Facebook   Twitter
 
ՎիվաՍել-ՄՏՍ-ի և FPWC-ի համագործակցությամբ Բերդավանի երաժշտական դպրոցում տեղադրվել է արևային ջրատաքացուցիչ (Լուսանկարներ)

ՎիվաՍել-ՄՏՍ-ի և FPWC-ի համագործակցությամբ Բերդավանի երաժշտական դպրոցում տեղադրվել է արևային ջրատաքացուցիչ (Լուսանկարներ)

07 Մարտի 2018 - 12:07
Վայրի բնության և մշակութային արժեքների պահպանման հիմնադրամը (FPWC) և ՎիվաՍել-ՄՏՍ-ը շարունակում են ուշադրության կենտրոնում պահել հեռավոր, սահմանամերձ գյուղերն ու հնարավորինս աջակցել համայնքներին՝ առկա խնդիրների լուծման հարցում:
«Այլընտրանքային էներգիա» նախագծի շրջանակում, հերթական ծրագիրն է իրականացվել Տավուշի մարզի Բերդավան գյուղում: Գարիկ Ալեքսանյանի անվան երաժշտական դպրոցում տեղադրվել է արևային ջրատաքացուցիչ։

Համակարգի գործարկմանը ներկա են եղել ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, FPWC-ի հիմնադիր Ռուբեն Խաչատրյանը, Բերդավանի երաժշտական դպրոցի տնօրեն Մարինե Նասիբյանը։

«Հայաստանի եղանակային պայմաններն այնքան բարենպաստ են այս ծրագրի համար, որ դրանից չօգտվելն ուղղակի մեծ բացթողում կլիներ: Դեռևս 2014 թվականին գործընկեր կառույցի հետ սկսեցինք իրականացնել «Այլընտրանքային էներգիա» նախագիծը՝ սահմանելով հստակ նպատակ. թեթևացնել գյուղական համայնքների բեռը` բնապահպանական և ժամանակակից լուծումներով: Այսօր կանդրադառնամ նախագծով իրականացվող ծրագրերից միայն մեկին՝ ջեռուցման այլընտրանքային համակարգերի գործարկմանը: Չորս տարվա ընթացքում մեզ հաջողվել է այդպիսի համակարգ գործարկել 11 գյուղում: Աջակցության թիրախում ընդգրկված համայնքները, որոնց թվում գերակշռում են սահմանամերձ բնակավայրերը, արդեն իսկ զգում են ծրագրի արդյունավետությունը. կա ծախսերի կրճատում: Բնակչի գոհունակությունը կատարված աշխատանքի ամենակարևոր ցուցանիշն է»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Համակարգի գործարկման արդյունքում՝ երաժշտական դպրոցում ջեռուցումն արդեն իսկ իրականացվում է բացառապես արևային ջրատաքացուցիչի միջոցով: Իրականացված ծրագրի արդյունավետությունը կարելի է գնահատել ոչ միայն բնապահպանական, այլև՝ տնտեսական տեսանկյունից: Համակարգը թույլ կտա 40%-ով կրճատել ջեռուցման համար նախկինում ծախսվող միջոցները:

Սա գործընկեր կառույցների ջանքերով Բերդավանում իրականացված արդեն երրորդ ծրագիրն է։ Դեռևս 2016թ.-ի աշնանը գյուղում տեղադրվել էր 175 LED լուսարձակ՝ լուսավորելով 5425մ երկարությամբ տարածք։ Ծրագրի երկրորդ փուլով, անցյալ տարի էներգախնայող արտաքին լուսավորության LED լուսարձակների թիվն ավելացվել է ևս 27-ով, ինչի արդյունքում լուսավորվել է հիմնական փողոցների մնացած 900մ-ը: Երկու ծրագրի արդյունքում, ընդհանուր առմամբ տեղակայվել է 202 LED լուսարձակ և լուսավորվել 6325մ երկարությամբ տարածք:

HayNews.am
 
Նմանատիպ նորություններ
Լեւոն Մնացականյանն ազատվեց պաշտոնից, Բակո Սահակյանը ներկայացրել է նոր նախարարին (Տեսանյութ)
14 Դեկտեմբերի 2018 - 12:58
Արցախի պաշտպանության բանակի հրամանատար Լեւոն Մնացականյանն ազատվել է պաշտոնից, տեղեկանում ենք 5-րդ ալիքից:
ՄԻՊ-ն այցելել է Ռոբերտ Քոչարյանին
14 Դեկտեմբերի 2018 - 12:45
Մարդու իրավունքների պաշտպան Արման Թաթոյանն այցելել է օրերս կալանավորված ՀՀ երկրորդ նախագահ Ռոբերտ Քոչարյանին:
ՌԴ որոշ տարածքներից մսամթերքի և այլ ապրանքների ներմուծման ժամանակավոր սահմանափակումներ են գործում
14 Դեկտեմբերի 2018 - 12:33
Խոզերի աֆրիկական ժանտախտ և թռչնի գրիպ հիվանդությունների մուտքը Հայաստանի Հանրապետության տարածք կանխելու նպատակով՝ գործում են ներմուծման ժամանակավոր սահմանափակումներ Ռուսաստանի Դաշնության այն տարածքներից, որոնք այդ հիվանդությունների նկատմամբ ունեն «ԱՆԱՊԱՀՈՎ» կամ «ԱՆՈՐՈՇ» կարգավիճակ: Այս մասին տեղեկացնում են ՀՀ ԳՆ Սննդամթերքի անվտանգության պետական ծառայությունից:
Մեկ օրում ՀՀ-ում բացահայտվել է հանցագործության 49 դեպք, գրանցվել է 23 ճանապարհատրանսպորտային պատահար
14 Դեկտեմբերի 2018 - 12:25
Ըստ ոստիկանության օպերատիվ հաղորդագրությունների ամփոփագրերի` դեկտեմբերի 13-ից 14-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 49 դեպք։
Հայտնի են 2018-ի դեկտեմբերին նախատեսված 12-րդ դասարանի պետական ավարտական քննությունների օրերը
14 Դեկտեմբերի 2018 - 12:20
2018 թվականի դեկտեմբերին նախատեսված 12-րդ դասարանի պետական ավարտական քննություններ
Փնտրվում է բանկոմատից կանխիկացման փորձ կատարած անձը
14 Դեկտեմբերի 2018 - 12:07
Քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանի քննչական բաժնում քննվող քրեական գործով միջոցներ են ձեռնարկվում՝ պարզելու քաղաքացու բանկային քարտից գումար կանխիկացնելու փորձ կատարած անձի ինքնությունը:
Ոստիկանություն բերման ենթարկված կնոջ խուզարկությամբ հայտնաբերվել է սուբուտեքսի 44 հաբ
14 Դեկտեմբերի 2018 - 12:00
Ոստիկանության կազմակերպված հանցավորության դեմ պայքարի գլխավոր վարչության թմրամիջոցների անօրինական շրջանառության դեմ պայքարի վարչության և Գյումրի քաղաքի Կումայրիի բաժնի ծառայողները, ամիսներ տևած համատեղ հետախուզական միջոցառումների արդյունքում, դեկտեմբերի 5-ին ապօրինի թմրաշրջանառության վերաբերյալ օպերատիվ տեղեկություններ ստացան։
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 14356
 
Լրահոս`