Facebook   Twitter
 
2017-ի բյուջեի կատարողականը ներկայացվել է Արցախի ԱԺ քննարկմանը. Տնտեսական աճը՝ 15,6 տոկոս

2017-ի բյուջեի կատարողականը ներկայացվել է Արցախի ԱԺ քննարկմանը. Տնտեսական աճը՝ 15,6 տոկոս

16 Մայիսի 2018 - 16:29
Մայիսի 16-ին Արցախի Հանրապետության Ազգային ժողովում մեկնարկել են ԱՀ 2017թ.-ի պետական բյուջեի կատարման տարեկան հաշվետվության քննարկումները: Նիստը վարել է գլխադասային՝ ֆինանսաբյուջետային եւ տնտեսական կառավարման հարցերի մշտական հանձնաժողովի նախագահ Ռուսլան Իսրայելյանը:
Արցախի ֆինանսների նախարար Գրիգորի Մարտիրոսյանը, ներկայացնելով նախորդ տարվա մակրոտնտեսական ցուցանիշները, նշել է, որ 2017թ.-ին համախառն ներքին արդյունքը (ՀՆԱ) կազմել է 272,1մլդ դրամ, մեկ շնչի հաշվով արձանագրվել է 3844,8 ԱՄՆ դոլլար ՀՆԱ-ի ցուցանիշ, որով առաջին անգամ Արցախը գրեթե հավասարվել է Հայաստանում արձանագրված համապատասխան ցուցանիշին:

«ՀՆԱ-ի այդպիսի ծավալը հնարավորություն տվեց արձանագրել տնտեսական աճի բավականին բարձր տեմպ՝ 15,6%-ի չափով»,- իր ելույթում ընդգծել է նախարարը:

Գրիգորի Մարտիրոսյանի տեղեկացմամբ՝ տնտեսական աճի ընդհանուր ցուցանիշի վրա հիմնական ներգործությունը հանքարդյունաբերության ոլորտինն է եղել, որը կազմել է 10 տոկոսային կետ: Տարին եզրափակվել է 15,4% տնտեսական աճի ցուցանիշով:

Արդյունաբերության ոլորտի իրական աճը կազմել է 54,8%, ինչը հնարավորություն է տվել արձանագրել 97, 5մլդ դրամ արտադրության ծավալ:

Միջին ամսական աշխատավարձը կազմել է 155 հազ 433 դրամ, աճը արձանագրվել է 1,8%-ի չափով:

Պետական բյուջեի սեփական եկամուտները կազմել են 41մլդ 355,9մլն դրամ, կամ պլանավորված ցուցանիշը գերակատարվել է 6,6%-ով: Բյուջեի եկամուտի գերակշիռ մասը կազմել են հարկային եկամուտները: Դեֆիցիտը կազմել է 3մլդ 305,2 մլն դրամ՝ նախորդ տարվա համեմատ նվազելով 387մլն դրամով:

Բյուջեի ծախսերի ընդհանուր ծավալը կազմել է 92մլդ 98,1մլն դրամ, կամ ապահովվել է ճշտված ցուցանիշի 96,5%-ը: Նախորդ տարվա պետական բոյւջեի համեմատ ծախսերն աճել են 8,8 կետով: Նախարարի խոսքով՝ աճին նպաստել են ոչ ֆիինանսական ակտիվների ծախսերը:

«2017թ-ի բյուջեն եզրափակել ենք առանց էական պարտավորությունների»,-կարեւորել է Գրիգորի Մարտիրոսյանը:

Պատգամավորները ֆինանսների նախարարին են առաջադրել բյուջետային ծախսերի օպտիմալացմանը, որոշ ոլորտների ֆինանսավորման նվազմանը եւ աշխատավարձերի բարձրացման հնարավորություններին վերաբերող հարցեր:

Հնչած որոշ հարցերի պարզաբանմամբ հանդես է եկել պետական նախարար Արայիկ Հարությունյանը, ով ներկայացրել է նաեւ տնտեսության տարբեր ոլորտներին վերաբերող համառոտ վերլուծություն ու նույնպես պատասխանել պատգամավորների հարցերին:

