Facebook   Twitter
 
«Քո ծնողը․․․»․ «ՍԱՍ» սուպերմարկետի մոտ «պարկովկի» պատճառով տաքսիստ է դանակահարվել

«Քո ծնողը․․․»․ «ՍԱՍ» սուպերմարկետի մոտ «պարկովկի» պատճառով տաքսիստ է դանակահարվել

09 Փետրվարի 2018 - 22:43
Կենտրոն և Նորք-Մարաշ վարչական շրջանների ընդհանուր իրավասության դատարանում Արշակ Վարդանյանի նախագահությամբ ավարտվել է Արտակ Սահակյանի գործի դատական քննությունը: Այս մասին գրում է 1in.am-ը:
38-ամյա Արտակ Սահակյանին մեղադրանք էր առաջադրվել տուժողի առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Ըստ մեղադրանքի՝ 2017 թվականի մայիսի 3-ին, ժամը 20-ն անց 30-ի սահմաններում Արտակ Սահակյանը Երևանի Աբովյան փողոցում գործող «ՍԱՍ» սուպերմարկետի մոտ վիճել է Սամսոն Օ.-ի հետ, վիճաբանության ընթացքում սուր կտրող-ծակող գործիքով հարվածել է Սամսոնին ու նրա առողջությանը դիտավորությամբ պատճառել է ծանր վնաս:

Ըստ դատական ակտի՝ Արտակ Սահակյանն իր վարձակալած «Օպել» մակնիշի մեքենայով կատարել է մասնավոր ուղևորափոխադրումներ: Նա հիմնականում մեքենան կայանել է Աբովյան փողոցի «ՍԱՍ» սուպերմարկետի մոտ: Այնտեղ ծանոթացել է նույն վայրում մեքենաները կայանող տաքսիստների՝ Սամսոնի ու Էդուարդի հետ:

Դեպքի օրը՝ 2017 թվականի մայիսի 3-ին, ժամը 20-ն անց 30-ի սահմաններում Արսեն Սահակյանը «ՍԱՍ» սուպերմարկետի մոտ է եղել՝ իր մեքենայի կայանման տեղում: Նա դանակով մաքրել է մեքենայի մոմերը՝ «սվեչաները»:

Այդ ընթացքում նույն վայրում մեքենաները կայանելու, ուղևորներ սպասարկելու հաջորդականությունը խախտելու հարցով միմյանց հետ սկսել են վիճել վերոհիշյալ վարորդներ Էդուարդն ու Սամսոնը:

Արտակ Սահակյանը միջամտել է նրանց վեճին:

Նա վիճել է Սամսոնի հետ ու այդ վեճի ընթացքով իր ձեռքի դանակով մեկ անգամ հարվածել է Սամսոնի որովայնի շրջանին՝ նրա առողջությանը պատճառելով ծանր վնաս՝ լյարդի ձախ բլթի վնասումով, արյունահոսությամբ ու հեմոռագիկ շոկով:

Դատարանում Արտակ Սահակյանն ընդունել է, որ ինքն է դանակով հարվածել տուժող Սամսոնին, բայց դա նրա առողջությանը ծանր վնաս հասցնելու դիտավորությամբ չի արել:

Դեպքի պահին Սամսոնն ու Էդուարդը վիճում էին, ինքը ցանկացել է դադարեցնել այդ վեճը, միայն այդ նպատակով է միջամտել, բայց Սամսոնն իր ու Էդուարդի ծնողների հասցեին հայհոյանք է տվել: Ինքն այդ հայհոյանքը լսելով՝ զայրացել է ու անկախ իր կամքից ձեռքի դանակով, որով մինչ այդ մաքրում էր մեքենայի «սվեչաները», հարվածել է Սամսոնին:

Դրանից հետո ձեռքի դանակն ընկել է այնտեղ կայանված մեքենաների տակ:

Տուժողն ընդհանրապես գետնին չի ընկել:

Իրենց գոռգոռոցները լսելով՝ մոտեցել են ոստիկանության աշխատակիցներ, որից հետո իրենք այդտեղից հեռացել են: Ինքը Էդուարդին հայտնել է, որ Սամսոնին մեկ անգամ դանակով խփել է: Էդուարդը նախատել է իրեն:

Ինքն ու Էդուարդը գնացել են ոստիկանություն և հայտնել են կատարվածի մասին:

Տուժող Սամսոնը հայտնել է, որ ամբաստանյալի հետ նախկինում ընկերական հարաբերություններ է ունեցել: Դեպքից երեք ամիս առաջ ինքն ու Արտակը վիճել էին, դրանից հետո իրենց հարաբերությունները լարվել էին, մինչև դանակահարության օրը իրենք միմյանց հետ չէին խոսում:

Վկա Էդուարդի հետ ինքը նորմալ հարաբերությունների մեջ է եղել:

Սամսոնը նշել է, որ իր վարած տաքսին կանգնեցնում է սուպերմարկետի մոտ՝ իրենց տաքսի-ծառայությանը հատկացված կայանատեղիում: Դեպքի օրը իրեն զանգել են, այդ զանգին պատասխանելու համար ինքը մեքենան արագ կայանել է Էդուարդի մեքենայի մոտ՝ անհարմար դիրքով, բայց այնպես է կանգնել, որ չէր խոչընդոտի Էդուարդի մեքենայի ընթացքին:

Չնայած իրենք լավ հարաբերությունների մեջ էին, բայց Էդուարդը անմիջապես դժգոհել է: Ինքը նրան հայհոյել է, նա էլ իրեն է հայհոյել: Ինքը մոտեցել է Էդուարդին ու բռունցքով հարվածել է նրան: Իրենք միմյանց փոխադարձ հարվածներ են հասցրել :

Տուժողն ընդգծել է, որ ինքն Արտակին ուղղված ոչ մի արտահայտություն չի արել: Բայց Արտակը, տեսնելով իրենց կռիվը, մոտեցել է, հայհոյել է իրեն, գրպանից հանել է դանակն ու հարվածել է իրեն:

Ինքն ընկել է գետնին՝ ցանկանալով պաշտպանվել դանակի հարվածներից: Իրենց երկու հոգի են մոտեցել, ներկայացել են որպես ոստիկանության աշխատողներ ու դադարեցրել են կռիվը:

Ոստիկանների մոտենալու ժամանակ ինքը գետնին ինչ-որ առարկայի ընկնելու ձայն է լսել, կարծել է՝ իր ժամացույցն ընկավ, կռացել է, որ վերցնի, տեսել է՝ դանակն է ընկել, ու Արտակը ոտքը դրել է դանակի վրա՝ փորձելով թաքցնել այն:

Դանակը տեսնելուց հետո է ինքը հասկացել, որ դանակով է հարված ստացել, դրանից հետո իր ինքնազգացողությունը սկսել է վատանալ: Արտակն ու Էդուարդը հեռացել են: Ինքն էլ նստել է իր մեքենան ու գնացել է դեպի հիվանդանոց:

Վկա Էդուարդը նշել է, որ Սամսոնն իրեն ու Արտակին «ծնող» է հայհոյել այն դեպքում, որ իր ծնողը մահացել էր դեպքից երկու ամիս առաջ, իսկ Արտակի ծնողը մահացել էր դրանից երեք ամիս առաջ: Տուժող Սամսոնն էլ մասնակցել էր իրենց ծնողների հուղարկավորությանը:

Դեպքի պահին Արտակը մոտեցել էր իրեն ու Սամսոնին, որ վեճը հարթեցնի, բայց լսելով մահացած ծնողի հասցեին Սամսոնի հայհոյանքը, զայրացել է…

Վկան նշել է, որ դանակահարության պահը ինքը չի նկատել: Դեպքի վայրից հեռանալուց հետո Արտակն է իրեն ասել, որ դանակով խփել է Սամսոնին…

Դատարանը հաստատված չի գնահատել, որ տուժողը Արտակին հայհոյել է, վկա Էդուարդի ցուցմունքի այդ հատվածը գնահատվել է որպես վկայի կողմից Արտակին իր պաշտպանության տակ առնելու արտահայտություն:

Դատարանը հաստատված է գնահատել Արտակ Սահակյանին առաջադրված մեղադրանքը՝ արձանագրելով, որ նա տուժողի առողջությանը ծանր վնաս է հասցրել անուղղակի դիտավորությամբ:

Դատարանը հաշվի է առել, որ Արտակ Սահակյանի խնամքին են երկու անչափահաս երեխաները և վատառողջ հայրը: Արտակ Սահակյանը նախաքննության և դատական քննության ընթացքում ամբողջությամբ հատուցել է տուժողի կրած գույքային վնասը՝ բուժման ծախսերը:

