Facebook   Twitter
 
Մարտի 8-ին նախորդող օրերին դրամահավաքներ են եղել, սակայն գումարները վերադարձվել են ծնողներին՝ պատճառաբանությամբ, թե ստուգումներ են լինելու. Ա. Հարությունյան

Մարտի 8-ին նախորդող օրերին դրամահավաքներ են եղել, սակայն գումարները վերադարձվել են ծնողներին՝ պատճառաբանությամբ, թե ստուգումներ են լինելու. Ա. Հարությունյան

08 Մարտի 2018 - 20:09
Երևանի քաղաքապետարանի «Ելք» խմբակցության անդամ Արայիկ Հարությունյանը երեկ այցելել է Երևան քաղաքում գտնվող 1-ական մանկապարտեզ և դպրոց՝ պարզելու, թե արդյոք մարտի 8-ի հետ կապված դրամահավաքներ իրականացվել են:
Երկու տեղում էլ դրամահավաքներ որպես այդպիսին չեն արձանագրվել, սակայն ավելի ուշ մի շարք ծնողներ այլ մանկապարտեզներից ու դպրոցներից սոցիալական ցանցերի միջոցով տեղեկացել են, որ դրամահավաքներ են եղել, սակայն հետո գումարները վերադարձվել են՝ պատճառաբանությամբ, թե ստուգողներ են գալու:

Այս մասին Tert.am-ի հետ զրույցում հայտնեց Արայիկ Հարությունյանը, ով տևական ժամանակ ակցիաներ ու հետաքննություններ է իրականացնում նախակրթական և ուսումնական կրթական հաստատություններում կոռուպցիոն երևույթների վերաբերյալ:

«Դրամահավաք արձանագրելը շատ բարդ է, մանավանդ որ ծնողները հրաժարվում են, և այցելած 2 վայրում էլ ո՛չ դրամահավաք, ո՛չ նվիրատվություն չի եղել, բայց օրվա ընթացքում ծնողները կապ հաստատեցին ինձ հետ՝ նշելով, որ նախորդ օրերին դրամահավաքների գումարները վերադարձվել են՝ պատճառաբանությամբ, թե ստուգումներ են իրականացվելու, դրա համար էդ գումարները հետ ենք վերադարձնում:

Ենթադրում եմ, որ զգուշացվել են, որ կարող է այցելություններ լինեն մանկապարտեզ, և դրա համար, «շառից հեռու», մի՛ իրականացրեք այդ դրամահավաքները: Վերջինը ենթադրության մակարդակի է, որովհետև ծնողներն էլ հրապարակային չեն»,- մանրամասնեց «Ելքի» ավագանու անդամը:

Գումարների չափը եղել է 1500-3000 դրամի սահմաններում:

Արայիկ Հարությունյանը հայտարարում է, որ այն, ինչ սկսվել է, շարունակական բնույթ է ունենալու:

«Որովհետև նաև կրթության խնդիր կա այստեղ. շատ ծնողներ դժվարությամբ են ընկալում դրամահավաքները կանխելու կոչը, նրանց թվում է, թե տարբեր վայրերում՝ դպրոց, մանկապարտեզ, դայակին կամ ուսուցչին գումար նվիրաբերելը լավություն է և աշխատանքի գնահատական է, բայց պետք է ծնողները հասկանան, որ էս երևույթները շատ բացասաբար են ազդում իրենց իսկ երեխաների հոգեբանության վրա: Եվ երեխաները փոքրուց փաստացի ականատեսն են լինում այն բանի, որ տարբեր խնդիրներ լուծելը, շնորհակալություն հայտնելը պետք է լինի դրամահավաքի միջոցով »,- ասում է ավագանու անդամը:

Հարությունյանի ամփոփմամբ՝ երեխաների մոտ կոռուպցիայի նկատմամբ դրական ընկալումները հենց ծնողների նման վարքից են գալիս:

Tert.am
 
Նմանատիպ նորություններ
Ըստ մահվան վկայականի՝ 5–ամսական երեխայի մահվան պատճառը սուր սրտային անբավարարությունն էր. Քննչական կոմիտե
19 Հունիսի 2018 - 19:52
ՀՀ քննչական կոմիտեի ԵՔՔՎ Արաբկիր վարչական շրջանի քննչական բաժնում քննություն է տարվում՝ պարզելու մանկահասակ երեխայի մահվան հանգամանքները։
Խոշոր ու ողբերգական ավտովթար Արարատի մարզում. ճակատ-ճակատի բախվել են Toyota Camry-ն ու Mercedes-ը. կա 1 զոհ, 2 վիրավոր
19 Հունիսի 2018 - 19:50
Այսօր՝ հունիսի 19-ին, խոշոր ու ողբերգական ավտովթար է տեղի ունեցել Արարատի մարզում։ Ժամը 16։30-ի սահմաններում Դալար-Այգեստան գյուղամիջյան ճանապարհի 2-րդ կմ հատվածում ճակատ-ճակատի բախվել են Mercedes մակնիշի 34 ՏN 416 համարանիշի և Toyota Camry մակնիշի տրանզիտ համարանիշներով ավտոմեքենաները։
Սուրեն Պապիկյանն աշխատանքային խորհրդակցություն է անցկացրել մարզպետների մասնակցությամբ
19 Հունիսի 2018 - 19:48
Տարածքային կառավարման և զարգացման նախարար Սուրեն Պապիկյանի մոտ հունիսի 19-ին տեղի է ունեցել աշխատանքային խորհրդակցություն` ՀՀ մարզպետների մասնակցությամբ:
Լարա Առաքելյանը և Տարոն Կոխլիկյանը ևս աշխատանքից ազատման դիմում են ներկայացրել
19 Հունիսի 2018 - 19:47
Հանրային հեռուստաընկերության «Օրակարգ» լրատվական ծրագրի մեկնաբան Լարա Առաքելյանը ֆեյսբուքյան իր էջի միջոցով տեղեկացրել է, որ ազատվել է աշխատանքից` համաձայն սեփական դիմումի:
ՀՀ ՊՆ N զորամասի հրամանատարին մեղադրանք է առաջադրվել՝ շորթմամբ կաշառք ստանալու համար
19 Հունիսի 2018 - 19:27
ՀՀ քննչական կոմիտեի զինվորական քննչական գլխավոր վարչության հատկապես կարևոր գործերով քննության վարչությունում քննվող քրեական գործով մեղադրանք է առաջադրվել ՀՀ ՊՆ N զորամասի հրամանատարին՝ կոչումով փոխգնդապետ, շորթմամբ առանձնապես խոշոր չափերով կաշառք ստանալու համար:
Պետնախարար Մարտիրոսյանը գյուղոլորտի պատասխանատուներին հանձնարարել է վերագնահատել գործող ծրագրերի արդյունավետությունը
19 Հունիսի 2018 - 19:25
Հունիսի 19-ին Արցախի Հանրապետության պետական նախարար Գրիգորի Մարտիրոսյանը գյուղատնտեսության ոլորտի պատասխանատուների հետ անցկացրել է աշխատանքային խորհրդակցություն։
GIZ-ի ծրագրերը Հայաստանի գյուղատնտեսության ոլորտում շարունակական կլինեն
19 Հունիսի 2018 - 19:14
Խաղողագործությունն ու գինեգործությունը Հայաստանի համար ռազմավարական նշանակություն ունեն: ՀՀ գյուղատնտեսության նախարար Արթուր Խաչատրյանն այս մասին ասել է այսօր՝ հունիսի 19-ին Հայաստանում Գերմանիայի միջազգային համագործակցության ընկերության (GIZ) գրասենյակի ղեկավար Աննա Կեմպայի և Հայաստանի թիմի ղեկավար Վիլհելմ Հյուգոյի հետ հանդիպման ժամանակ:
Վարչապետը ծանոթացել է «Սինոփսիս Արմենիա»-ի գործունեությանը
19 Հունիսի 2018 - 19:11
Վարչապետ Նիկոլ Փաշինյանն այցելել է «Սինոփսիս Արմենիա» ընկերություն: Կառավարության ղեկավարը շրջայց է կատարել տեղեկատվական տեխնոլոգիաների ոլորտի առաջատար ձեռնարկություններից մեկի ուսումնական և արտադրական դեպարտամենտներում, ծանոթացել ընթացիկ և հեռանկարային ծրագրերին, ՏՏ ոլորտի զարգացմանն ուղղված նոր նախաձեռնություններին:
1 | 2 | 3 | 4 | 5 | 6 | 7 | 8 | 11956
 
Լրահոս`