Facebook   Twitter
 
Սերժ Սարգսյանին հավատարմագրերն է հանձնել Կիպրոսի նորանշանակ դեսպանը

Սերժ Սարգսյանին հավատարմագրերն է հանձնել Կիպրոսի նորանշանակ դեսպանը

06 Մարտի 2018 - 15:03
Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Կիպրոսի Հանրապետության արտակարգ և լիազոր դեսպան Լեոնիդաս Մարկիդեսը (նստավայրը՝ Մոսկվա):
Նախագահը շնորհավորել է դեսպանին պաշտոնն ստանձնելու կապակցությամբ և ընդգծել, որ Հայաստանի և Կիպրոսի միջև ավանդաբար գոյություն ունեցող բարձր մակարդակի հարաբերությունների և երկու ժողովուրդների դարավոր, ջերմ բարեկամական կապերի պահպանման և ընդլայնման ուղղությամբ չպետք է դադարել աշխատել՝ օգտագործելով բոլոր հնարավորությունները: Նախագահ Սարգսյանը գոհունակությամբ է խոսել հայ-կիպրական բարձր մակարդակի ակտիվ քաղաքական երկխոսության և սերտ շփումների մասին ինչպես երկկողմ միջպետական, այնպես էլ կուսակցական մակարդակով և միջազգային կառույցների շրջանակներում: Միջազգային հարթակներում համագործակցության համատեքստում Հանրապետության Նախագահն անդրադարձել է ընթացիկ տարվա հոկտեմբերի 11-12-ը Երևանում կայանալիք Ֆրանկոֆոնիայի 17-րդ գագաթնաժողովին, նշելով, որ այդ կարևոր միջոցառմանը մասնակցելու նպատակով հրավեր է ուղարկել Կիպրոսի նախագահ Նիկոս Անաստասիադիսին:

Նախագահը բարձր է գնահատել միջխորհրդարանական դիվանագիտության դերը երկու բարեկամ երկրների հարաբերություններում և գոհունակությամբ փաստել նաև օրենսդիր մարմինների միջև ձևավորված սերտ փոխգործակցությունը:

Երկկողմ և բազմակողմ ձևաչափերում համագործակցության զարգացման տեսանկյունից կարևորվել է նաև 2017թ. նոյեմբերին Հայաստանի և Եվրամիության միջև ստորագրված Համապարփակ և ընդլայնված գործընկերության համաձայնագիրը:

Զրուցակիցները համակարծիք են եղել, որ հայ-կիպրական առևտրատնտեսական հարաբերությունների խորացման ուղղությամբ դեռևս անելիքներ կան, որպեսզի դրանք հասցվեն առկա քաղաքական հարաբերությունների բարձր մակարդակին:

Դեսպան Լեոնիդաս Մարկիդեսը շնորհակալություն է հայտնել Նախագահին հանդիպման և իր հավատարմագրերն ընդունելու համար, նշելով, որ հետաքրքիր զուգադիպությամբ այսօր նույն պահին բարեկամ Հայաստանի դեսպանն էլ իր հավատարմագրերն է հանձնում նախագահ Անաստասիադիսին: «Սա, իհարկե, զուգադիպություն է, բայց, կարծում եմ, կարևոր զուգադիպություն է, որ տեղի է ունենում շատ լավ բարեկամների միջև: Մեր երկրների միջև հարաբերություններն ավելի լավ լինել չէին կարող, բայց մենք, պարո՛ն Նախագահ, համաձայն եմ Ձեզ հետ, որ պետք է շարունակենք քայլեր ձեռնարկել, որպեսզի դրանք առաջ մղենք»,-ասել է Կիպրոսի դեսպանը:

Հանդիպմանը Նախագահ Սարգսյանը և դեսպան Մարկիդեսը քննարկել են տարբեր ոլորտներում հայ-կիպրական հարաբերությունները և համագործակցությունը խորացնելու հնարավորություններն ու հեռանկարը:

HayNews.am
 
Նմանատիպ նորություններ
Տարեց տղամարդը մահացավ պատահարից մեկ օր անց
18 Սեպտեմբերի 2018 - 19:04
Սեպտեմբերի 16-ին, ժամը 20.15-ի սահմաններում, «Ռենո Լոգան» մակնիշի ավտոմեքենայի վարորդը Վանաձոր-Սպիտակ 1-ին կմ-ին վրաերթի էր ենթարկել 1942 թ. ծնված Հենրիկ Ամիրաղյանին, որը մարմնական վնասվածքով տեղափոխվել էր հիվանդանոց:
Բարտոմեու. Ինձ համար Ռոնալդուի տեղափոխությունը ցավալի փաստ է
18 Սեպտեմբերի 2018 - 19:01
«Բարսելոնայի» նախագահ Խոսեպ Մարիա Բարտոմեուն հայտարարել է, որ տխրել է Կրիշտիանու Ռոնալդուի՝ Մադրիդի «Ռեալից» «Յուվենտուս» տեղափոխության պատճառով.
ԲՀԿ-ն քարոզարշավ է իրականացնում Աջափնյակում. Ուղիղ
18 Սեպտեմբերի 2018 - 18:55
Երեւանի ավագանու արտահերթ ընտրություններին ԲՀԿ-ն քարոզարշավ է իրականացնում Աջափնյակում: Այն մեկնարկել է Շինարարներ-Արզումանյան փողոցների խաչմերուկից:
Տոտին՝ Ռեալին մերժելու մասին. Ի վերջո սերը հաղթեց
18 Սեպտեմբերի 2018 - 18:41
«Ռոմայի» նախկին հարձակվող Ֆրանչեսկո Տոտին պատմել է, թե ինչպես է ժամանակին հրաժարվել Մադրիդի «Ռեալ» տեղափոխվելու հնարավորությունից.
Սյուզի Մելիքյանը՝ ուլտրակարճ կիսատաբատով
18 Սեպտեմբերի 2018 - 18:25
Երգչուհի, նաեւ դիզայներ Սյուզի Մելիքյանը հաճախ է գեղեցիկ ու գայթակղիչ հրապարակումներով կիսվում միկրոբլոգի իր էջում: Նա ցույց է տալիս իր գեղեցիկ լուքերը, հանդերձանքները, հանգստի մասին պատմող կադրեր:
Հայաստան կժամանեն Էրիկ Էսրաիլյանը և Կալիֆոռնիայի համալսարանի ռեկտոր Ջին Բլոքը
18 Սեպտեմբերի 2018 - 18:22
Հանրապետության նախագահ Արմեն Սարգսյանի հրավերով սեպտեմբերի 18-ի երեկոյան Հայաստան կժամանեն Հայաստանի Ազգային հերոս, մեծ բարերար Քըրք Քըրքորյանի մերձավորագույն բարեկամ, ամերիկահայ հայտնի բժիշկ, ԱՄՆ Լոս Անջելեսի Կալիֆոռնիայի համալսարանի (UCLA) Դեյվիդ Գեֆենի անվան բժշկական քոլեջի համաղեկավար, Հայոց ցեղասպանության մասին պատմող հոլիվուդյան «Խոստումը» ֆիլմի պրոդյուսեր, դոկտոր Էրիկ Էսրաիլյանը և Լոս Անջելեսի Կալիֆոռնիայի համալսարանի (UCLA) ռեկտոր, կենսաբան, ակադեմիկոս Ջին Բլոքը:
«Նուբարաշեն» ՔԿՀ դատապարտյալին բերված հանձնուքում 2 կաթոցիկ և 10 դեղահաբ է հայտնաբերվել
18 Սեպտեմբերի 2018 - 18:18
Սեպտեմբերի 17-ին՝ ժամը 18:00-ի սահմաններում,
Փոխվարչապետ Տիգրան Ավինյանն ընդունել է Հայաստանում Ֆրանսիայի դեսպան Ժոնաթան Լաքոտին
18 Սեպտեմբերի 2018 - 18:14
Սեպտեմբերի 17-ին փոխվարչապետ Տիգրան Ավինյանը ընդունել է Հայաստանում Ֆրանսիայի արտակարգ և լիազոր դեսպան Ժոնաթան Լաքոտին:
1 | 2 | 3 | 4 | 5 | 6 | 7 | 8 | 14866
 
Լրահոս`
 
 
ԲՀԿ-ն քարոզարշավ է իրականացնում Աջափնյակում. Ուղիղ
Հասարակություն, Քաղաքական, Տեսանյութեր