Facebook   Twitter
 
Փհենչհանում մեկնարկեցին 23-րդ ձմեռային Օլիմպիական խաղերը (Լուսանկարներ)

Փհենչհանում մեկնարկեցին 23-րդ ձմեռային Օլիմպիական խաղերը (Լուսանկարներ)

09 Փետրվարի 2018 - 17:52
Հարավկորեական Փհենչհան քաղաքում մեկնարկեցին ձմեռային 23-րդ Օլիմպիական խաղերը: «Արմենպրես»-ի հաղորդմամբ` բացման պաշտոնական արարողությունը հիացրեց բազմապիսի լուսային էֆեկտներով:
Ներկաներին և մարզիկներին դիմեցին և հաջողություն մաղթեցին ՄՕԿ նախագահ Թոմաս Բախը և Փհենչհան-2018-ի կազմկոմիտեի նախագահ Լի Հի-Բեոմը:

«Այն պահն է, որին շատ ենք սպասել: Շնորհակալություն կազմակերպիչներին և հատկապես կամավորներին: Մարզիկներ, սա ձեր կյանքի մրցաշարն է լինելու: Հաջորդ մի քանի օրերի ընթացքում աշխարհը նայելու է ձեզ և ոգեշնչվելու է ձեզնով»,-ասաց Բախը:

101 օրյա շրջագայությունից հետո օլիմպիական կրակը ժամանեց Խաղերի գլխավոր մարզադաշտ, իսկ կրակը վառելու պատվին արժանացավ կորեացի գեղասահորդուհի, Օլիմպիական խաղերի չեմպիոն Կիմ Յոն Անը:

Հայաստանը ձմեռային Օլիմպիական խաղերին մասնակցում է 3 մարզիկով` դահուկորդներ Միքայել Միքայելյանը, Կատյա Գալստյանը և լեռնադահուկորդ Աշոտ Կարապետյանը: Առաջին պայքարի մեջ կմտնեն Կատյա Գալստյանը և Միքայել Միքայելյանը փետրվարի 13-ին: Գալստյանը երկրորդ մեկնարկը կունենա փետրվարի 15-ին: Միքայել Միքայելյանը տղամարդկանց ազատ ոճում (15 կմ) կմրցի փետրվարի 16-ին: Փետրվարի 18-ին իր առաջին մեկնարկը հսկա ոլորավայրէջքում կունենա Աշոտ Կարապետյանը: Վերջինս փետրվարի 22-ին ուժերը կփորձի հատուկ ոլորավայրէջքում:

16 օրերի ընթացքում ձմեռային Օլիմպիական խաղերի ընթացքում կխաղարկվեն մեդալների 102 հավաքածուներ 15 մարզաձևերում: «Սպիտակ խաղերի» պատմության մեջ առաջին անգամ է, որ խաղարկվում է մեդալների 100-ից ավել հավաքածու: Ձմեռային խաղերում ամենաշատ մեդալների հավաքածուներ կխաղարկվեն դահուկավազքում (14): Խաղերին մասնակցում են ձմեռային խաղերի համար ռեկորդային շատ մարզիկներ` 2952 մարզիկ աշխարհի 92 երկրից: Այս տարի ամենաշատ մասնակից Խաղերում ունի ԱՄՆ թիմ` 242 մարզիկ: Հարավային Կորեայում երկրորդ անգամ են անցկացնում Օլիմպիական խաղերը: 1988 թվականին Սեուլում կայացան 24-րդ ամառային Օլիմպիական խաղերը: Խաղերի փակման պաշտոնական արարողությունը կկայանա փետրվարի 25-ին:


HayNews.am

 
Նմանատիպ նորություններ
Իրանի կանանց հավաքականի 4 ֆուտբոլիստներ տղամարդ են
11 Փետրվարի 2014 - 10:44
Իրանի ֆուտբոլի կանանց հավաքականի 4 անդամներ ժամանակավորապես որակազրկվել են այն բանից հետո, երբ չեն կարողացել անցնել գենդերային թեստը, հաղորդում է Daily Mail-ը:
Անկախ նրանից` ում բուհն է, եթե խախտում արել է, ուրեմն կփակվի
11 Փետրվարի 2014 - 10:40
Դեռ տարեսկզբին ԿԳ նախարար Արմեն Աշոտյանը հայտարարել էր, որ այս տարի էլ Հայաստանում փակվելու են մի շարք բուհեր:
Մուշում 5 հարկանի շենքը ծածկել են պոլիէթիլենով՝ պաշտպանվելու սառնամանիքից
11 Փետրվարի 2014 - 10:31
Ներկայիս Թուրքիայի Մուշ շրջանում բնակիչը որոշել է ցրտերից պաշտպանվել պոլիէթիլենով։
Ոստիկանությունը բացահայտել է Թևոսիկի եղբոր սպանությունը. նոր մանրամասներ (տեսանյութ)
11 Փետրվարի 2014 - 10:25
Ոստիկանությունը բացահայտել է հունվարի 27-ին Երևանի կենտրոնում՝ Արամի նրբանցքի 5/ա շենքի բակում 42-ամյա Արթուր Սաֆարյանի՝ քրեական հեղինակություն Թևոսի եղբոր սպանությունը:
Թուրքիայում մոլորված Վրաստանի քաղաքացուն հայտնաբերել են հայ ընկերոջ օգնությամբ
11 Փետրվարի 2014 - 10:20
Լեռնադահուկային մարզաձևերով զբաղվելու համար Թուրքիա ժամանած Վրաստանի քաղաքացին մոլորվել է անտառում, իսկ նրան փրկել հաջողվել է հայ ընկերոջ օգնությամբ, ով նույնպես նրա հետ մեկնել էր Թուրքիա։ Այս մասին տեղեկացնում է թուրքական «Դողան» գործակալությունը։
Մեր մարզիկները Օլիմպիադայի շատ յուրահատուկ ռեկորդի հեղինակ են դարձել
11 Փետրվարի 2014 - 10:15
«Հայկական ժամանակ» թերթը գրում է.
Չեխովի դպրոցի տնօրենի դեմ քրեական գործ է հարուցվել
11 Փետրվարի 2014 - 10:05
«Ժողովուրդ»-ը գրում է.
1 | 11124 | 11125 | 11126 | 11127 | 11128 | 11129 | 11130 | 11131 | 11132 | 11133 | 11134 | 11135 | 11136 | 11137 | 11138 | 17092
 
Լրահոս`