Facebook   Twitter
 
Ֆունդամենտալ ռեֆորմներ իրականացնելու ժամանակն է. Վարչապետը՝ USAID-ի հետ քննարկմանը

Ֆունդամենտալ ռեֆորմներ իրականացնելու ժամանակն է. Վարչապետը՝ USAID-ի հետ քննարկմանը

09 Փետրվարի 2018 - 13:52
Վարչապետ Կարեն Կարապետյանի գլխավորությամբ այսօր՝ փետրվարի 9-ին, տեղի է ունեցել ՀՀ կառավարություն-ԱՄՆ ՄԶԳ համագործակցությանը նվիրված շնորհանդես-քննարկում՝ Հայաստանում ԱՄՆ դեսպան Ռիչարդ Միլսի, ԱՄՆ Միջազգային զարգացման գործակալության (USAID) հայաստանյան առաքելության տնօրեն Դեբորա Գրիսերի, ԱՄՆ ՄԶԳ աշխատակազմի եւ պետական մի շարք գերատեսչությունների ղեկավարների մասնակցությամբ:
Վարչապետ Կարեն Կարապետյանը կարեւորել է ԱՄՆ ՄԶԳ հետ 1992 թ. ի վեր ծավալված համագործակցությունը եւ նշել, որ այսօրվա շնորհանդեսը լավ առիթ է քննարկելու ու մտքեր փոխանակելու, թե որտեղ ենք գտնվում եւ ինչպես ենք ուզում շարժվել առաջ:

Հայաստանում ԱՄՆ դեսպանը նշել է, որ ԱՄՆ կառավարության կողմից Հայաստանին ցուցաբերվող աջակցության 70 տոկոսն իրականացվում է ԱՄՆ ՄԶԳ ծրագրերի եւ մեխանիզմների միջոցով: Ռիչարդ Միլսի խոսքով՝ ներկայում USAID-ն Հայաստանում իրականացնում է 30-ից ավելի ծրագիր, որոնց շրջանակում օժանդակություն է ցուցաբերվում ՀՀ կառավարության կողմից առաջնահերթ համարվող ոլորտների բարեփոխումներին՝ տնտեսություն, կառավարում, դատական համակարգ, կոռուպցիայի դեմ պայքար եւ այլն:

ԱՄՆ ՄԶԳ հայաստանյան առաքելության տնօրեն Դեբորա Գրիսերը ներկայացրել է իրականացվող ծրագրերի ցանկը եւ հիմնական արդյունքները՝ նշելով, որ USAID-ի հիմնական նպատակներն են սատարել Հայաստանում տնտեսական աճի ապահովմանը (նպաստավոր միջավայր առեւտրի եւ ներդրումների համար ու թիրախային ոլորտների մրցունակության բարձրացում) եւ ժողովրդավարության զարգացմանն ու կառավարման բարելավմանը (քաղաքացիական ավելի մեծ մասնակցություն ու վերահսկողություն բարեփոխումներում եւ քաղաքականության մշակման ու իրականացման առավել բաց մոտեցումներ): Տնտեսական աճի ապահովմանն ուղղված ծրագրերը հիմնականում իրականացվում են էներգետիկայի, գյուղի զարգացման, տեղեկատվական տեխնոլոգիաների, ջրային ռեսուրսների բնագավառներում, իսկ ժողովրդավարության եւ կառավարման ոլորտում համատեղ աշխատանքները միտված են վարչատարածքային, երեխաների պաշտպանության, քաղաքացիական հասարակության, մարդու իրավունքների, կոռուպցիայի դեմ պայքարի եւ հումանիտար ոլորտներում ծրագրերի իրականացմանը: Դեբորա Գրիսերը շնորհակալություն է հայտնել ՀՀ վարչապետին՝ արդյունավետ համագործակցության համար եւ ընդգծել, որ ԱՄՆ ՄԶԳ-ն պատրաստ է Հայաստանի կառավարության հետ համատեղ քննարկել հետագա գործընկերության ուղղությունները՝ իր մոտեցումները համապատասխանեցնելով մեր երկրի զարգացման առաջնահերթությունների հետ:

ԱՄՆ ՄԶԳ-ի հետ համատեղ ծրագրեր իրականացնող շահագրգիռ գերատեսչությունների ղեկավարները շնորհակալություն են հայտնել տարիների ընթացքում հաջող գործակցության համար՝ ներկայացնելով արձանագրված ձեռքբերումները, ինչպես նաեւ պատկերացումները հետագա փոխգործակցության վերաբերյալ:

Ամփոփելով մտքերի փոխանակումը՝ կառավարության ղեկավարը նույնպես շնորհակալություն է հայտնել ԱՄՆ գործընկերներին տպավորիչ համագործակցության համար, որի արդյունքում արձանագրվել են շոշափելի արդյունքներ: Կարեն Կարապետյանն ընդգծել է, որ Հայաստանը գտնվում է կարեւոր բարեփոխումների փուլում, եւ ԱՄՆ ՄԶԳ հետ գործակցության խորացումը մեծ նշանակություն ունի: «Մենք ունենք բաց գործընկերային հարաբերություններ՝ եւ´ Հայաստանում ԱՄՆ դեսպանատան, եւ´ USAID-ի հետ:

