Facebook   Twitter
 
«Լիդիանը» ներկայացրել է Ամուլսարի ծրագիրը Հանքարդյունաբերության ոլորտի ամենախոշոր միջազգային համաժողովին

«Լիդիանը» ներկայացրել է Ամուլսարի ծրագիրը Հանքարդյունաբերության ոլորտի ամենախոշոր միջազգային համաժողովին

07 Մարտի 2018 - 11:55
Մարտի 4-7-ը Տորոնտոյում անցկացվում է հանքարդյունաբերության ոլորտի ամենախոշոր միջազգային համաժողովը՝ PDAC-ը, հայտնում են «Լիդիան Արմենիայից»։
Հանքարդյունաբերության ոլորտի այս ամենամեծ համաժողովին տարեկան մասնակցում են ավելի քան 20 000 մասնակիցներ 120 պետություններից, որոնք ներկայացնում են հանքարդյունաբերական, սարքավորումներ արտադրող, ծառայություններ մատուցող ընկերություններ, կառավարություններ, ֆինանսական կազմակերպություններ, ներդրումային ինստիտուտներ, հասարակական կազմակերպու-թյուններ և այլ:

Լիդիան Ինթերնեյշնլը արդեն 10-րդ անգամ ներկայացնում է Ամուլսարի ծրագիրը PDAC համաժողովին:

Հայաստանի կառավարության պատվիրակությունը ՀՀ էներգետիկ ենթակառուցվածքների և բնական պաշարների փոխնախարար Վարդան Գևորգյանի գլխավորությամբ արդեն երկրորդ անգամ է մասնակցում PDAC համաժողովին: Փոխնախարար Գևորգյանը երկրների վերաբերյալ շարքի քննարկումներում ներկայացրել է Հայաստանի հանքարդյունաբերական ոլորտում ներդրումային հնարավորությունները և բարեփոխումները, որոնք միտված են ոլորտի արդիականացմանն ու ազատականացմանը:

Նույն ծրագրի շրջանակներում «Լիդիան Արմենիայի» գործադիր տնօրեն Հայկ Ալոյանը ներկայացրել է Ամուլսարի ծրագիրը: Ամուլսարն այսօր աշխարհում շինարարության փուլում գտնվող հանքարդյունա-բերական ամենախոշոր ծրագրերից մեկն է, որն ունի ընդլայման և ներկա ու պոտենցիալ ներդրողների համար շահավետ լինելու մեծ ներուժ:

Այս տարի «Լիդիանը» նաև մասնակցեց PDAC-ի շրջանակներում Կորպորատիվ սոցիալական պատասխանատվությանը նվիրված կոնֆերանսների շարքին: «Լիդիան Արմենիայի» Կայուն զարգացման սոցիալական ղեկավար Նառա Ղազարյանը ներկայացրեց Ամուլսարի ծրագրի սոցիալական զարգացման նախաձեռնությունները «Ընդլայման բարդությունները. ինչպես են փոքր ընկերությունները կառավարում ռիսկերը հետազոտությունների և շինարարության փուլում»:

Անդրադառնալով «Լիդիանի»՝ PDAC-ում ներկայության 10 տարիներին «Լիդիան Արմենիայի» գործադիր տնօրեն Հայկ Ալոյանը ընդգծել է ներդրողների շրջանում Հայաստանը ճանաչելի դարձնելու կարևորությունը: Ներկայացնելով Ամուլսարի ծրագրի հաջողությունը, թե՛ ծրագրի իրականացման, թե՛ շահագրգիռ կողմերի ներգրավման առումով, ներկայացվում է նաև այս մասշտաբի ներդրումային ծրագիր հաջողությամբ իրականացնելու Հայաստանի կարողությունը: Հանքարդյունաբերության ոլորտում ներդրումներ ներգրավելու համար մեծ մրցակցություն կա և նույնիսկ կայացած հանքարդյունաբերությամբ զարգացած երկրները՝ Ֆինլանդիան, Շվեդիան, Կանադան կամ Ավստրալիան PDAC-ում զգալի ներկայություն ունեն իրենց երկրներ ներդրումներ ներգրավելու համար:

«Այս տարի ևս մեկ անգամ հնարավորություն ունեցանք ներկայացնելու Ամուլսարի ծրագիրը և Հայաստանը աշխարհի խոշորագույն հանքարդյունաբերական համաժողովին», - ասել է Հայկ Ալոյանը։

«Մենք այս համաժողովն ընկալում ենք ոչ միայն որպես մեր ծրագիրը ներկայացնելու առիթ, այլև որպես հնարավորություն՝ Հայաստանի հանքարդյունաբերության ոլորտ բերելու բնապահպանական, սոցիալական, առողջության և անվտանգության կառավարման այն բոլոր նորամուծությունները, որ առաջարկում է ժամանակակից հանքարդյունաբերությունը: Մենք կարծում ենք, որ այս փորձը կարող է և պետք է գա Հայաստանի հանքարդյունաբերության ոլորտ և շարունակում ենք վստահ լինել, որ Ամուլսարի ծրագիրն այդ ուղղությամբ կարևոր քայլ է»,-նշել է նա։

