Facebook   Twitter
 
Աշխատաժողով` «Ժամանակակից լիդերությունը և կարողությունների զարգացումը արևելյան գործընկերության երկրների հանրային հատվածում» ծրագրի շրջանակներում

Աշխատաժողով` «Ժամանակակից լիդերությունը և կարողությունների զարգացումը արևելյան գործընկերության երկրների հանրային հատվածում» ծրագրի շրջանակներում

08 Մարտի 2018 - 14:41
Մարտի 7-ին ՀՀ ֆինանսների նախարարությունում տեղի է ունեցել աշխատաժողով «Ժամանակակից լիդերությունը և կարողությունների զարգացումը արևելյան գործընկերության երկրների հանրային հատվածում (PADOS II)» ծրագրի շրջանակներում, որը կազմակերպվել է ՀՀ ֆինանսների նախարարության, ՀՀ քաղաքացիական ծառայության խորհրդի և Հանրային կառավարման ֆիննական ինստիտուտի (HAUS) համատեղ ջանքերով:
Աշխատաժողովին ներկա են եղել ՀՀ ֆինանսների նախարար Վարդանի Արամյանը, ՀՀ քաղաքացիական ծառայության խորհրդի նախագահ Մանվել Բադալյանը, Հանրային կառավարման ֆիննական ինստիտուտի գործադիր տնօրեն Անելի Թեմեսը, ՀՀ ֆինանսների նախարարության, ՀՀ քաղաքացիական ծառայության խորհրդի և Ֆինլանդիայի ֆինանսների նախարարության ներկայացուցիչներ, ինչպես նաև ՀՀ տարբեր գերատեսչությունների անձնակազմի կառավարման ոլորտի մասնագետներ:

ՀՀ ֆինանսների նախարար Վարդան Արամյանը կարևորել է նման միջոցառումների դերը՝ նշելով, որ ֆինանսների նախարարությունը մեծ նշանակություն է տալիս մարդկային ռեսուրսների կառավարմանը:

«Ֆինանսների նախարարությունում մենք նպատակ ունենք զարգացնել երկու կարևորագույն ուղղություն` մարդկային ռեսուրսների կառավարումը և թվային տեխնոլոգիաների ներդրումը: Աշխատաժողովը լավ հնարավորություն է ընձեռում համեմատականներ և զուգահեռներ անցկացնել մեր և աշխարհում եղած փորձի միջև», - ասել է նախարար Արամյանը:

ՀՀ քաղաքացիական ծառայության խորհրդի նախագահ Մանվել Բադալյանը նշել է, որ այս ծրագիրը արևելյան գործընկերության հանրային կառավարման արդյունավետության բարձրացման և կատարելագործման ժամանակակից միտումներով, առաջադեմ գիտելիքների և փորձի փոխանակման հաջողված հարթակ է: «Այս ծրագիրը նպաստել է և շարունակում է նպաստել մեր երկրում կառավարման համակարգի բարեփոխումներին: Բարեփոխումներ իրականացնելու մեր վճռականությունը բխում է պետական մարմինների աշխատանքի արդյունավետության բարձրացման, մարդկային ռեսուրսների կառավարումը պետության ռազմավարական նպատակներին առավել համապատասխանեցնելու, հաշվետվողականության, թափանցիկության, պրոֆեսիոնալիզմի և այլ առաջնահերթություններից», - նշել է Մանվել Բադալյանը:

Հանրային կառավարման ֆիննական ինստիտուտի գործադիր տնօրեն Անելի Թեմեսը իր գոհունակությունն է հայտնել հայաստանյան գործընկերներին արդյունավետ և շարունակական համագործակցության համար՝ ընդգծելով, որ հանրային առաջնորդության և մարդկային ռեսուրսների զարգացումը առանցքային բաղադրիչ է մարդկային ռեսուրսների կառավարման ոլորտում բարեփոխումներ իրականացնելու և բարձր ֆունկցիոնալությամբ հանրային վարչարարություն կառուցելու համար:

Աշխատաժողովի ընթացքում զեկույցներով հանդես են եկել ՀՀ ՔԾԽ, Ֆինլանդիայի ֆինանսների նախարարության, ինչպես նաև Հանրային կառավարման ֆիննական ինստիտուտի (HAUS) ներկայացուցիչներ, որին հաջորդել է քննարկում ոլորտում նախատեսվող բարեփոխումների վերաբերյալ:

HayNews.am
 
Նմանատիպ նորություններ
ՍԱՊԾ աշխատակիցները տեսչական մարմնի խորհդրի կազմի ընտրության հետ կապված դժգոհություն ունեն. բաց նամակով դիմել են վարչապետին
20 Հունիսի 2018 - 20:17
ՀՀ գյուղատնտեսության նախարարության սննդամթերքի անվտանգության պետական ծառայության աշխատակիցները բաց նամակով են դիմել վարչապետ Նիկոլ Փաշինյանին:
Մոսկվան կշարունակի կառուցողական ներդրում ունենալ ղարաբաղյան խնդրի լուծման գործում
20 Հունիսի 2018 - 20:12
Ռուսաստանը, որպես ԵԱՀԿ Մինսկի խմբի անդամ, լիովին հավատարիմ է ղարաբաղյան հակամարտության կարգավորման գործնթացում իր՝ միջնորդի դերին: Այդ մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:
Եթե մեզ էս երկիրը ձեռ չբռնի, շատ ահավոր բան է լինելու. Արմավիրում կարկուտը գրեթե 100 տոկոսով վնասել է բերքը
20 Հունիսի 2018 - 20:10
Արմավիրի մարզում այսօր՝ հունիսի 20-ին տեղացած կարկուտը գրեթե հարյուր տոկոսով վնասել է բերքը: Այս մասին NEWS.am-ի հետ զրույցում ասաց Ամբերդի գյուղապետ Մանվել Բաբայանը:
Էլեկտրաէներգիայի սակագինը մասնակի կփոխհատուցվի. «Տաշիր» խմբի հայտարարությունը
20 Հունիսի 2018 - 20:09
Վարչապետ Նիկոլ Փաշինյանի հետ քննարկումների արդյունքում «Տաշիր» ընկերությունների խումբը որոշում է կայացրել ս.թ. հուլիսի 1-ից սոցիալապես անապահով ընտանիքներին տրամադրել էլեկտրաէներգիայի սակագնի մասնակի փոխհատուցում` 1 կվտ/ժ-ի դիմաց 10 դրամի չափով՝ ամսական մինչև 250 կվտ/ժ ծախսից:
Դերասան Յուրի Արոյանը մահացած է հայտնաբերվել Սանկտ Պետերբուրգում
20 Հունիսի 2018 - 19:57
«Բանդիտային Սանկտ Պետերբուրգ» հեռուստասերիալի դերասան Յուրի Արոյանը մահացած է հայտնաբերվել Սանկտ-Պետերբուրգում: Դերասանի մարմինն առանց բռնի մահվան արտաքին նշանների հայտնաբերել են հունիսի 19-ին Պոչտամսյակա փողոցի թիվ 6 շենքի բնակարանում: Հարեւանները հայտնել են, որ դերասանը չարաշահում էր ալկոհոլը:
Մեկ օրում բացահայտվել է 40 հանցագործության դեպք
20 Հունիսի 2018 - 19:55
Ըստ ոստիկանության օպերատիվ հաղորդագրությունների ամփոփագրերի` հունիսի 19-ից 20-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 40 դեպք։
Վահանաձև գեղձի հիվանդության հիմնական ախտանիշները
20 Հունիսի 2018 - 19:52
Վահանաձև գեղձը կարևոր է մարդու օրգանիզմի համար, քանի որ նրա հորմոնները այնպիսի գործառույթներ են կառավարում, ինչպիսիք են նյութափոխանակությունը և մարմինը էներգիայով ապահովելը՝ գրում է segodnya.ua-ը:
Բերման են ենթարկվել «օրենքով գողեր» և քրեական հեղինակություններ. հայտնաբերվել են զենք-զինամթերք, թմրամիջոցներ (տեսանյութ)
20 Հունիսի 2018 - 19:47
Ոստիկանության քրեական հետախուզության գլխավոր վարչությունում հարուցված քրեական գործի շրջանակներում՝ հունիսի 20-ին ոստիկանության մի շարք ստորաբաժանումների ծառայողներ, դատարանի որոշումներով, խուզարկություններ են կատարել, այսպես կոչված՝ <<օրենքով գողեր>>՝ <<Մանեթի տղա Սամվելիկ>> մականվամբ Սամվել Հարությունյանի, <<Աֆուլիկ>> մականվամբ Ռաֆայել Խոյեցյանի, <<Շահումյանցի Ժիրո>> մականվամբ Ժիրայր Բրուտյանի, <<Լեննականցի Սուրո>> մականվամբ Սուրեն Ավետիսյանի, <<Լեննականցի Արտյոմիկ>> մականվամբ Արտյոմ Ղազարյանի, <<Զապ>> մականվամբ Անդրանիկ Սողոյանի, <<Սևո>> մականվամբ Արմեն Մանուկյանի, <<Մասիվցի Անդիկ>> մականվամբ Անդրանիկ Հարությունյանի, <<Ալո>> մականվամբ Ալեքսանդր Մակարյանի, <<Գորիսեցի Արտեմիկ>> մականվամբ Արտեմ Դինունցի, <<Օշականցի Գևորիկ>> մականվամբ Գևորգ Մելիքյանի, <<Քոնչո>> մականվամբ Նորայր Փիլոյանի բնակարաններում։
1 | 2 | 3 | 4 | 5 | 6 | 7 | 8 | 9 | 10 | 11 | 11976
 
Լրահոս`