Մենք չափազանց շահագրգռված ենք այդ համագործակցության մեջ: Առաջնահերթությունները շատ են՝ հակակոռուպցիոն քաղաքականություն, սնանկացում, դատական համակարգ, ոռոգման համակարգի ռեֆորմ, առողջապահության ապահովագրում, տեսչական մարմիններին տեխնիկական եւ ինստիտուցիոնալ աջակցություն, թվային օրակարգ, գյուղատնտեսություն, տարածքային կառավարում, ռեգիոնալ եւ կենտրոնական մարմինների իրավունքների բալանսավորում, հարկային, մաքսային վարչարարություն, սոցիալական հասցեականություն, վարչական ռեգիստր եւ բազմաթիվ այլ խնդիրներ, որոնք լուծման անհրաժեշտություն ունեն: Չի գալու մի պահ, որ մենք օրակարգում խնդիր չունենանք, բայց հիմա հետաքրքիր, ֆունդամենտալ ռեֆորմներ իրականացնելու ժամանակն է», - նշել է ՀՀ վարչապետը:


HayNews.am
 
Նմանատիպ նորություններ
Մակակների մարդանման կռիվը (Լուսանկարներ)
27 Մայիսի 2018 - 11:27
Դեւիդը նշել է, որ ավելի մեծահասակ կապիկները սիրում են լողավազանում հանգստանալ, իսկ երիտասարդները կռվելու նպատակով հարձակվում են նրանց վրա, հաղորդում է «Մոյա պլանետան»:
Վրաստանի վարչապետը հուսով է, որ երկիրը ՆԱՏՕ-ին կանդամակցի 2021 թվականին
27 Մայիսի 2018 - 11:11
Վրաստանի իշխանությունները առաջին անգամ անվանել են երկրի՝ ՆԱՏՕ-ին անդամակցելու ենթադրյալ ժամկետները:
Վեյպի ամենավտանգավոր համը՝ ըստ գիտնականների
27 Մայիսի 2018 - 11:05
Համային քիմիկատները, որոնք օգտագործվոււմ են վեյպի ջրիկ խյուսը պատրաստելու համար, կարող են լուրջ վնաս հասցնել առողջությանը: Այս մասին նախազգուշացնում են ամերիկացի հետազոտողները:
Սնոուդենը՝ Պուտինի հանդեպ Թրամփի սիրո մասին
27 Մայիսի 2018 - 10:59
ԿՀՎ և ԱԱԳ նախկին աշխատակից Էդվարդ Սնոուդենը կարծիք է հայտնել, որ Ռուսաստանի նախագահին ոչ ոք չի սիրում այնպես, ինչպես ԱՄՆ նախագահ Դոնալդ Թրամփը: Նախկին գործակալի խոսքերը մեջբերում է Huffington Post-ը:
Լոռիում վթարի են ենթարկվել Տաշիրի ոստիկանության ծառայողները. ջոկի հրամանատարը տեղում մահացել է. կան վիրավորներ (Լուսանկարներ)
27 Մայիսի 2018 - 10:53
Լոռու մարզում, մայիսի 26-ին, ողբերգական ավտովթար է տեղի ունեցել. ժամը 19: 30-ի սահմաններում Տաշիր քաղաքի բնակիչ, 41-ամյա Հրայր Թովմասյանն իր վարած Opel Astra մակնիշի 34 DO 880 համարանիշի ավտոմեքենայով Նորաշեն-Տաշիր ավտոճանապարհի 3-րդ կմ հատվածում դուրս է եկել ճանապարհի երթեւեկելի գոտուց դեպի աջ եւ մոտ 20 մետր առաջ ընթանալով՝ կողշարջված վիճակում հայտնվել դաշտում:
Շենգավիթում «Օպել»-ը շրջվել է. վարորդին եւ ուղեւորին օգնություն են ցուցաբարել
27 Մայիսի 2018 - 10:45
Հայաստանի ԱԻՆ-ում, այսօր՝ մայիսի 27-ին, ժամը 04:20-ին «911» ծառայությանը տեղեկություն է ստացվել, որ Երեւան քաղաքի Մայիսի 9 - Գարեգին Նժդեհ փողոցների խաչմերուկում ավտոմեքենա է շրջվել, առկա է վառելիքի արտահոսք, տուժածներ չկան. անհրաժեշտ է փրկարարների օգնությունը:
«Մի քանի օրից կհասկանամ՝ ինչ էր ինձ հետ կատարվում». Մարտայի առաջին մենահամերգի էմոցիոնալ պահերն ու հայտնի հյուրերը (Լուսանկարներ, տեսանյութ)
27 Մայիսի 2018 - 10:38
22 տարի բեմում եւ առաջին մենահամերգ. երգչուհի Մարտա Կիրակոսյանի համար մայիսի 26-ն առանձնահատուկ օր էր: Հարազատ Երգի պետական թատրոնում Մարտան ելույթ ունեցավ երկրպագուների, ընկերների եւ հարազատների համար:
Թրամփը հայտարարել է, որ ԱՄՆ-ն ԿԺԴՀ-ի հետ հանդիպման անցկացման հարցում շարունակում է կողմնորոշվել հունիսի 12-ի հանդիպումով
27 Մայիսի 2018 - 10:32
ԱՄՆ-ն ԱՄՆ-Հյուսիսային Կորեա առաջին գագաթաժողովի անցկացման հարցում շարունակում է կողմնորոշվել հունիսի 12-ի հանդիպումով, որի նախապատրաստումը դրական է ընթանում: Այս մասին հայտարարել է Միացյալ Նահանգների նախագահ Դոնալդ Թրամփը, հաղորդում է ՏԱՍՍ-ը:
Առավոտյան վաղ արթնանալու հինգ պատճառ
27 Մայիսի 2018 - 10:27
Վաղ արթնացող մարդիկ, այսպես կոչված արտույտները, մի շարք առավելություններ ունեն։
1 | 2 | 3 | 4 | 5 | 6 | 7 | 8 | 13022
 
Լրահոս`