Facebook   Twitter
 
Ցանկացած երջանիկ տղամարդու կյանքում ամենամեծ դերը հենց կինը պետք է ունենա. Գնել Ուլիխանյան

Ցանկացած երջանիկ տղամարդու կյանքում ամենամեծ դերը հենց կինը պետք է ունենա. Գնել Ուլիխանյան

08 Մարտի 2018 - 19:40
Կանանց միջազգային տոնի կապակցությամբ դերասան Գնել Ուլիխանյանի պատմել է‚ թե ինչպես է նա պատրաստվում տոնական օրը անցկացնել կնոջ և դստեր հետ: Գրում է Life.panorama.am-ը:
Գնելը զրույցի սկզբում նախ նշեց, որ իր և բոլոր տղամարդկանց կյանքում կնոջ դերը շատ մեծ է.

«Կինն իմ կյանքում ամենակարևոր ու մեծ դերն ունի, և առհասարակ, կարծում եմ` ցանկացած երջանիկ տղամարդու կյանքում ամենամեծ դերը հենց կինը պետք է ունենա, իսկ ես ինձ երջանիկ տղամարդ եմ համարում: Եվ ընդհանրապես, լինի սիրելիի, մոր, թե դստեր տեսքով կնոջ նշանակությունը շատ մեծ է իմ կյանքում և փառք Աստծո այդ երեք ուղղություններով էլ ես հարուստ եմ. դրանում համոզվում եմ ամեն Աստծո օր»,- նշեց դերասանը:

Գնել Ուլիխանյանը նկատեց, որ հանուն սիրո պատրաստ է ամեն ինչի.
«Ես պատրաստ եմ անել անգամ անհնարինը, միայն թե կինս լինի երջանիկ և միշտ ժպտա: Ես ոչ միայն պատրաստ եմ ամեն ինչ անել, այլև հպարտությամբ կարող եմ նշել, որ դա միշտ եմ անում: Իմ կնոջ կյանքում ես անփոխարինելի տեղ ունեմ, և դրա մասին է վկայում մեր ամուր ընտանիքը»,- ընդգծեց նա:

Խոսելով Մարտի 8-ի մասին` Գնելը հիշեց այս տոնի հետ կապված մի պատմություն, որն, իր խոսքով, մշտապես ծիծաղելով է հիշում.

«Մի քանի տարի առաջ ընկերներով որոշել էինք մեր կանանց համար ռոմանտիկ օր կազմակերպել: Դե կանայք, ինչպես պետքն է, գեղեցկացել էին, պատրաստվել` հաշվի առնելով ամեն մի մանրուք, բայց մենք նախապես ոչ մի տեղ չէինք պայմանավորվել, իսկ մեր քաղաքում այդ օրը ոչ մի ազատ տեղ չգտանք: Արդյունքում ստիպված արդեն ուշ երեկոյան խինկալիանոցում նշեցինք Մարտի 8-ը, ճիշտ է` ռոմանտիկ երեկո չստացվեց, բայց կարևորը կուշտ հաց կերանք»,- ժպիտով պատմեց դերասանը:

Անդրադառնալով այսօր տոնը նշելուն և նվերներին` Գնել Ուլիխանյանը նշեց.

«Իհարկե, միշտ էլ հաճելի է նվերներ մատուցել ու ստանալ: Ես ու Աննան երբեք տոների չենք սպասում, որ իրար նվերներ մատուցենք: Մենք շատ հաճախ ենք միմյանց համար անակնկալներ մտածում ու անում, իհարկե, եթե անկեղծ լինեմ, ապա կխոստովանեմ, որ այդ հարցում Աննան ավելի ակտիվ է: Ինչ վերաբերվում է այսօրվա նվերին, արդեն մեկ շաբաթ առաջ եմ պատրաստել: Ի դեպ` առաջին տարին է, որ նվեր եմ պատրաստել ոչ միայն կնոջս, այլև դստերս` Մալվինայի համար: Պետք է խոստովանեմ, որ դա շատ հաճելի և պատասխանատու պահ էր ինձ համար: Հուսամ` նրանք կհավանեն հայրիկի նվերները»Զրույցի վերջում Գնելը հղեց նաև իր շնորհավորանքն ու բարեմաղթանքը.

