Facebook   Twitter
 
ՍԱՊԾ-ն հանրային քննարկում է անցկացրել

ՍԱՊԾ-ն հանրային քննարկում է անցկացրել

09 Փետրվարի 2018 - 23:13
ՀՀ գյուղատնտեսության նախարարության սննդամթերքի անվտանգության պետական ծառայության նախաձեռնությամբ՝ փետրվարի 9-ին հանրային հարթակում քննարկվել են սննդամթերքի անվտանգության ոլորտում առկա խնդիրներն ու վերահսկողության բարելավմանն ուղղված քայլերը, անդրադարձ է եղել նաև իրականացված աշխատանքներին ու հանրային սեկտորի հետ համագործակցության հնարավորություններին:
Այս մասին տեղեկացրին ՀՀ ԳՆ ՍԱՊԾ տեղեկատվության և հասարակայնության հետ կապերի բաժնից, քննարկմանը մասնակցել են սպառողների պաշտպանությամբ զբաղվող հասարակական կազմակերպությունների, սննդամթերք արտադրողների միությունների, ինչպես նաև «Հետք» հետաքննող լրագրողների միության ներկայացուցիչներ, ՍԱՊԾ պատասխանատու պաշտոնյաներ:

Հասարակական հատվածին են ներկայացվել «Հետք» էլեկտրոնային կայքում հրապարակված՝ թթվասերի փորձաքննության ցուցանիշների հիման վրա Սննդամթերքի անվտանգության պետական ծառայության կողմից կատարված վերահսկողության օպերատիվ արդյունքները, այն խնդիրները, որոնք բացահայտվել են կաթնամթերքի շուկայում և որոնք կարող էին հանգեցնել այդօրինակ խախտումների: Պետական վերահսկողության միջոցառումների շրջանակներում արձանագրվել են համակարգային մի շարք խնդիրներ, որոնք բնորոշ են գրեթե բոլոր արտադրողներին. կաթի մթերում առանց անասնաբուժական ուղեկցող փաստաթղթերի, կաթի մթերման գործընթացի կազմակերպման, մնացորդային նյութերի, ինչպես նաև արտադրական պրոցեսների նկատմամբ ոչ պատշաճ փաստաթղթավորված և թերի հսկողություն (դիտարկումներ են իրականացվել այն բոլոր կազմակերպություններում, որոնց արտադրանքում «Հետք»-ն արձանագրել էր անհամապատասխանություններ՝ «Չանախ» ՍՊԸ, «Դուստր Մարիաննա» ՍՊԸ, «Բոնիլատ» ՍՊԸ, «Էջմիածին կաթ» ՍՊԸ, «Թամարա» ՍՊԸ, «Արզնու Տոհմային ԹՏԽ» ԲԲԸ, «Պարգև» ՍՊԸ): ՍԱՊԾ սննդամթերքի անվտանգության և որակի հսկողության տեսչության պետ Վահե Դանիելյանի բնորոշմամբ՝ սա արտադրողների մոտ որակի կառավարման համակարգերի բացակայության կամ, առկայության դեպքում, թերի կիրառման արդյունք է: Ծառայությունը թթվասերի նմուշների փորձաքննությունների ամբողջական պատկերը կհրապարակի ամփոփելուց անմիջապես հետո: Քննարկման մասնակիցները փաստել են, որ հանրային հատվածի ակտիվ ներգարվվածությունն անհրաժեշտ նախապայման է արձանագրված խնդիրները վերացնելու արդյունավետ մեխանիզմներ գտնելու հարցում:

Կաթնամթերքի շուկան, որպես բարձր ռիսկայնություն ունեցող ոլորտ, Ծառայության հսկողության առաջնահերթ ուղղություններից է եղել նաև անցյալ տարի: Միայն 2017 թվականին այս ոլորտում իրականացվել է 66 ստուգում և 14 դիտարկում. հայտնաբերվել է հիգիենայի խախտման 35, դեռատիզացիայի բացակայության 14, անձնակազմի բուժզննության խախտման 18, հումքի անվտանգության փաստաթղթերի բացակայության 25, փոխադրամիջոցի անհամապատասխանության 4 և լաբորատոր հսկողության բացակայության 15 դեպք: Խախտումների հիմքով կայացվել է արտադրական գործունեությունը կամ դրա առանձին գործառույթը կասեցնելու 22 որոշում, անձանց ժամանակավորապես աշխատանքի չթույլատրելու մասին 18 որոշում: Բազմաթիվ են եղել մակնշման անհամապատասխանությունները. տրվել են հանձնարարականներ, հայտնաբերված բոլոր խախտումները վերացվել են:

Սննդամթերքի անվտանգության պետական ծառայության պետ Իշխան Կարապետյանը ներկայացրել է այն բոլոր ծրագրերը, որոնք միտված են թե վերը նշված խնդիրների լուծմանը, թե, ընդհանրապես, սննդամթերքի անվտանգության բարելավմանը: Ամփոփ հաշվետվություն է ներկայացվել նաև 2017թ. վերահսկողության արդյունքների ու մեկնարկած ծրագրերի մասին: Ներկաների կողմից դրական է գնահատվել հատկապես սպանդանոցային մորթի անցման ծրագրերի իրականացման ընթացքը, հաց-հացաբուլկեղեն և միս տեղափոխող տրանսպորտային միջոցներին սանիտարական անձնագրերի տրամադրման, ինչպես նաև մսի վաճառքի կետերի պայմանների բարելավման ցուցանիշները: Ծառայության պետը խոսել է նաև սննդի շղթայի օպերատոր հանդիսացող արտադրություններում HACCP համակարգի ներդրման, լաբորատոր կարողությունների զարգացման, գյուղատնտեսական կենդանիների համարակալման, արտադրությունների ռեյթինգավորման, մոնիթորինգային ծրագրերի իրականացման մասին՝ շեշտելով, որ դրանք կապահովեն ոլորտի առավել վերահսկելիությունը, ՍԱՊԾ գործողությունների թափանցիկությունը և, որ ամենակարևորն է, կտան սննդամթերքի անվտանգության լրացուցիչ երաշխիքներ:

