018 - 21:46
Մալդիվների խորհրդարանը հավանություն է տվել 30 օրով արտակարգ դրության երկարաձգմանը, որի մասին նախագահը հայտարարել էր իր իշխանության ամրապնդման համար այն ժամանակ, երբ Գերագույն դատարանը հանձնարարել էր քաղբանտարկյալների ազատ արձակելու մասին, հաղորդում է AP-ն:
Հայ մարզիկները՝ Թուրքիայի աթլետիկայի ֆեդերացիայի գավաթի խաղարկությունում
20 Փետրվարի 2018 - 21:45
Աթլետիկայի Հայաստանի հավաքականի անդամները Ստամբուլում մասնակցել են Թուրքիայի աթլետիկայի ֆեդերացիայի գավաթի խաղարկության: Մեդալ նվաճել չի հաջողվել, հաղորդում է ՀԱՕԿ լրատվականը:
Այս ըմպելիքը բուժում է միգրենը, ոսկրային և հոդային խնդիրները, մկանային խնդիրներ, սիրտը
20 Փետրվարի 2018 - 21:31
Կոճապղպեղը հայտնի է իր բուժիչ հատկություններով և դարերով օգտագործվել է չինական, հնդկական և մերձավորարևելյան մշակույթներում։
ԶԳՈՒՇԱՑՈՒՄ. Ամսվա մեջ 10 հատ նրբերշիկ ուտելը հանգեցնում է մանկական լեյկիմիայի
20 Փետրվարի 2018 - 21:26
Ամերիկացի բժիշկներն անհանգիստ են, նրանք զգուշացնում են՝ դադարեք երեխաներին նրբերշիկ տալ։ Նրբերշիկը շատ տարածված սննդատեսակ է։
Կայացել է Հայաստանի ծանրամարտի կանանց առաջնությունը
20 Փետրվարի 2018 - 21:21
Փետրվարի 20-ից մինչև 26-ն ընթանում է Հայաստանի ծանրամարտի առաջնությունը:
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 9973
 
Լրահոս`
 
 
 
 
 
 
 
 
 
 
 
 
 
 
 
 
 
 
Օրվա խորհուրդը
Հասարակություն