Բյուջեի կատարողականի վերաբերյալ քննարկումները կշարունակվեն ԱԺ մշտական հանձնաժողովներում:

HayNews.am
 
Նմանատիպ նորություններ
Վարդենյաց լեռնանցքը փակ է, Թալին-Լանջիկ-Մաստարա ավտոճանապարհին բուք է
25 Մարտի 2019 - 09:07
Արտակարգ իրավիճակների նախարարությունը տեղեկացնում է, որ մարտի 24-ին, ժամը 23:00-ի դրությամբ ՀՀ տարածքում կան փակ և դժվարանցանելի ավտոճանապարհներ:
Հանրապետության մի շարք ավտոճանապարհներին ձյուն է տեղում
24 Մարտի 2019 - 21:03
ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ Սևանի, Դիլիջանի, Իջևանի, Հրազդանի, Աշոցքի, Լոռու, Սպիտակի, Ստեփանավանի, Արագածի, Ապարանի տարածաշրջանների ավտոճանապարհներին ձյուն է տեղում:
Արտարժույթների փոխարժեքներ մարտի 24-ի դրությամբ
24 Մարտի 2019 - 12:02
Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքներ մարտի 24-ի դրությամբ՝ ըստ rate.am-ի:
Լարսը փակ է բոլոր տեսակի ավտոմեքենաների համար
24 Մարտի 2019 - 10:18
Այսօր՝ մարտի 24-ին, ժամը 08:50-ի դրությամբ ՀՀ տարածքում կան դժվարանցանելի ավտոճանապարհներ: Այս մասին տեղեկանում ենք ԱԻՆ պաշտոնական կայքից:
ՀՀ տարածքում կան դժվարանցանելի ավտոճանապարհներ
24 Մարտի 2019 - 09:49
Արտակարգ իրավիճակների նախարարությունը տեղեկացնում է, որ մարտի 24-ին՝ ժամը 08:30-ի դրությամբ, ՀՀ տարածքում կան դժվարանցանելի ավտոճանապարհներ:
Վարդենյաց լեռնանցքը ծանրաքաշ և կցորդիչով մեքենաների համար փակ է
23 Մարտի 2019 - 18:03
Մարտի 23-ին՝ ժամը 17:00-ի դրությամբ, Վարդենյաց լեռնանցքը ծանրաքաշ և կցորդիչով տրանսպորտային միջոցների համար փակ է:
Հայաստանում ջերմաստիճանի նվազումը գյուղատնտեսության մեջ մի փոքր դադարի պատճառ դարձավ. փոխնախարար
23 Մարտի 2019 - 10:53
Ջերմաստիճանի նվազումը դարձավ ոչ մեծ արտադրական դադարի պատճառ, ինչը կարելի է գնահատել որպես դրական երեւույթ: Այսպիսի կարծիք հայտնեց գյուղատնտեսության փոխնախարար Գառնիկ Պետրոսյանը:
Վարդենյաց լեռնանցքը փակ է միայն բեռնատարների համար
23 Մարտի 2019 - 09:39
Արտակարգ իրավիճակների նախարարությունը տեղեկացնում է, որ մարտի 23-ին՝ ժամը 08:30-ի դրությամբ ՀՀ տարածքում կան փակ և դժվարանցանելի ավտոճանապարհներ:
Samsung-ը հայտնել է Galaxy S10 5G սմարթֆոնի թողարկման ամսաթիվն ու արժեքը
22 Մարտի 2019 - 22:26
Հարավկորեական Samsung ընկերության Galaxy S10 5G նորագույն սմարթֆոնը Հարավային Կորեայում վաճառքի կհանվի ապրիլի 5-ին: Այս մասին ասվում է SamMobile կայքում հրապարակված հայտարարության մեջ:
1 | 2 | 3 | 4 | 5 | 6 | 7 | 8 | 818
 
Լրահոս`
 
 
 
 
 
 
 
 
 
 
 
 
 
 
 
 
 
Ջրանջատում Լոռու մարզում
Հասարակություն