Արտակ Սահակյանը մեղավոր է ճանաչվել ՀՀ քրեական օրենսգրքի 112 հոդվածի 1-ին մասով և վերջին հաշվով դատապարտվել է 2 տարի 11 ամիս 8 օր իրական ազատազրկման:

Պատժի սկիզբը կհաշվվի նրան փաստացի կալանքի տակ առնելու օրից, երբ այս դատավճիռը օրինական ուժի մեջ մտնի:

HayNews.am
 
Նմանատիպ նորություններ
Ծառի տակ ապրելուց հետո Եմենի հիվանդանոց տեղափոխված 12-ամյա աղջիկը 10 կգ է կշռում
18 Փետրվարի 2019 - 00:04
Պատերազմի ասպարեզի վերածված Եմենում բնակվող 12-ամյա Ֆաթիմա Քոբան ընդամենը 10 կգ էր կշռում, երբ նրան տեղափոխեցին հիվանդանոց:
Բրիտանուհին, չիմանալով հղիության մասին, գլխացավով տեղափոխվել է հիվանդանոց, կոմայի մեջ ընկել և ծննդաբերել նախքան գիտակցության գալը
17 Փետրվարի 2019 - 23:53
Մեծ Բրիտանիայի Օլդհեմ շրջանի 18-ամյա բնակչուհին գլխացավի պատճառով որոշել է պառկել՝ հանգստանալու, որից հետո արթնացել է հիվանդանոցում՝ պատկերացում չունենալով, որ ծննդաբերել է կոմայում գտնվելիս:
Օդի ջերմաստիճանը 20-21-ի գիշերը կնվազի 3-5 աստիճանով
17 Փետրվարի 2019 - 23:42
Փետրվարի 17-ի ցերեկը, 18-ին, 20-22-ը սպասվում է առանց տեղումների եղանակ: 19-ին առանձին շրջաններում հնարավոր են թույլ տեղումներ և մառախուղ:
Երևանի շենքերից մեկի երեսպատման սալիկների մի մասը պոկվել և թափվել է
17 Փետրվարի 2019 - 23:34
Փետրվարի 17-ին՝ ժամը 20:04-ին, «911» ծառայությանն ահազանգ է ստացվել, որ Երևան քաղաքի Հանրապետության փողոցի թիվ 49 շենքի 1-ին մուտքի 3-րդ և 4-րդ հարկերի միջանկյալ հատվածում գտնվող երեսպատման սալիկների մի մասը պոկվել և թափվել է (մոտ 0.4 քմ), իսկ մյուս մասը՝ թուլացել և կախվել. անհրաժեշտ է փրկարարների օգնությունը:
Հավանաբար գումար են ման եկել, չեն գտել. Արմավիրի մարզպետը` մարզպետարանում նախօրեին տեղի ունեցածի մասին
17 Փետրվարի 2019 - 23:11
Արմավիրի մարզպետարանից ոչինչ չի կորել: Այս մասին NEWS.am-ի հետ զրույցում ասաց Արմավիրի մարզպետ Համբարձում Մաթեւոսյանն` անդրադառնալով նախօրեին մարզպետարանում տեղի ունեցած գողության դեպքին:
Գազպրոմբանկը սառեցրել է վենեսուելական PDVSA հաշիվները. Reuters
17 Փետրվարի 2019 - 23:06
Գազպրոմբանկը որոշել է սառեցնել վենեսուելական նավթային Petroleos de Venezuela (PDVSA) ընկերության հաշիվները, հաղորդում է Reuters-ը, վկայակոչելով կազմակերպության աղբյուրը:
Նախագահ Սարգսյանը Մյունխենի անվտանգության համաժողովի նախագահին հրավիրել է Հայաստան
17 Փետրվարի 2019 - 23:04
Աշխատանքային այցով Գերմանիայի Դաշնային Հանրապետությունում գտնվող՝ Հայաստանի Հանրապետության նախագահ Արմեն Սարգսյանը հանդիպել է Մյունխենի անվտանգության միջազգային համաժողովի նախագահ, դեսպան Վոլֆգանգ Իշինգերի հետ: Այս մասին հայտնում են ՀՀ նախագահի մամուլի ծառայությունից:
1 | 2 | 3 | 4 | 5 | 6 | 7 | 8 | 15150
 
Լրահոս`