Facebook   Twitter
 
Նախագահը ընդունել է Լիոնի քաղաքապետի գլխավորած պատվիրակությանը

Նախագահը ընդունել է Լիոնի քաղաքապետի գլխավորած պատվիրակությանը

07 Մարտի 2018 - 15:18
Նախագահ Սերժ Սարգսյանն այսօր ընդունել է պաշտոնական այցով Երևանում գտնվող Լիոնի քաղաքապետ Ժորժ Կեպենեկյանի գլխավորած պատվիրակությանը:
Ողջունելով Լիոնի քաղաքապետին և նրան ուղեկցող ներկայացուցչական պատվիրակությանը Երևանում՝ Հանրապետության Նախագահը հանդիպման սկզբում նախ շնորհավորել է Ժորժ Կեպենեկյանին Լիոնի քաղաքապետի պաշտոնում ընտրվելու կապակցությամբ և մաղթել բազում հաջողություններ։ Նախագահն ընդգծել է, որ Ֆրանսիայում մեր հայրենակցի հաջողությունները հայաստանցիները համարելու են նաև իրենցը այն պարզ պատճառով, որ դրանք հայ-ֆրանսիական բարեկամության կարևոր բաղկացուցիչն են: Այն, որ քաղաքապետ Ժորժ Կեպենեկյանը Ֆրանսիայի արժանավոր քաղաքացի է և հայ ժողովրդի նվիրյալ զավակ, Հանրապետության Նախագահի համոզմամբ, պարոն Ժորժ Կեպենեկյանն ապացուցել է իր անցած ճանապարհով և գործունեությամբ: Սերժ Սարգսյանը վստահություն է հայտնել, որ նորանշանակ քաղաքապետն իր փորձն ու ունակությունները լավագույնս կծառայեցնի ինչպես Լիոնի և Երևանի միջև հարաբերությունների սերտացման, այնպես էլ հայ և ֆրանսիացի ժողովուրդների բարեկամության ամրապնդման գործին: Նախագահ Սարգսյանը նաև շնորհավորել է Լիոնի քաղաքապետին՝ Երևանի քաղաքապետի ոսկե մեդալով պարգևատրվելու կապակցությամբ, որը, նրա գնահատմամբ, Ժորժ Կեպենեկյանն իր գործունեությամբ է վաստակել:

Սերժ Սարգսյանը ջերմությամբ է հիշել ընդամենը մեկ ամիս առաջ Փարիզ կատարած իր այցը և առաջին հանդիպումը նախագահ Մակրոնի հետ, ինչպես նաև 2017թ. գարնանը Լիոն կատարած այցելությունն ու հետաքրքիր զրույցը Լիոնի նախկին քաղաքապետ, հայ ժողովրդի մեծ բարեկամ Ժերար Կոլոնի հետ:

Անդրադառնալով առանձնաշնորհյալ համարվող բարձր մակարդակի հայ-ֆրանսիական հարաբերություններին՝ Նախագահն ընդգծել է, որ բարեկամությունը սահմաններ չունի, և երկու երկրները մշտապես պարտավոր են ընդարձակել համագործակցությունն ու տարեցտարի ամրապնդել հարաբերությունները:

Լիոնի քաղաքապետ Ժորժ Կեպենեկյանը շնորհակալություն է հայտնել Նախագահին շնորհավորանքի և բարեմաղթանքների համար: Քաղաքապետը նշել է, որ իր գլխավորած պատվիրակության կազմում ներգրավել է տարբեր ոլորտների փորձառու մասնագետների, որոնց օգնությամբ հույս ունի բազմաբնույթ համագործակցություն ծավալել Հայաստանում՝ այդպիսով փոխհարաբերությունների մի նոր էջ բացելով ինչպես Երևանի ու Լիոնի, այնպես էլ երկու բարեկամ երկրների միջև: Լիոնի քաղաքապետը գոհունակությամբ է խոսել այցի շրջանակներում ունեցած՝ իր բնորոշմամբ՝ արգասաբեր հանդիպումների ու մի շարք ոլորտներում արդեն իսկ ձեռքբերված համագործակցության պայմանավորվածությունների մասին:

Քաղաքապետ Կեպենեկյանի գլխավորած պատվիրակության անդամները ևս իրենց տպավորություններն են ներկայացրել երևանյան հանդիպումներից՝ ընդգծելով, որ փոխգործակցության մեծ ներուժ են տեսնում քրիստոնեության օրրան Հայաստանի հետ և վստահ են, որ պատմական մեծ ժառանգությամբ ու դարավոր հարուստ մշակույթով Հայաստանն ավելի մեծ լավատեսությամբ կարող է նայել ապագային:

Հանդիպմանն անդրադարձ է եղել նաև այս տարի Հայաստանում կայանալիք Ֆրանկոֆոնիայի գագաթնաժողովին: Նախագահն ընդգծել է, որ Հայաստանը մեծ պատասխանատվությամբ է մոտենում այդ կարևոր միջոցառման կազմակերպմանը, քանզի համարում է, որ ֆրանկոֆոնիան միայն լեզվական կամ մշակութային ընդհանրությունների շուրջ ձևավորված կառույց չէ, այլ առաջին հերթին առաջադեմ քաղաքակրթական արժեքային համակարգ, որն ուրույն դերակատարում է ունեցել մարդկության քաղաքակրթության ու առաջընթացի գործում, որի կրող է նաև հայ ժողովուրդը:

