Facebook   Twitter
 
Սերժ Սարգսյանն այսօր այցելել է Խ. Աբովյանի անվան հայկական պետական մանկավարժական համալսարան

Սերժ Սարգսյանն այսօր այցելել է Խ. Աբովյանի անվան հայկական պետական մանկավարժական համալսարան

09 Փետրվարի 2018 - 13:32
Նախագահ Սերժ Սարգսյանն այսօր այցելել է Խ. Աբովյանի անվան հայկական պետական մանկավարժական համալսարան` մասնակցել բուհի հիմնադրման 95-ամյակի կապակցությամբ կազմակերպված հոբելյանական միջոցառմանը:
Կրթության և գիտության բնագավառներում ունեցած վաստակի, ինչպես նաև բարեխիղճ և արդյունավետ աշխատանքի համար Հանրապետության Նախագահը համալսարանի մի խումբ աշխատակիցների բուհի հոբելյանի առթիվ պետական բարձր պարգևներ է հանձնել, շնորհել նաև վաստակավոր մանկավարժի կոչում:

Նախագահը շնորհավորել է ՀՊՄՀ պրոֆեսորադասախոսական կազմին, ուսանողներին, շրջանավարտներին, ինչպես նաև բուհի ղեկավարությանը համալսարանի հիմնադրման 95-րդ տարեդարձի կապակցությամբ՝ մաղթելով նորանոր ձեռքբերումներ և բեղմնավոր աշխատանք: Իր շնորհավորական խոսքում Նախագահ Սարգսյանը ևս մեկ անգամ ընդգծել է այն կարևոր դերը, որ ունի մանկավարժական կրթական հաստատությունը յուրաքանչյուր երկրի կյանքում:

«Մեկ անգամ ևս ցանկանում եմ սրտանց շնորհավորել այն մարդկանց, ովքեր այժմ պարգևատրվեցին մեր հայրենիքի բարձր պարգևներով: Իհարկե, պարգևները հանձնվեցին իրենց օրինական տերերին, բայց համոզված եղեք, որ սա գնահատական է նաև ամբողջ կոլեկտիվին: Ես խորապես համոզված եմ, որ դուք ամեն ինչ անելու եք, որպեսզի Խաչատուր Աբովյանի անվան հայկական պետական մանկավարժական համալսարանի հիմնադրման 100-րդ տարեդարձը բոլորս դիմավորենք շատ մեծ ձեռքբերումներով: Հավատացեք, իրոք, ձեր աշխատանքը չափազանց կարևոր է, և այդ աշխատանքը գնալով է՛լ ավելի մեծ կարևորություն է ստանում ժամանակակից աշխարհում:

Կրկին սրտանց շնորհավորում եմ բոլորիդ համալսարանի 95-րդ տարեդարձի կապակցությամբ: Եվ քանի որ յուրաքանչյուր հոբելյան, յուրաքանչյուր տարեդարձ նոր սկիզբ է առաջիկա ձեռքբերումների համար, բոլորիդ մաղթում եմ բեղմնավոր աշխատանք»,-ասել է Հանրապետության Նախագահը:

Նախագահը այցելել է համալսարանի թանգարան, որտեղ արխիվային նյութերի միջոցով ներկայացված է բուհի ստեղծման պատմությունը, ինչպես նաև համալսարանի ներկայիս գործունեությունը:

Սերժ Սարգսյանը Երևանի քաղաքապետի, կրթության և գիտության նախարարի, բուհի ռեկտորի, ՖԻԴԵ-ի նախագահի և Հայաստանի շախմատի ֆեդերացիայի ներկայացուցիչների ուղեկցությամբ շրջել է հանրապետությունում շախմատի ուսուցիչներ պատրաստող միակ ուսումնական հաստատության՝ մանկավարժական համալսարանի «Շախմատ» գիտահետազոտական նորաբաց ինստիտուտում, ծանոթացել ինստիտուտի գործունեության համար ստեղծված պայմաններին և ծրագրերին: Ինստիտուտը գործում է ՀՊՄՀ կազմում՝ որպես առանձին ստորաբաժանում: Գիտահետազոտական այս հաստատության կազմում ներգրավված են գիտության տարբեր բնագավառների առաջատար մասնագետներ, ովքեր հետազոտություններ են իրականացնելու շախմատի հոգեբանական, սոցիոլոգիական, կրթական և այլ հիմնախնդիրների շուրջ:

