Facebook   Twitter
 
Լեհաստանի դեսպանը հավատարմագրերն է հանձնել Սերժ Սարգսյանին

Լեհաստանի դեսպանը հավատարմագրերն է հանձնել Սերժ Սարգսյանին

08 Փետրվարի 2018 - 15:38
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Լեհաստանի Հանրապետության արտակարգ եւ լիազոր դեսպան Պավել Չեպլակը:
Հանրապետության Նախագահը շնորհավորել է դեսպանին պաշտոնը ստանձնելու կապակցությամբ եւ մաղթել հաջողություններ՝ հույս հայտնելով, որ դիվանագիտական գործունեության մեջ իր մեծ փորձով եւ ակտիվ գործունեությամբ նա կնպաստի հայ-լեհական հարաբերությունների ամրապնդմանն ու համագործակցության օրակարգի ընդլայնմանը: Սերժ Սարգսյանը գոհունակությամբ է նշել, որ Հայաստանի ու Լեհաստանի միջեւ հարաբերությունները մշտապես եղել են կառուցողական եւ ջերմ:

Ընդգծելով, որ անցած տարի երկու երկրները նշեցին դիվանագիտական հարաբերությունների հաստատման 25-ամյակը, ինչպես նաեւ Լեհաստանում հայ համայնքի կազմավորման 650-ամյակը, Նախագահը երախտագիտություն է հայտնել լեհ ժողովրդին՝ հայ ժողովրդի մի հատվածի հանդեպ մինչ այժմ ցուցաբերվող բարեկամական եւ ջերմ վերաբերմունքի համար:

Լեհաստանի դեսպանը շնորհակալություն է հայտնել Նախագահին ընդունելության համար եւ պաշտոնավարման շրջանում իր առաջնահերթ խնդիրը համարել մեծ ներուժ ունեցող հայ-լեհական տնտեսական կապերի խորացման, երկու երկրների միջեւ ապրանքաշրջանառության ծավալների աճի ուղղությամբ հետեւողական աշխատանքը:

Նախագահ Սարգսյանը եւ դեսպան Չեպլակը քաղաքական, տնտեսական, հումանիտար ոլորտներում երկկողմ հարաբերությունների զարգացման հնարավորություններից բացի, քննարկել են բազմակողմ ձեւաչափով՝ միջազգային կառույցներում փոխգործակցությանը վերաբերող հարցեր:

Անդրադարձ է եղել նաեւ ՀՀ-ԵՄ Համապարփակ եւ ընդլայնված գործընկերության համաձայնագրի ստորագրումից հետո այդ փաստաթղթի շրջանակներում հայ-լեհական համագործակցության զարգացմանը:

Զրուցակիցները միջպետական հարաբերությունների ամրապնդման տեսանկյունից մեծապես կարեւորել են միջխորհրդարանական երկխոսության ակտիվացումը:

Հանդիպմանը Հանրապետության Նախագահը եւ Լեհաստանի դեսպանը մտքեր են փոխանակել ԼՂ հիմնախնդրի խաղաղ կարգավորման բանակցային գործընթացի շուրջ:

HayNews.am
 
Նմանատիպ նորություններ
Արմեն Սարգսյանն այցելել է Մխիթարյան միաբանություն
24 Փետրվարի 2018 - 19:25
ՀՀ նախագահի թեկնածու, Մեծ Բրիտանիայում ՀՀ արտակարգ և լիազոր դեսպան Արմեն Սարգսյանը փետրվարի 21-ին այցելել է Վիեննայի Մխիթարյան միաբանություն:
Արմեն Մարտիրոսյանն ընտրվել է «Ժառանգություն» կուսակցության վարչության նախագահ
24 Փետրվարի 2018 - 18:13
«Ժառանգություն» կուսակցության լրատվական ծառայությունից հայտնում են, որ փետրվարի 24-ին, Արցախյան ազատագրական շարժման 30-ամյակի կապակցությամբ «Ժառանգություն» կուսակցության վարչությունը համապետական իր քաղաքական խորհրդի հետ մեկտեղ նիստ անցկացրեց մայրաքաղաքում գտնվող՝ «Ժառանգության» կենտրոնական գրասենյակում:
Այսօր ունենք չքավոր, կռացած, հայրենիքից հույսն ու հավատը կտրած հասարակություն. Արթուր Բաղդասարյան
24 Փետրվարի 2018 - 17:48
Ընտրությունները չպետք է վերածվեն աճուրդի, այսօր «Օրինաց երկիր» կուսակցության 15-րդ արտահերթ համագումարին ասաց կուսակցության նախագահ ընտրված Արթուր Բաղդասարյանը:
Արմեն Սարգսյանը Լիբանանում կհանդիպի Արամ Ա կաթողիկոսի հետ
24 Փետրվարի 2018 - 17:28
Հայաստանի հանրապետական կուսակցության կողմից ՀՀ նախագահի թեկնածու առաջադրված Արմեն Սարգսյանը փետրվարի 24-ին ժամանել է Լիբանան: Այս մասին հայտնում է Մեծի Տանն Կիլիկիո կաթողիկոսարանի տեղեկատվական բաժանմունքի վարիչ Պետրոս Մանուելյանը:
Նախագահ Սերժ Սարգսյանը շնորհավորական ուղերձ է հղել Էստոնիայի նախագահ Կերստի Կալյուլայդին
24 Փետրվարի 2018 - 17:25
Նախագահ Սերժ Սարգսյանն այսօր շնորհավորական ուղերձ է հղել Էստոնիայի Հանրապետության նախագահ Կերստի Կալյուլայդին երկրի Ազգային տոնի` անկախության 100-րդ տարեդարձի կապակցությամբ։
Վրաստանի ՆԳ նախարարի գլխավորած պատվիրակությունը Մայր Աթոռում ծանոթացավ թանգարանի բազմադարյա ցուցանմուշներին
24 Փետրվարի 2018 - 17:20
Փետրվարի 24-ին Վրաստանի ներքին գործերի նախարարության պատվիրակությունն այցելեց Էջմիածին:
Թուրքիայի արձագանքը սպասելի էր. Նիդեռլանդների ԱԳ նախարար
24 Փետրվարի 2018 - 17:18
Նիդեռլանդների խորհրդարանի կողմից Հայոց ցեղասպանության ճանաչման որոշմանը հետեւած Թուրքիայի կառավարության արձագանքը կանխատեսելի էր։ Այս մասին հայտարարել է Նիդեռլանդների արտաքին գործերի նախարար Սիդրիդ Կաագը։
Բակո Սահակյանն ու Վիգեն Սարգսյանը քննարկել են բանակաշինությանը վերաբերող հարցեր
24 Փետրվարի 2018 - 15:24
Արցախի Հանրապետության նախագահ Բակո Սահակյանը փետրվարի 24-ին ընդունել է Հայաստանի Հանրապետության պաշտպանության նախարար Վիգեն Սարգսյանին:
Սերժ Սարգսյանն ընդունել է Վրաստանի փոխվարչապետ, ՆԳ նախարար Գիորգի Գախարիային
24 Փետրվարի 2018 - 13:24
Նախագահ Սերժ Սարգսյանն այսօր ընդունել է Վրաստանի փոխվարչապետ, ներքին գործերի նախարար Գիորգի Գախարիային:
1 | 2 | 3 | 4 | 5 | 6 | 7 | 8 | 3774
 
Լրահոս`