Facebook   Twitter
 
Սահմանադրությունը սահմանում է ընդամենը կառավարության կառուցվածքը. Ա. Սաղաթելյանը՝ 1-ին փոխվարչապետի պաշտոնի իրավական վիճաբանության մասին

Սահմանադրությունը սահմանում է ընդամենը կառավարության կառուցվածքը. Ա. Սաղաթելյանը՝ 1-ին փոխվարչապետի պաշտոնի իրավական վիճաբանության մասին

08 Փետրվարի 2018 - 18:44
«Անվտանգության խորհրդի կազմավորման և գործունեության մասին» օրենքի նախագծի քննարկմանը ելույթով հանդես եկավ ՀՀԿ պատգամավոր Արման Սաղաթելյանը:
Անդրադառնալով առաջին փոխվարչապետի պաշտոնի իրավական վիճաբանությանը, թե Սահմանադրությունը փոխվարչապետի պաշտոն չի նախատեսում՝ նա նշեց, թե տրամաբանության տեսանկյունից Սահմանադրությունը սահմանում է ընդամենը կառավարության կառուցվածքը, իսկ կազմակերպչական բնույթի հարցերը կամ որակումները տարբեր են:

«Երբ որ, օրինակ, տուն ենք կառուցում, նախագծում նշում ենք երկու հյուրասենյակ, հասկանալի է, որ եթե ուզենք երրորդ հարկից բացի չորրորդը կառուցել, կասեն՝ նախագծում նման բան չես բերել, բայց թե առաջին հյուրասենյակը որն է, երկրորդը որն է՝ պլանի հաստատման քննարկման առարկա չէ, դա տան տիրոջ որոշելիքն է, հյուրերին որտեղ է ընդունում՝ առաջինում, թե երկրորդում»,-ասաց նա:

Արման Սաղաթելյանն անդրադարձավ նաև նախարարի և վարչապետի ԱԽ կազմում լինելու վիճաբանությանը: «Սա կարող է ունենալ քաղաքական հետևանքներ, բայց ոչ իրավական, որովհետև փաստաթուղթը հաստատվելու է այդ մարդկանց կողմից, հակառակ դեպքում՝ պաշտպանության նախարարը ստիպված է լինելու հրաժարական տալ»:

Այնուհետև նա անդրադարձավ «Ելք» խմբակցության պատգամավոր Արամ Սարգսյանի ելույթին, որում նա նշեց, թե օրենքի նախագծին ծանոթանալով՝ հիշեց իր եղբոր վերջին հոդվածներից մեկը՝ «Հայի վերջին խելքը» և նշեց, որ այդ խորհրդարանում սպանվել են ԱԺ նախագահ ու վարչապետ. այդ ժամանակ էլ Անվտանգության խորհրդի նիստեր են անցկացվել, որը ղեկավարել է երկրի նախագահը, և բավական լուրջ խնդիրներ են այնտեղ քննարկվել»: Արման Սաղաթելյանն Արամ Սարգյանին ի պատասխան ասաց.«Իմ ամբողջ հարգանքի հետ մեկտեղ, պարո՛ն Սարգսյան, լուսահոգի Վազգեն Սարգսյանը ղեկավարում էր հանձնաժողովը նախագահական երկրում, երբ նախագահն էր գործադիր իշխանության գլուխը: Տվյալ պարագայում այդ պատկերը չունենք, հիմա այլ իրավիճակ է: Այն, որ խորհրդարանական համակարգում մոտեցումները իներցիայով փորձում ենք ընկալել՝ տեղին չէ, որովհետև մենք հաճախ խառնում ենք ռազմավարությունները, քաղաքականությունը, ուղղությունները և մնացած ամենը»,-եզրափակեց նա:

tert.am
 
Նմանատիպ նորություններ
Ջասթին Բիբերը հրապարակել է կնոջ լուսանկարները
18 Նոյեմբերի 2018 - 14:30
Կանադացի երգիչ Ջասթին Բիբերը հաստատեց, որ ամուսնացել է ամերիկացի մոդելի՝ Հեյլի Բոլդուինի հետ:
Տեխասում կործանվել է Երկրորդ աշխարհամարտի տարիների կործանիչ ինքնաթիռը
18 Նոյեմբերի 2018 - 14:28
Տեխասում կործանվել է Երկրորդ աշխարհամարտի տարիների կործանիչ ինքնաթիռը։ AP-ն հայտնում է, որ ինքնաթիռը մխրճվել է Ֆրեդերիկսբուրգում բնակարանային համալիրի ավտակայանատեղիի մեջ։ Ինքնաթիռի ընկնելու հետեւանքով մի քանի ավտոմեքենա է վնասվել։
Նախագահ Սարգսյանը իտալական ռազմաարդյունաբերական ընկերության ղեկավարի հետ քննարկել է գործակցության ուղիներ
18 Նոյեմբերի 2018 - 13:43
Աշխատանքային այցով Իտալիայում գտնվող Հայաստանի նախագահ Արմեն Սարգսյանը նոյեմբերի 16-ին աշխատանքային հանդիպում է ունեցել ռազմաարդյունաբերական ոլորտում առաջատարներից մեկի՝ իտալական «Լեոնարդո» ընկերության գլխավոր գործադիր տնօրեն Ալեսանդրո Պրոֆումոյի հետ:
Միջպետական և հանրապետական նշանակության բոլոր ավտոճանապարհները բաց են
18 Նոյեմբերի 2018 - 13:22
Հայաստանի տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ նոյեմբերի 18-ին՝ ժամը 10:00-ի դրությամբ, հանրապետության միջպետական և հանրապետական նշանակության ավտոճանապարհներին առանց տեղումների եղանակ է: ՀՀ միջպետական և հանրապետական նշանակության բոլոր ավտոճանապարհները բաց են:
Մեղրի-Ագարակ ավտոճանապարհին ՃՏՊ է տեղի ունեցել
18 Նոյեմբերի 2018 - 12:17
Նոյեմբերի 17-ին, ժամը 22:21-ին «911» ծառայությանն ահազանգ է ստացվել, որ Մեղրի-Ագարակ ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:
Եղանակը Հանրապետությունում
18 Նոյեմբերի 2018 - 12:03
Նոյեմբերի 17-ի և 22-ի ցերեկն առանձին շրջաններում սպասվում են տեղումներ: Նոյեմբերի 18-21-ը սպասվում է առանց տեղումների եղանակ:
Հոսանքազրկում՝ Երեւանում եւ մարզերում
18 Նոյեմբերի 2018 - 11:46
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ս/թ նոյեմբերի 19-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն`
Ադրբեջանում գերեվարված Կարեն Ղազարյանի հարազատները բողոքի ակցիա են իրականացնում
18 Նոյեմբերի 2018 - 11:37
Ադրբեջանում գերեվարված Կարեն Ղազարյանի հարազատները Տավուշի մարզի Բերդավան գյուղում արդեն երկրորդ օրն է՝ բողոքի ակցիա են անցկացնում. նրանք ցանկանում են կրկին միջպետական ճանապարհ փակել. նրանք պահանջում են իրենց հարցին լուծում տալ՝ հայրենիք վերադարձնել գերեվարվածին։
1 | 2 | 3 | 4 | 5 | 6 | 7 | 8 | 15698
 
Լրահոս`