Facebook   Twitter
 
Արցախում կատարված աշնանացանի ծավալներն աննախադեպ են վերջին 20 տարիների համար. գյուղնախարար

Արցախում կատարված աշնանացանի ծավալներն աննախադեպ են վերջին 20 տարիների համար. գյուղնախարար

07 Մարտի 2018 - 16:37
2018 թվականին բերքի տակ հանրապետությունում կատարվել է ավելի քան 75000 հա աշնանացան, որն աննախադեպ է վերջին 20 տարիների համար:
«Արցախպրես»-ի թղթակցի հաղորդմամբ՝ այս մասին այսօր՝ մարտի 7-ին կայացած՝ 2017 թ.-ին գյուղատնտեսության ոլորտում կատարված աշխատանքների, գյուղատնտեսության զարգացման նոր ռազմավարության, ինչպես նաև այդ հայեցակարգից բխող ընթացիկ տարվա ծրագրերին նվիրված մամուլի ասուլիսի ժամանակ ասել է ԱՀ գյուղատնտեսության նախարար Ժիրայր Միրզոյանը՝ ավելացնելով, որ վերջերս հանրապետության ամբողջ տարածքում արձանագրված տեղումներով աշնանացանի վիճակը կարելի է գնահատել բավարար: Բավարար կարելի է գնահատել նաև վնասատուների և հիվանդությունների դեմ պայքարը՝ բացառությամբ որոշ հատվածների, որտեղ դեռևս անելիքներ կան: Ներկայումս աշխատանքները շարունակվում են բոլոր ուղղություններով:

Խոսելով գարնանացան մշակաբույսերի ցանքսի սպասվելիք ծավալներից՝ գյուղնախարարն ասել է, որ նախատեսվում է կատարել շուրջ 14000 հա գարնանացան, որտեղ ցանվելու են հիմնականում պետական միջոցներով տրամադրված սերմեր. մի մասն՝ ամբողջությամբ անհատույց, իսկ սիսեռ, լոբի և եգիպտացորեն մշակաբույսերի մասով՝ մասնակի սուբսիդավորված: Ամբողջությամբ անհատույց տրամադրվելու են կերային և յուղատու մշակաբույսերի, ինչպես նաև՝ ընդեղենի սերմերը: Համեմատած բուսաբուծության ճյուղի հետ՝ անասնաբուծության ոլորտում խնդիրներն ավելի շատ են՝ չնայած, որ տարվա ընթացքում նախատեսված բոլոր ծրագրերն իրականացվել են:

Ամփոփելով անցած տարվա հիմնական ցուցանիշները, նախարարը նշել է, որ 2017 թվականին Արցախում գյուղատնտեսության համախառն արտադրանքը կազմել է 76.2 միլիարդ դրամ. աճը նախորդ տարվա համեմատ կազմել է 7.8 %, որի մեջ բուսաբուծության բաժինը եղել է 51 %, իսկ անասնաբուծությանը՝ 49%:

«Անցած տարին գյուղատնտեսության համար բարեհաջող էր: Ցանքատարածությունների ընդհանուր մակերեսը կազմել է 68 հազար 928 հեկտար, որից աշնանացանը եղել է 54 հազար 100 հա, իսկ գարնանացանը՝ 14 հազար 778 հա: 2016 թ.-ի համեմատ՝ ցանքատարածքների մակերեսներն ավելացել են 2870 հեկտարով կամ 4.2%-ով: Աշնանացան մշակաբույսերի ցանքատարածքները նվազել են 1846 հեկտարով կամ 3.3%-ով, իսկ գարնանացանն աճել է 47 %-ով՝ ավելանալով 4716 հա-ով: Հացահատիկից կազմած համախառն բերքը կազմել է 147 հազար տոննա, որը շուրջ 2000 տոննայով ավել է եղել 2016 թ.-ի ցուցանիշից: 2017 թ.-ին ունեցել ենք նաև ցրտահարություն և կարկտահարություն: Ցրտահարությունը եղել է միայն ծխախոտի բերքի մասով՝ վնասելով շուրջ 670 տոննա բերք: Ծխախոտագործներին պետական աջակցություն տրվել է յուրաքանչյուր 1 կգ ցրտահարված բերքի դիմաց՝ 30 դրամ: Իսկ կարկտահարության մասով, ընդհանուր առմամբ, 160 միլիոն դրամ պետական աջակցություն է ցուցաբերվել՝ հիմնականում խաղողագործներին և գարնանացան մշակաբույսերի աճեցմամբ զբաղվողներին»,- մասնավորապես նշել է Ժ. Միրզոյանը:

Նախարարն անդրադարձել է նաև անասնաբույժների կողմից իրականացված պատվաստումներին և կանխարգելիչ սրսկումներին՝ որոնց թիվը հասնում է 1 միլիոնի:

«Իրականացված գործողությունների միջոցով հաջողվել է հանրապետությունում պահել կայուն անասնահամաճարակային վիճակը՝ բացառությամբ խոզերի աֆրիկյան ժանտախտի և բրուցելյոզի առանձին դեպքերի, որոնք հիմնականում հետևանք են եղել պահվածքի կաննոների կոպիտ խախտումների: Նախորդ տարվա նույն ժամանակահատվածի համեմատ՝ խոշոր եղջրավոր կենդանիների գլխաքանակը հունվարի 1-ի դրությամբ նվազել է 3631-ով: Նվազում է արձանագրվել նաև տարվա առաջին երկու ամիսներին՝ կովերի գլխաքանակը՝ 471-ով, իսկ խոզերի գլխաքանակը աճել է 700-ով, մանր եղջերավոր կենդանիների գլխաքանակը նվազել է 37 000-ով, թռչունների գլխաքանակը ավելացել 39000-ով: Արտադրվել է 15 հազար 428 տոննա միս, որը 2016 թ.-ի ցուցանիշը գերազանցել է 19.3 %-ով: Աճը չի արձանագրվել տեղական սպառման ծավալների հաշվին, այլ՝ կենդանի քաշով հանրապետությունից արտահանման ծավալների ավելացման: Դրանով պայմանավորված՝ նվազում է արձանագրվել կաթի արտադրության մեջ՝ 11.2 %-ով, որը կազմել է 43 հազար 457 տոննա: Այս ամենին զուգահեռ` բարձրացվել է կովերի կաթնային մթերատվությունը՝ 1 կովի հաշվով տարեկան հասնելով մինչև 2395 կգ-ի, կամ 2 %»,- ասել է Ժ. Միրզոյանը:

Նախարարը բավարար է գնահատել նաև հաշվետու տարում ոռոգման համակարգերի ներդրման ու սպասարկման ուղղությամբ կատարված աշխատանքները, մասնավորապես` նշելով, որ պետական ծրագրով հորատվել է 7 արտեզյան հոր, ինչը 180 հա նռան այգի և 30 հա ծխախոտ, ինչպես նաև շուրջ 2-3 տասնյակ խաղողի այգիներ է դարձրել ոռոգովի: Հանրապետությունում ոռոգման նպատակով օգտագործվել է 15.7 միլիոն խորանարդ մետր ջուր:

«Խոսքը մակերևույթային, ինքնահոս ջրի մասին է: Իսկ մեխանիկական եղանակով մատակարարված ջրի համար ծախսված էլեկտրաէներգիայի արժեքի սուբսիդավորման վրա 34 միլիոն դրամ պետական բյուջեից տրամադրվել է հողօգտագործողներին: «Ջրախնայողական տեխնոլոգիաների ներդրման խթանումը» ծրագրով կաթիլային համակարգ է տեղադրվել 302 հա այգու և 44 հա ծխախոտի դաշտերում, որից օգտվել են 27 հայտատուներ»,- ասել է գյուղատնտեսության նախարարը:

HayNews.am
 
Նմանատիպ նորություններ
Սեղան են գցել և տոնել Արայիկ Հարությունյանի հաղթանակը
13 Դեկտեմբերի 2018 - 00:01
Կրթության և գիտության նախարարի պաշտոնակատար Արայիկ Հարությունյանն այսօր՝ դեկտեբերի12–ին, Facebook-ի ուղիղ եթեր է մտել Մալաթիա–Սեբաստիա վարչական շրջանում իր նախընտրական շտաբից, որտեղ տոնում էին «Իմ քայլի» հաղթանակն ընտրություններում։
«Ռոսկոմնադզորը» սպառնում է Ռուսաստանում արգելափակել Google-ը
12 Դեկտեմբերի 2018 - 23:34
Google ընկերության կողմից որոնման արդյունքերում արգելված բովանդակության նյութերի ֆիլտրման պահանջի չկատարման դեպքում օրենքում փոփոխություններ կկատարվեն, որով կթույլատրվի արգելափակել որոնողական համակարգը, հայտնում է «Ինտերֆաքսը»՝ վկայակոչելով «Ռոսկոմնադզորի» ղեկավարի տեղակալ Վադիմ Սուբբոտինին։
Եղեգնաձորում 14 տարեկանում ամուսնացած աղջկան ամուսինն ու սկեսուրը պարբերաբար բռնության են ենթարկել
12 Դեկտեմբերի 2018 - 22:14
Եղեգնաձորում 14 տարեկանում ամուսնացած աղջիկն ամուսնու և սկեսուրի կողմից պարբերաբար բռնության է ենթարկվել:
Երեք ամսական Անիին ոստիկանները Ռուսաստանից տեղափոխել են Հայաստան. մայրը նրանից հրաժարվել էր (Տեսանյութ)
12 Դեկտեմբերի 2018 - 22:10
Դեկտեմբերի 11–ին ՀՀ ոստիկանության աշխատակիցները Ռուսաստանի Նովոսիբիրսկ քաղաքից Հայաստան են տեղափոխել անխնամ մնացած հայազգի երեխային։
Փաշինյանն արձակուրդ է ուղարկել վիճակագրական կոմիտեի նախագահին
12 Դեկտեմբերի 2018 - 22:02
Վարչապետի պաշտոնակատար Նիկոլ Փաշինյանը որոշում է ստորագրել Հայաստանի Հանրապետության վիճակագրական կոմիտեի նախագահ Ստեփան Մնացականյանին արձակուրդ տրամադրելու մասին։
Հարուցվել է քրգործ՝ կրկնակի քվեարկության փորձ կատարելու դեպքի առթիվ
12 Դեկտեմբերի 2018 - 21:43
Հայաստանի Քննչական կոմիտեի Արագածոտնի մարզային քննչական վարչությունում հարուցվել է քրեական գործ՝ կրկնակի քվեարկության փորձ կատարելու դեպքի առթիվ:
Նիկոլ Փաշինյանը նոր որոշում է ստորագրել
12 Դեկտեմբերի 2018 - 20:40
Վարչապետի պաշտոնակատար Նիկոլ Փաշինյանի որոշմամբ Քրիստինե Սարգսյանը 2018 թվականի դեկտեմբերի 10-ից նշանակվել է առողջապահության նախարարության «Առողջապահական ծրագրերի իրականացման գրասենյակ» պետական հիմնարկի տնօրենի պաշտոնակատար: Այդ մասին տեղեկացրին վարչապետի աշխատակազմից:
Ֆրանսիայում ՀՀ դեսպանը մասնակցել է Հայաստանի և Արցախի գինիներին նվիրված միջոցառումներին
12 Դեկտեմբերի 2018 - 20:25
Դեկտեմբերի 11-ին Ֆրանսիայի Ազգային ժողովում կայացավ Հայաստանի և Արցախի գինիների համտես-երեկո՝ Ազգային ժողովի Ֆրանսիա-Հայաստան բարեկամական խմբի փոխնախագահ, Ֆրանսիա-Արցախ բարեկամական շրջանակի նախագահ Գի Տեսիեի (Guy Teissier) նախաձեռնությամբ:
1 | 2 | 3 | 4 | 5 | 6 | 7 | 8 | 15977
 
Լրահոս`
 
 
 
 
 
 
 
 
 
 
 
 
 
 
 
 
 
 
Նիկոլ Փաշինյանը նոր որոշում է ստորագրել
Հասարակություն, Քաղաքական