HayNews.am
 
Նմանատիպ նորություններ
Ոստիկանները ստուգումներ են կատարում «դեղին բաճկոնների» ակցիան սկսվելուց առաջ
15 Դեկտեմբերի 2018 - 12:22
Ֆրանսիայի ոստիկանական ուժերը վերահսկողություն են սահմանել Փարիզի կենտրոնում, որտեղ այսօր սպասվում է «դեղին բաճկոնների» հերթական՝ 5-րդ զանգվածային ակցիան, հայտնում է «ՌԻԱ Նովոստի»-ն:
Լեոն Հարթը ծանր է Իբրահիմ Ցուրովից
15 Դեկտեմբերի 2018 - 11:40
Գերմանիայում Աուգսբուրգ քաղաքում կայացել է պրոֆեսիոնալ բռնցքամարտի WBC Asia չեմպիոնական գոտու համար առաջիկա մենամարտի մասնակիցների՝ Հայաստանը ներկայացնող Լեոն Հարթի եւ ռուսաստանցի Իբրահիմ Ցուրովի կշռման արարողությունը:
Թրամփը հայտնել է Սպիտակ տան աշխատակազմի նոր ղեկավարի անունը
15 Դեկտեմբերի 2018 - 11:36
Միացյալ Նահանգների նախագահ Դոնալդ Թրամփը Սպիտակ տան աշխատակազմի նոր ղեկավար է նշանակել Միք Մալվանեյին:
Ինչպես կբաշխվեն ԱԺ հանձնաժողովների նախագահների պաշտոնները. «Իմ քայլը»՝ 6, ԲՀԿ-ն՝ 2, «Լուսավոր Հայաստան»՝ 1
15 Դեկտեմբերի 2018 - 11:20
Արդեն հայտնի է, որ արտահերթ խորհրդարանական ընտրությունների արդյունքում Ազգային ժողովի պատգամավորների թիվը 132 է լինելու, մինչդեռ այսօր այդ թիվը 105 է:
Վրաստանում հրապարակվել են նախագահական ընտրությունների վերջնական արդյունքները. ընդդիմությունը բողոքի ակցիայի է նախապատրաստվում
15 Դեկտեմբերի 2018 - 11:05
Վրաստանի Կենտրոնական ընտրական հանձնաժողովի մամուի խոսնակ Աննա Մելքաձեն հրապարակել է նոյեմբերի 28-ին կայացած նախագահական ընտրությունների երկրորդ փուլի վերջնական արդյունքները, գրում է sputnik-georgia.ru-ն:
Կոալիցիայի հարվածներից Սիրիայում 1,5 խաղաղ բնակիչ է զոհվել. ՌԴ ՊՆ
15 Դեկտեմբերի 2018 - 10:45
ՌԴ ՊՆ ղեկավար Սերգեյ Շոյգուի իր ամերիկացի գործընկեր Ջեյմս Մեթիսին ուղղված ուղերձում ասվում է, որ վերջին ամիսներին ԱՄՆ-ի գլխավորած կոալիցիայի հարվածներից Եփրատի մոտ տեղակայված բնակավայրերում զոհվել է 1,5 հազար խաղաղ բնակիչ. հայտնում է РИА Новости-ն:
Տաջիկստանի նախագահն իր աջակցությունն է հայտնել ՀԱՊԿ գլխավոր քարտուղարի պաշտոնում Զասի թեկնածությանը
15 Դեկտեմբերի 2018 - 10:38
Տաջիկստանի նախագահ Էմոմալի Ռահմոնը հանդիպել է Բելառուսի Անվտանգության խորհրդի պետքարտուղար Ստանիսլավ Զասի հետ ու պատրաստակամություն հայտնել աջակցել ՀԱՊԿ գլխավոր քարտուղարի պաշտոնում նրա թեկնածությանը:
Ավստրալիան Արևմտյան Երուսաղեմը ճանաչել է Իսրայելի մայրաքաղաք
15 Դեկտեմբերի 2018 - 10:07
Ավստրալիան Արևմտյան Երուսաղեմը պաշտոնապես ճանաչել է Իսրայելի մայրաքաղաք, սակայն առայժմ չի պատրաստվում դեսպանատունն այնտեղ տեղափոխել:
Պուտինի ամենամյա մեծ մամլո ասուլիսին հավատարմագրվել է ավելի շատ լրագրող, քան ռեկորդային 2017 թվականին
15 Դեկտեմբերի 2018 - 09:17
Ռուսաստանի Դաշնության նախագահ Վլադիմիր Պուտինի ամենամյա մեծ մամլո ասուլիսին, որը տեղի կունենա դեկտեմբերի 20-ին, հավատարմագրվել է ռեկորդային՝ 1702 լրատվամիջոցի ներկայացուցիչ:
1 | 2 | 3 | 4 | 5 | 6 | 7 | 8 | 8773
 
Լրահոս`