Հասարակական կազմակերպություների ներկայացուցիչների կողմից բարձրացվել են հարցեր սննդամթերքի մակնշման, հանրակրթական կառույցներում սննդի վերահսկողության արդյունավետ գործիքների մշակման ու մեխանիզմների ակտիվացման, սննդամթերքի կեղծումների դեմ համակարգային լուծումներ գտնելու մասին: Հնչել է առաջարկություն թիրախային ոլորտները հստակեցնելու, ռեսուրսները ճիշտ ու նպատակային բաշխելու, 2018թ. մոնիթորինգային ծրագրերում նոր ուղղություններ ավելացնելու վերաբերյալ: Ծառայության պետը պատրաստակամություն է հայտնել համագործակցել ցանկացած ձևաչափով՝ ընդգծելով, որ միայն խնդիրն արձանագրելով դրանք լուծում չեն ստանալու. անհրաժեշտ է բացահայտել, թե շղթայի որ օղակում է առաջացել խախտումը, տալ համակարգային լուծումներ, ինչն էլ պահանջում է շահագրգիռ բոլոր կողմերի ներգրավվածությունն ու ջանքերը: Այս համատեքստում կարևորվել է հանրային ու պետական վերահսկողության մեկտեղումը՝ սպառողին առավելագույնս պաշտպանելու նպատակով:

HayNews.am
 
Նմանատիպ նորություններ
ՊՍԺ-ն մտադիր է ձեռք բերել Մանչեսթեր Յունայթեդի պաշտպանին
18 Փետրվարի 2018 - 21:31
Ֆրանսիական ՊՍԺ-ն մտադիր է ձեռք բերել անգլիական «Մանչեսթեր Յունայթեդի» պաշտպան Մարկոս Ռոխոյի տրանսֆերը:
Խոշոր ավտովթար Աշտարակում. բախվել են գլխավոր ինժեների «Mercedes»-ն ու ԳԱԶ-3110-ը. ընտանիքի 5 անդամ տեղափոխվել է հիվանդանոց
18 Փետրվարի 2018 - 21:29
Այսօր, փետրվարի 18-ին, խոշոր ավտովթար է տեղի ունեցել Արագածոտնի մարզում:
Սպորտին աջակցելու նպատակով McDonald’s-ը մեծացրել է բուրգերների կալորիականությունը
18 Փետրվարի 2018 - 21:27
Մեծ Բրիտանիայի McDonald’s արագ սննդի ռեստորանների ցանցը մեղադրվել է անպատասխանատվության մեջ այն բանից հետո, երբ նրա ցանկում բուրգերների՝ Signature նոր կալորիական շարքն է հայտնվել։
Պարզվել է Դաղստանում տեղի ունեցած կրակահերթի հեղինակի ինքնությունը (Տեսանյութ)
18 Փետրվարի 2018 - 21:26
Դաղստանի Կիզլյար քաղաքում 4 մարդու պահվան պատճառ դարձած կրակահերթի հեղինակը 22-ամյա տեղի բնակիչն էր: Այս մասին հայտնել են Դաղստանի Հանրապետության՝ ՌԴ Քրեական կոմիտեի քննչական վարչությունում, փոխանցում է «ՏԱՍՍ»-ը:
«Աթլետիկոն» հաղթեց Կոստայի ու Գամեյրոյի գոլերի շնորհիվ
18 Փետրվարի 2018 - 21:24
Իսպանական Պրիմերայի 24-րդ տուրում Մադրիդի «Աթլետիկոն» սեփական դաշտում 2:0 հաշվով ուժեղ գտնվեց Բիլբաոյի «Աթլետիկից»։ Մադրիդցիներից երկրորդ խաղակեսում աչքի ընկան ֆրանսիացի հարձակվող Կեւին Գամեյրոն ու ու վերջերս թիմ վերադարձած Դիեգո Կոստան։
Ողբերգական դեպք Սյունիքի մարզում. դաժանի ծեծի հետեւանքով մահացել է կոմբինատի 53-ամյա մոդելագործը
18 Փետրվարի 2018 - 21:22
Այսօր, փետրվարի 18-ին, ոստիկանության աշխատակիցները, ստացված օպերատիվ տվյալները իրացնելով, Բագրատաշենի մաքսակետից Հայաստանը լքելու պահին բռնվել են Կապան քաղաքի բնակիչներ, 23-ամյա Մհեր Մանուչարյանը, 44-ամյա Սասուն Կարապետյանը եւ 34-ամյա Արտաշես Հակոբյանը:
Ուժեղ բնավորությամբ Կենդանակերպի երեք նշանները
18 Փետրվարի 2018 - 21:14
Խոյ

Արտաքինից նրանք կարող են փխրուն եւ թույլ երեւալ, բայց առաջին տպավորությունը խաբուսիկ է: Խոյերը բարձր են գնահատում իրենց ազատությունը եւ պատրաստ են մինչեւ վերջ պայքարել իրենց իդեալների համար:
1 | 2 | 3 | 4 | 5 | 6 | 7 | 8 | 9 | 10 | 10256
 
Լրահոս`