«Որպես Հայաստանի շախմատի ֆեդերացիայի նախագահ, ուրախ եմ և շնորհակալ, որ դուք հատուկ ուշադրություն եք դարձնում շախմատին և միշտ հանդես եք գալիս նոր նախաձեռնություններով: Եվ պատահական չէ, որ այսօր մեզ հետ է մեր բարեկամ ՖԻԴԵ-ի նախագահ Կիրսան Իլյումժինովը, բոլորովին պատահական չէ, որ մեր փորձը հետաքրքրություն է ներկայացնում այլ երկրների համար, իսկ սա առնվազն նշանակում է, որ մենք ճիշտ ճանապարհ ենք բռնել: Ուզում եմ հավատալ, որ սա լինելու է շարունակական»,- Շախմատ» գիտահետազոտական նորաբաց ինստիտուտ այցի կապակցությամբ ասել է Նախագահ Սերժ Սարգսյանը:


HayNews.am
 
Նմանատիպ նորություններ
ՃՏՊ Երևան–Սևան ավտոճանապարհին. տուժածներից մեկի վիճակը ծանր է
19 Օգոստոսի 2018 - 10:13
Օգոստոսի 18-ին՝ ժամը 21:37-ին, «911» ծառայությանն ահազանգ է ստացվել, որ Երևան-Սևան ավտոճանապարհի 34-րդ կմ-ին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Մուրացան և Ռոստովյան փողոցների խաչմերուկում ավտովթար է տեղի ունեցել. կան տուժածներ
19 Օգոստոսի 2018 - 10:11
Օգոստոսի 18-ին՝ ժամը 17:46-ին, «911» ծառայությանն ահազանգ է ստացվել, որ Երևան քաղաքի Մուրացան և Ռոստովյան փողոցների խաչմերուկում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Facebook-ը, WhatsApp-ը եւ Instagram-ը կթուլացնեն նամակագրությունների եւ զանգերի ծածկագրումը
19 Օգոստոսի 2018 - 09:41
ԱՄՆ իշխանությունները Facebook սոցիալական ցանցի ղեկավարությանը խնդրում են թուլացնել ծածկագրումը, որպեսզի հատուկ ծառայությունները ցանկացած պահի կարողանան միանալ ցանկացած օգտագործողին եւ ծանոթանալ նրա նամակագրությանը, գրում է Astera-ն:
Այսօր Լուսանկարի համաշխարհային օրն է
19 Օգոստոսի 2018 - 09:40
Լուսանկարի համաշխարհային օրը տոնվում է ամեն տարի օգոստոսի 19-ին: Այն հիմնադրվել է 2009 թվականին ավստրալացի լուսանկարիչ Կորսկե Արայի նախաձեռնությամբ:
Եգիպտոսը կիբեր հանցագործության դեմ պայքարի մասին օրենք է ընդունել
18 Օգոստոսի 2018 - 23:57
Եգիպտոսի նախագահ Աբդել-Ֆաթթահ ալ Սիսսին վավերացրել է կիբեր հանցագործության դեմ պայքարի մասին օրենքը, որը, ըստ իրավապաշտպանների, ճանապարհ է բացում առցանց լրատվամիջոցների գրաքննության համար, հաղորդում է AP-ն:
Ռիհանան սիրավեպ է սկսել հայտնի դերասանի հետ
18 Օգոստոսի 2018 - 23:50
30-ամյա փոփ երգչուհու սիրտը մի քանի ամիս ազատ է մնացել: Հայտնի սևահերը, երևում է, այժմ կարգավորել է անձնական կյանքը՝ գրում է life.ru-ն:
Անկողնային սպիտակեղենը սնկերի եւ մանրէների բազմացման օջախ կարող է դառնալ. փորձագետ
18 Օգոստոսի 2018 - 23:47
Անկողնու սպիտակեղենը հարկավոր է լվանալ շաբաթական մեկ անգամից ոչ ուշ, հակառակ դեպքում՝ այն կարող է սնկերի եւ մանրէների օջախ դառնալ: Այս մասին հաղորդում է Նյու Յորքի համալսարանից բժիշկ Ֆիլիպ Տիերնոն:
Ֆոտոշարք՝ մինիբիկինիով, Rolls-Royce՝ 250 հազար դոլարով եւ զբոսանքներ. Քիմ Քարդաշյանը զվարճանում է Մայամիում
18 Օգոստոսի 2018 - 23:45
Ֆոտոշարք՝ մինիբիկինիով, Rolls-Royce՝ 250 հազար դոլարով եւ զբոսանքներ. Քիմ Քարդաշյանը զվարճանում է Մայամիում
Սոֆի Մխեյանը՝ կարճ կիսատաբատով
18 Օգոստոսի 2018 - 23:40
Երգչուհի Սոֆի Մխեյանը հաճախ է Instagram-ի հետեւորդ-երկրպագուներին ուրախացնում նոր, գայթակղիչ լուսանկարներով, որոնք վերջերս ներկայացնում են նրա ծովափնյա հանգիստը:
1 | 2 | 3 | 4 | 5 | 6 | 7 | 8 | 14395
 
Լրահոս`