Facebook   Twitter
 
Շիրակի մարզում սերմացուի դիմաց բնակիչների վճարումները հափշտակվել են. քրգործ է հարուցվել

Շիրակի մարզում սերմացուի դիմաց բնակիչների վճարումները հափշտակվել են. քրգործ է հարուցվել

05 Մարտի 2018 - 14:35
Շիրակի մարզի դատախազությունում ուսումնասիրվել է տեղական սերմարտադրողներից և Ռուսաստանի Դաշնությունից աշնանացան ցորենի սերմացուի ձեռքբերման, բաշխման գործընթացում պետական շահերի պաշտպանության վիճակը, որի ընթացքում հայտնաբերվել են ՀՀ Շիրակի մարզի Հովունի համայնքի նախկին ղեկավարի կողմից կատարած և առերևույթ հանցագործության հատկանիշներ պարունակող արարքներ:
Ուսումնասիրության արդյունքներն ուղարկվել են ՀՀ ոստիկանության Շիրակի մարզային վարչության Ախուրյանի բաժին` նյութեր նախապատրաստելու և ընթացքը լուծելու համար:

Նյութերի նախապատրաստմամբ փաստական տվյալներ են ձեռք բերվել այն մասին, որ 2011-2016թթ. «Հայաստանի Հանրապետության 2010-2014թթ. ցորենի սերմնաբուծության և սերմարտադրության զարգացման» ծրագրի և ՀՀ կառավարության 2015 թվականի օգոստոսի 31-ի N 1001-Ն որոշման շրջանակներում հատկացված սերմացուի դիմաց վճարումներ չկարատելու պատճառով Շիրակի մարզի հողօգտագործողների կողմից «Սերմերի գործակալություն» ՊՈԱԿ-ի հանդեպ կուտակվել է 118,8 մլն դրամ գումարի չափով պարտք: Այդ պատճառով կազմակերպությունը դիմել է ՀՀ Շիրակի մարզի ընդհանուր իրավասության դատարան և խնդրել ՀՀ Շիրակի մարզպետարանից բռնագանձել 129.641.760 ՀՀ դրամ գումար:

ՀՀ կառավարության 2017թ. դեկտեմբերի 7-ի «Հայաստանի Հանրապետությունում պետական աջակցության ծրագրերի շրջանակներում 2011-2016 թվականներին հատկացված սերմացուների, 2015-2016 թվականների հատկացված ազոտական, ֆոսֆորական և կալիումական պարարտանյութերի դիմաց ձևավորված պարտքերի ներման մասին» թիվ 1585-Ն որոշմամբ` պետական աջակցության ծրագրի շրջանակներում 2011-2016 թվականներին հատկացված աշնանացան ցորենի սերմացուի դիմաց ձևավորված 118.891.720 ՀՀ դրամի պարտքերի հավաքագրման գործընթացը դադարեցվել է:

Նյութերի նախապատրաստմամբ պարզվել է, որ Շիրակի մարզի «Հովունի» համայնքը 2014-2016 թվականների ընթացքում առաջին վերարտադրության ցորենի սերմացուի դիմաց կուտակել է ընդհանուր` 3.360.000 ՀՀ դրամ:

Նույն համայնքի բնակիչներին հատկացված սերմացուների դիմաց վճարումների և պարտքերի մասին կազմված և համայնքի ղեկավարի կողմից կնիքված ու ստորագրված ցուցակների համաձայն` համայնքի թվով 37 բնակչների հատկացվել է ընդհանուր 21000 (քսանմեկ հազար) կգ սերմացու, որի դիմաց կուտակված պարտքը կազմել է 3.360.000 ՀՀ դրամ:

Նյութերի նախապատրաստմամբ պարզվել են առերևույթ հանցագործության հատկանիշներ պարունակող հետևյալ խախտումները.