«Շնորհավորում եմ առաջինը մայրիկիս և բոլոր հայ մայրերին, նրանց ամենակարեորը առողջություն եմ մաղթում: Շնորհավորում եմ նաև կնոջս և ուզում եմ կրկին ասել, որ շատ եմ սիրում նրան: Շնորհավորում եմ բոլոր հայ կանանց, քրոջս ու առհասարակ բոլոր քույրերին: Իսկ ամենկարևորն ու սրտանցը շնորհավորում եմ իմ աղջկան` Մալվինային, պապան աշխարհում ամենաշատը իրեն է սիրում»:

 
Նմանատիպ նորություններ
Գեղարքունիքում տղամարդը փորձել է բռնաբարել հարեւանուհուն. գործը դատարանում է
21 Հունիսի 2018 - 00:21
Գեղարքունիքի մարզում տղամարդը մեղադրվում է հարեւանուհուն բռնաբարելու փորձի մեջ:
Տատիկները գործած բաճկոնակներ էին բերում. Էջմիածնի դպրոցից ուղարկված ծանրոցների մի մասը հասել է զինվորներին (Տեսանյութ)
21 Հունիսի 2018 - 00:15
Երկու տարի առաջ 14-ամյա Անի Մելիքյանը եւ Էջմիածնի թիվ 4 դպրոցի իր ընկերները սնունդի եւ հագուստի մի քանի տասնյակ արկղ էին հավաքել սահմանին ծառայող զինվորների համար եւ նամակներ էին գրել նրանց համար: Զավեշտալի զուգադիպությամբ Անիի նամակը ստացել էր իր եղբայրը, ով այդ ժամանակ բանակում էր:
Ճամբարակում և Վահան գյուղում բնակիչները Պաշտպանին են ներկայացրել իրենց խնդիրները
21 Հունիսի 2018 - 00:12
Մարդու իրավունքների պաշտպան Արման Թաթոյանն հունիսի 20-ին այցելել է Գեղարքունիքի մարզ։
Շողեր Թովմասյանի խորհրդավոր գրառումը
20 Հունիսի 2018 - 23:51
Շոումեն Գրիշա Աղախանյանի կինը՝ երիտասարդ դերասանուհի Շողեր Թովմասյանն Instagram-ի էջում, story հավելվածում, որտեղ ինֆորմացիան պահպանվում է ընդամենը 24 ժամ, բավականին խորհրդավոր գրառում է կատարել:
Թող իմ անվան տակ հավայի չքցեն, որ իմ տնից զենք են հանել. Նորատուսցի Արա
20 Հունիսի 2018 - 23:46
Քրեական հեղինակություն Նորատուսցի Արա Բանդուրյանը Armtimes.com -ի զրույցում հերքեց իր բերման ենթարկվելու մասին տեղեկությունը՝ նշելով, որ ինքնակամ է ներկայացել ոստիկանություն:
Մանվել Գրիգորյանի կինը ուշագրավ մանրամասներ է պատմել. «Հրապարակ»
20 Հունիսի 2018 - 23:41
Մանվելի զինակիցներին Նազիկ Գրիգորյանն ասել է․ «Նկարահանումների մի մասն արվել է ամառանոցի պահեստում, մյուս մասը՝ ԵԿՄ-ի պահեստում, ու ցույց են տվել որպես ամառանոցի նկարահանում», իսկ «տուշոնկաներն ու զգուշչոնկաները» ժամանակին եղել են Դաշքեստանի (այդ մասում Մանվելը եւս տուն ունի) տունը նայող պառավի մոտ, նրան ասվել է՝ տղերքը կգան-կտանեն զինվորներին, բայց որ պառավը մեռել է, էդ ապրանքը մնացել-հնացել է, որոշել են բերել արջերին։
«Կոլխոզի նախագեք են՝ գեներալսկի հագուստներով». Սամվել Բաբայանը՝ վերջին բացահայտումների մասին (Տեսանյութ)
20 Հունիսի 2018 - 23:00
Արցախի հերոս, պաշտպանության բանակի հրամանատար Սամվել Բաբայանի համար անսպասելի չէր այն, ինչ ԱԱԾ-ն հայտնաբերել է Մանվել Գրիգորյանի ամառանոցի և տան պահեստներում:
1 | 2 | 3 | 4 | 5 | 6 | 7 | 8 | 11976
 
Լրահոս`