HayNews.am
 
Նմանատիպ նորություններ
Գիտնականները պարզել են՝ ինչպես են հասկիները «սառցե» կապույտ աչքեր ձեռք բերել
04 Հոկտեմբերի 2018 - 23:54
Կենսաբանները սիբիրյան հասկի ցեղատեսակի գենոմում արտասովոր մուտացիա են բացահայտել, ինչի շնորհիվ նրանք կապույտ «սառցե» աչքեր են ձեռք բերել:
Պրահայի կենդանաբանական այգում կարմիր պանդայի ձագ է ծնվել
04 Հոկտեմբերի 2018 - 21:10
Պրահայի կենդանաբանական այգու այցելուները մատղաշ կենդանիների վանդակում կարող են առաջին անգամ տեսնել շատ հազվագյուտ փոքր պանդայի ձագին:
Աշխարհի ամենամեծ ռադիոաստղադիտակը սկսել է այլմոլորակայինների որոնումը
03 Հոկտեմբերի 2018 - 14:43
Հարավաֆրիկյան Հանրապետությունում գտնվող MeerKAT ռադիոաստղադիտարանը միացել է Breakthrough Listen նախագծին ու սկսել մեր գալակտիկայի միլիոնավոր աստղերից վերերկրային քաղաքակրթության ներկայացուցիչների կողմից ուղարկված հավանական ազդակները որսալու առաքելությունը:
Ամուլսարի հարցով աշխատանքային խմբի եզրակացությունները տեսչական մարմինը ներկայացնելու է վարչապետի աշխատակազմին
02 Հոկտեմբերի 2018 - 13:28
Ամուլսարի հարցով աշխատանքային խմբի ուսումնասիրությունն ավարտվել է: Ինչպես հաղորդում է «Արմենպրես»-ը, այս մասին իր «Ֆեյսբուք»-ի էջում գրել է ՀՀ բնապահպանության և ընդերքի տեսչական մարմնի ղեկավար Արթուր Գրիգորյանը: Նրա խոսքով` խումբը տեսչության հետ կապ չունի և ձևավորվել ու գործում էր հասարակական հիմունքներով:
Բջնի գյուղի մոտակա անտառում բռնկված հրդեհը 7 օր անց մարվել է
02 Հոկտեմբերի 2018 - 11:26
Հոկտեմբերի 2-ին, ժամը 09:49-ին Բջնի գյուղի մոտակա անտառում բռնկված հրդեհը մարվել է:
Բջնի գյուղի մոտակա անտառում բռնկված հրդեհը 5 օր անց դեռ չի մարվել. Այն մեկուսացվել է
01 Հոկտեմբերի 2018 - 14:11
Սեպտեմբերի 26-ին Բջնի գյուղի մոտակայքում բռնկված հրդեհը դեռ չի մարվեր:
Ազնվացեղ եղջերուները վերադառնում են Հայաստան
01 Հոկտեմբերի 2018 - 09:47
Մոտ 30 տարվա դադարից հետո «Դիլիջան» ազգային պարկում նորից կովկասյան ազնվացեղ եղջերուներ կան:
Ասիական էլիտայի քմահաճույքները. 300.000 դոլարանոց ձուկ
01 Հոկտեմբերի 2018 - 08:33
Ասիական էլիտայի համար կարգավիճակի խորհրդանիշ եւ համատարած մոլագարություն է դարձել հազվադեպ էկզոտիկ ձուկը։ CNBC-ը գրում է, որ արովանա (Arowana) ձկան համար, որ համարվում է աշխարհի ամենաթանկարժեք ծովամթերքներից մեկը, ոմանք պատրաստ են 300 000 դոլար վճարել։
Եթե հիմնավորվի, որ Ամուլսարի հանքը սպառնալիք չի ներկայացնում Սևանի ու Ջերմուկի համար`այն կշահագործվի. վարչապետ
30 Սեպտեմբերի 2018 - 17:11
Եթե հիմնավորվի, որ Ամուլսարի հանքը սպառնալիք չի ներկայացնում Սևանի ու Ջերմուկի ջրային համակարգերի համար, ապա այն կշահագործվի։ Այս մասին լրագրողների հետ զրույցում ասել է վարչապետ Նիկոլ Փաշինյանը:
1 | 2 | 3 | 4 | 5 | 6 | 7 | 8 | 9 | 10 | 105
 
Լրահոս`
 
 
 
Վիդալը տուգանվել է 800 հազար եվրոյով
Սպորտ, Հասարակություն