1.Համայնքի թվով 13 բնակիչներ 2015թ. ընթացքում ստացած սերմացուի դիմաց համայնքի նախկին ղեկավար Թ. Մ.-ին են հանձնել ընդհանուր 892.000 ՀՀ դրամ գումար, որը, սակայն, համայնքի բյուջե չի մուտքագրվել, դրա վերաբերյալ համապատասխան փաստաթղթեր չեն կազմվել, իսկ նշված անձանց անվամբ կուտակված պարտավորությունները չեն զրոյացվել:

2. Համայնքի թվով 11 բնակիչներ իրենց կողմից ստանձնված՝ սերմացուի դիմաց կուտակված շուրջ 752.000 ՀՀ դրամ գումարի պարտավորությունները փոխհատուցել են բնեղենով (համայնքի ղեկավարին հանձնել են ցորեն), որոնք նույնպես փաստաթղթային ձևակերպումներ չեն ստացել, դրանց իրացումից ստացված գումարները համայնքի բյուջե չեն մուտքագրվել: Արդյունքում նշված անձանց մասով ստանձնված պարտավորությունները ևս չեն զրոյացվել:

3.Համայնքի թվով 4 բնակիչներ սերմացու առհասարակ չեն ստացել, այնինչ համայնքի կողմից նրանց անվամբ դուրս է գրվել 1700 կգ սերմացու` 272.000 ՀՀ դրամ արժողությամբ, որի արդյունքում ևս կուտակվել են պարտքեր:

Նկատի ունենալով, որ նախապատրաստված նյութերն առերևույթ պարունակում են պաշտոնեական դիրքն օգտագործելով յուրացման կամ վատնման միջոցով խոշոր չափերով հափշտակություն կատարելու հանցագործության հատկանիշներ՝ փաստի առթիվ ՀՀ Շիրակի մարզի դատախազությունում հարուցվել է քրեական գործ՝ ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերի հատկանիշներով: Քրեական գործի նախաքննության կատարումը հանձնարարվել է ՀՀ քննչական կոմիտեի Շիրակի մարզային քննչական վարչությանը:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

