Facebook   Twitter
 
Նոր օրինագիծ. նախատեսվում է սահմանել չհիմնավորված բարձր եւ ցածր գին, տուգանքները կլինեն տոկոսներով. Շաբոյան

Նոր օրինագիծ. նախատեսվում է սահմանել չհիմնավորված բարձր եւ ցածր գին, տուգանքները կլինեն տոկոսներով. Շաբոյան

06 Մարտի 2018 - 18:55
Տնտեսական մրցակցության պաշտպանության մասին» ՀՀ օրենքի նախագծով նախատեսվում է սահմանվել չհիմնավորված ցածր գին, չհիմնավորված բարձր գին հասկացությունները:
Այս մասին, այսօր՝ մարտի 6-ին, ԱԺ արտահերթ նիստում, «Տնտեսական մրցակցության պաշտպանության մասին» Հայաստանի Հանրապետության օրենքում լրացումներ եւ փոփոխություններ կատարելու մասին» օրենքի նախագծիը ներկայացնելիս նշեց ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանը:

Նա նշեց, որ օրենքի փոփոխությունները կարարվել են 4 ուղղություններով. «Նախ, մրցակցության օրենսդրությունը համապատասխանեցնում ենք Սահմանադրության պահանջներին, երկրորդ՝ մրցակցության օրենսդրության մեջ հաշվի ենք առնում ԵՏՄ մրցակցության կանոնները եւ սկզբունքները, երրորդ՝ մեր օրենսդրությունը համապատասխանեցնում ենք ԵՄ մրցակցության օրենսդրության պահանջներին, նաեւ հաշվի ենք առել միջազգային փորձագետների կարծիքները եւ 4-րդ ուղղությունը մեր օրենսդրությունը բարելավել ենք հիմնվելով առկա պրակտիկայի վրա՝ փորձելով շտկել առկա խնդիրները»:

Շաբոյանը նշեց, որ նոր սահմանադրությամբ, այսուհետ հանձնաժողովը կոչվելու է ինքնավար մարմին եւ սա ամրագրված է մրցակցության օրենսդրության մեջ. «Ամրագրված է Հանձնաժողովի անդամների նշանակման ընթացակարգերը: Մասնավորապես, Հանձնաժողովի անդամները նշանակվելու են ԱԺ-ի կողմից, իսկ թեկնածությունները ներկայացվելու են վարչապետի կողմից: Նարե ներկայացված են հանձնաժողովի անդամի դադարեցման հիմքերը, նրան ներկայացվող պահանջները»:

ՏՄՊՊՀ նախագահի ներկայացմամբ, մեր օրենսդրությունը ԵՏՄ-ի մրցակցության կանոններին համապատասխանեցնելու շրջանակներում, վերանայվել է տուգանքների գանձման մեխանիզմները, այսուհետ տուգանքները սահմանվելու են տոկոսներով՝ կախված տնտեսվարողների հասույթից, մինչդեռ մինչեւ հիմա տուգանքները բացարձակ մեծություններով էին ներկայացված. «Բացի այդ, ԵՏՄ կանոններով պատասխանատվության միջոցներ են նախատեսվում նաեւ պետական պաշտոնյաների համար: Եթե պաշտոնյաները համաձայնությունների, պայմանավորվածությունների մեջ մտնեն տնտեսվարողների հետ, դա նույնպես կարող է համարվել հակամրցակցային վարքագիծ եւ նախատեսվում են տուգանքներ 500 հազա դրամից մինչեւ 1 մլն դրամ»:

Շաբոյանը նշեց, որ եթե տնտեսվարողները իրենց գործողությունները համաձայնեցնում են մեկ այլ ֆիզիկական անձի կամ տնտեսվարողի հետ, դա համարվում է տնտեսական գործունեության համակարգում եւ եթե դրա հետեւանքով գներ են ֆիքսվում կամ շուկաներ են բաժանվում, կամ համաձայնություններ են ձեռք բերվում մրցույթների ժամանակ, կամ պայմանավորվում են պայմանագիր չկնքել տնտեսվարողի հետ, սրանք արգելված համակարգումներ են եւ պատասխանատվության միջոցներ են ենթադրում:

«Օրենքով սահմանվել են չհիմնավորված ցածր գին, չհիմնավորված բարձր գին հասկացությունները: Այն գինը, որը բարձր է արտադրության ծախսերից ու շահույթից կամ մրցակցային շուկաներում ձեւավորված գներից, դա կհամարվի չհիմնավորված բարձր գին, նախատեսված են մրցակցության սահմանափակման հատկանիշներ, խտրական մոտեցումներ եւ այլն»,-ասաց ՏՄՊՊՀ նախագահը՝ հավելելով, որ ԵՄ-ն առաջարկում է վերանայել տուգանքների մեխանիզմը, որը եւս արվել է: «Նաեւ ԵՄ-ն առաջարկում է անբարեխիղճ մրցակցության դեպքերը լրացնել ապրանքային նշանների միջոցով անբարեխիղճ մրցակցության դեպքերով, որովհետեւ ոչ միայն ԵՄ-ն, այլեւ մեր փորձն էլ է ցույց տալիս, որ շատ դեպքերում տնտեսվարողները ապրանքային միջոցները գրանցում են ոչ թե իրենց հեղինակային իրավունքները պաշտպանելու, այլ մուտքի խոչընդոտներ եւ մրցակցային անհավասար պայմաններ ստեղծելու համար:

Եթե որեւէ տնտեսավորղ համամրցակցային համաձայնության մեջ լինի, բայց հետո կգա ու կհայտնի մեզ դրա մասին, տեղեկություններ կտա, կնկարագրի այդ համաձայնությունը, ապացույցներ կներկայացնի, կներկայացնի կարտելային համաձայնության մասին, կազատենք այդ տնտեսվարողներին պատասխանատվությունից»,-ընդգծեց նա:


HayNews.am
 
Նմանատիպ նորություններ
Ոնց որ թե ժողովուրդն էլ է պատրաստ շատ տարբեր զարգացումների. Արարատ Միրզոյան
18 Հոկտեմբերի 2018 - 09:39
Ես հույս ունեմ, որ բոլոր ուժերը կդրսեւորեն անհրաժեշտ խոհեմություն եւ կներդնեն իրենց լավագույն ջանքերը, որպեսզի առավելագույնս անցնցում անցնեն այս երկու շաբաթները:
Լաուդրուպն իր ծառայություններն է առաջարկել Ռեալին
18 Հոկտեմբերի 2018 - 09:39
Մադրիդի «Ռեալում» հնարավոր է մարզչական փոփոխություն լինի:
Աստղագուշակ հոկտեմբերի 18-ի համար
18 Հոկտեմբերի 2018 - 09:09
Խոյ: Հրաշալի օր է ընտանեկան հավաքույթների համար: Կարող եք տեսակցության գնալ նրանց, ում վաղուց չեք հանդիպել:
Վարկային միությունների միջազգային օրը
18 Հոկտեմբերի 2018 - 09:04
Ամեն տարի հոկտեմբերի 3-րդ հինգշաբթի օրը բոլոր տեսակի սպառողական կոոպերատիվները նշում են իրենց մասնագիտական տոնը՝ Վարկային միությունների միջազգային օրը
Հրդեհ Շիրակի մարզի Գեղանիստ գյուղում. տուժածներ չկան
18 Հոկտեմբերի 2018 - 08:49
Հոկտեմբերի 17-ին՝ ժամը 13:20-ին «911» ծառայությանը տեղեկություն է հաղորդվել, որ հրդեհ է բռնկվել Շիրակի մարզի Գեղանիստ գյուղի անասնագոմերից մեկում. անհրաժեշտ է փրկարարների օգնությունը:
Երևանում և 6 մարզում այսօր էլեկտրաէներգիայի անջատումներ կլինեն
18 Հոկտեմբերի 2018 - 08:40
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ս.թ. հոկտեմբերի 18-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն`
Հրազդանի քաղաքապետարանը դատի է տվել նախկին քաղաքապետ Արամ Դանիելյանին. պահանջում է 2,85 մլն դրամ
18 Հոկտեմբերի 2018 - 08:27
Հրազդանի քաղաքապետարանը դատական հայց է ներկայացրել Կոտայքի մարզի ընդհանուր իրավասության դատարան Հրազդան համայնքի նախկին ղեկավար Արամ Դանիելյանի դեմ՝ պատճառված վնասի փոխհատուցման պահանջով:
1 | 2 | 3 | 4 | 5 | 6 | 7 | 8 | 15298
 
Լրահոս`