HayNews.am
 
Նմանատիպ նորություններ
Խոշոր հափշտակություն Վարդենիսի սոցիալական աջակցության տարածքային գործակալությունում. մեղադրանք է առաջադրվել 4 անձի
18 Դեկտեմբերի 2018 - 17:30
ՀՀ քննչական կոմիտեի Գեղարքունիքի մարզային քննչական վարչությունում քննվող քրեական գործով մեղադրանք է առաջադրվել չորս անձի:
Ընտրակաշառք տալու և ստանալու դեպքի առթիվ քրեական գործ է հարուցվել
18 Դեկտեմբերի 2018 - 12:40
ՀՀ ԱԺ արտահերթ ընտրություններին առերևույթ ընտրակաշառք տալու և ստանալու դեպքի առթիվ Երևան քաղաքի Արաբկիր և Քանաքեռ-Զեյթուն վարչական շրջանների դատախազությունում քրեական գործ է հարուցվել:
Չարաշահումներ «Հարավկովկասյան երկաթուղի» ընկերության գործունեության ընթացքում. հափշտակվել է 428 մլն դոլար. մեղադրվում է նախարարի նախկին տեղակալը
17 Դեկտեմբերի 2018 - 19:35
Քննչական կոմիտեի Հատկապես կարեւորագույն գործերով քննության գլխավոր վարչությունում հարուցվել է քրեական գործ՝ ՀՀ տրանսպորտի, կապի եւ տեղեկատվական տեխնոլոգիաների նախարարի նախկին տեղակալի կողմից լիազորությունները չարաշահելու դեպքի առթիվ: Խոսքը՝ 428 միլիոն դրամի հափշտակության մասին է:
Շիրակի մարզի Փոքր Սարիար գյուղի դպրոցում կոռուպցիոն հանցագործության դեպք է բացահայտվել
12 Դեկտեմբերի 2018 - 16:09
Ոստիկանության Շիրակի մարզային վարչության Աշոցքի բաժին ստացված օպերատիվ տեղեկությունների հիման վրա նախապատրաստված նյութերով 2018թ. հունիսի 28-ին Շիրակի մարզի դատախազի տեղակալի կողմից ՀՀ քրեական օրենսգքրի 179-րդ հոդվածի 2-րդ մասի 1-ին, 3-րդ կետերի և 314-րդ հոդվածի 1-ին մասի հատկանիշներով հարուցվել էր քրեական գործ՝ Շիրակի մարզի Փոքր Սարիար գյուղի միջնակարգ դպրոցում յուրացման եղանակով հափշտակություն և պաշտոնեական կեղծիք կատարվելու դեպքի առթիվ:
Այսօր Կոռուպցիայի դեմ պայքարի միջազգային օրն է
09 Դեկտեմբերի 2018 - 18:30
2003 թ. դեկտեմբերի 9-ին ՄԱԿ-ը այս օրը հռչակեց որպես կոռուպցիայի դեմ պայքարի միջազգային օր: Ամեն տարի այս օրը բոլոր այն մարդիկ և կազմակերպությունները, ովքեր իրենց խոսքերով և գործերով պայքարում են դրա դեմ, ի մի են բերում այդ պայքարում իրենց և իրենց երկրների կառավարությունների և հասարակությունների ձեռքբերումներն ու կորուստները:
Ամեն տարի կոռուպցիան համաշխարհային տնտեսության վրա 2,6 տրլն դոլար է արժենում
09 Դեկտեմբերի 2018 - 13:07
ՄԱԿ տվյալներով՝ ամեն տարի կոռուպցիան համաշխարհային տնտեսության վրա 2,6 տրլն դոլար է արժենում, սա գլոբալ ՀՆԱ-ից 5 տոկոսով ավելի է:
ՊԳԿՎ պետի նախկին տեղակալը կալանավորվել է
07 Դեկտեմբերի 2018 - 14:57
Հայաստանի քննչական կոմիտեի ՀԿԳ քննության գլխավոր վարչության վարույթում քննվող քրեական գործով փաստական տվյալներ են ձեռք բերվել Շիրակի մարզում գտնվող Ջրաձորի և Ամասիայի ջրանցքների, դրանց օգտագործման ու սպասարկման համար նախատեսված հողամասերի, 7060ք/մ թունելի օտարման ընթացքում կատարված չարաշահումների վերաբերյալ։
ՊԵԿ 3 աշխատակիցներ 1.000.000 ՀՀ դրամ կաշառք են ստացել. քրեական գործի նախաքննությունն ավարտվել է
06 Դեկտեմբերի 2018 - 11:34
ՀՀ հատուկ քննչական ծառայությունում քննված քրեական գործի նախաքննության ընթացքում ձեռք բերված բավարար ապացույցների համակցությամբ հիմնավորվել է, որ ՀՀ պետական եկամուտների կոմիտեի փոքր հարկ վճարողների հարկային տեսչություն-վարչության ստուգումների 10-րդ բաժնի պետը, պետի տեղակալն ու նույն բաժնի գլխավոր հարկային տեսուչը նախնական համաձայնությամբ, շորթման եղանակով ստացել են խոշոր չափերով՝ 1.000.000 ՀՀ դրամ կաշառք:
Պաշտոնեական լիազորությունները չարաշահելու և պաշտոնեական կեղծիք կատարելու կասկածանքով ձերբակալվել է ՀՀ Կառավարությանն առընթեր պետական գույքի կառավարման վարչության պետի նախկին տեղակալը
04 Դեկտեմբերի 2018 - 13:25
Դեռևս սույն թվականի հոկտեմբերի 2-ին տեղեկացրել էինք ՀՀ գլխավոր դատախազության պետական շահերի պաշտպանության վարչության կողմից պետական գույքի կառավարման և մասնավորեցման ոլորտում իրականացված մեծածավալ ուսումնասիրությունների արդյունքների մասին:
1 | 2 | 3 | 4 | 5 | 6 | 7 | 8 | 20
 
Լրահոս`