Facebook   Twitter
 
Ցանկացած հայրենասեր մարդ պետք է ամեն ինչ անի, որ կառավարությունը հանկարծ չձախողի. Գեւորգ Կոստանյան

Ցանկացած հայրենասեր մարդ պետք է ամեն ինչ անի, որ կառավարությունը հանկարծ չձախողի. Գեւորգ Կոստանյան

16 Մայիսի 2018 - 22:39
Վարչապետ Նիկոլ Փաշինյանի գլխավորած կառավարությունը կարելի է ձեւավորված համարել։ Գործադիրի կազմում հիմնականում երիտասարդ կադրեր են, որոնք համակարգում նոր դեմքեր են։ Որոշ նշանակումներ ոգեւորել են նաեւ ՀՀԿ խմբակցության պատգամավոր, նախկին Գլխավոր դատախազ Գեւորգ Կոստանյանը։
NEWS.am–ի հետ զրույցում նախկին իշխանության ներկայացուցիչը մանրամասնել է՝ ինչ ակնկալիքներ ունի կառավարությունից։

Պարոն Կոստանյան, կառավարության նախարարների մեծ մասը երիտասարդ է, կառավարման համակարգում անփորձ։ Ի՞նչ կարծիք ունեք Փաշինյանի նշանակումների մասին։

Երիտասարդ լինելը երբեք չեմ համարել թերություն, ես իմ զբաղեցրած պաշտոններում ամենաերիտասարդ ղեկավարն եմ եղել։ Ինչ վերաբերում է կադրային նշանակումներին, ում ես անձնապես ճանաչում եմ, օրինակ Արտակ Զեյնալյանին, Արտակարգ գործերի նախարար Զոհրապ Մնացականյանին, Դավիթ Տոնոյանին, ԱԱԾ տնօրեն Արթուր Վանեցյանին, ես ողջունում եմ էդ նշանակումները, միանշանակ։

Համարում եք, որ նրանք Նիկոլ Փաշինյանի լավագույն կադրե՞րն են։

Միանշանակ, իսկ մյուսներին չեմ ճանաչում, դրա համար չեմ կարող գնահատական տալ, բայց ես վստահ եմ՝ կարճ ժամանակ անց մենք գնահատական կտանք նրանց աշխատանքներին։

Ոստիկանապետի պաշտոնում Վալերի Օսիպյանի նշանակմանը ինչպե՞ս եք վերաբերում։ Նա փորձառու է ցույցեր ցրելու գործում։

Պրոֆեսիոնալ հարթության վրա ինձ համար դժվար է գնահատել, դա ժամանակը ցույց կտա, որովհետեւ ես Օսիպյանի պրոֆեսիոնալ գործունեությունը նաեւ իմ Գլխավոր դատախազ եղած ժամանակ չեմ հասցրել գնահատեմ, բայց մարդկային եւ բարոյական հատկանիշների առումով, միանշանակ, ողջունում եմ։ Ազնիվ տղա է, պարկեշտ է։ Ոչ մի նշանակում ինձ համար անակնկալ չի եղել։

Դուք՝ հանրապետականներդ, Փաշինյանի կառավարության վերաբերյալ մտահոգություններ էիք հայտնում հատկապես պետության անվտանգության, արտաքին քաղաքականության առումով։ Ձեզ մտահոգող ոլորտներում նշանակումները ողջունում եք, կարո՞ղ ենք ասել, որ փարատվեցին այդ մտահոգությունները։

Այդ բոլոր անձինք, որոնց թվարկեցի ու ճանաչում եմ, շատ լավ գիտեմ նրանց ե´ւ մարդկային, ե´ւ բարոյական, ե´ւ պրոֆեսիոնալ հատկանիշները։ Ես վստահ եմ, որ նրանց գործունեությունը, միանշանակ, մեր երկրին օգուտ է բերելու, բայց կառավարութան գործունեությունը համակցության մեջ է գնահատվում, հետեւաբար կառավարության գործունեությունը գնահատելը դեռեւս վաղ է, բայց այն, որ դրական ակնկալիքներ ձեւավորել են, այո, այդպես է։

Ի՞նչ ժամկետում եք ակնկալում բարեփոխումներ։

Ժամկետով դա դժվար է ասել, երկիրը բավականին լուրջ մարտահրավերների առաջ է կանգնած, եւ որ մեր հասարակությունը էսքան ցնծություն է ապրում, դա այնքան ողջունելի է եւ դա նաեւ կրկնակի պատասխանատու է դարձնում այդ նույն կառավարությանը։ Հետեւաբար մարդիկ չեն սպասում ՝ ինչ է լինելու վեց ամիս անց, որ տեսնեն՝ ինչ էլինելու, այլ ամեն օր են սպասում, ես էլ ամեն օր սպասում եմ ինչ–որ քայլերի։

Պարոն Կոստանյան, տեղեկություններ կան, որ նախկին իշխանության շարքերում կան մարդիկ, որոնք անհամբեր սպասում են Փաշինյանի կառավարության ձախողվելուն, որ արդարացնեն Սերժ Սարգսյանի եւ նրա իշխանության անփոխարինելիությունը։ Իրականում կա՞ն այդպիսի սպասումներ։

Ես կարծում եմ, որ հայրենասեր մարդը չի կարող ուրախանալ Նիկոլ Փաշինյանի կամ որեւէ այլ վարչապետի ձախողումներով։ Ես ասեցի՝ ով կլինի վարչապետը, նրա ձախողումը երկրի համար կործանարար է։ Ո՞վ կուզենա, որ երկրի վարչապետը ձախողի։ Եթե Նիկոլ Փաշինյանը որպես վարչապետ ձախողեց կառավարությունը, դա ուղղակիորեն իմ վրա էլ է անդրադառնալու եւ բոլորի վրա։ Ցանկացած հայրենասեր մարդ պետք է ամեն ինչ անի, որ կառավարությունը հանկարծ չձախողի։ Կապ չունի դա քեզ համար ընդունելի ուժի, թե՞ չընդունելի ուժի կառավարություն է։

Նիկոլ Փաշինյանի այցը Սոչի տպավորել էր շատերին, նրան ընդունեցին մեծ ոգեւորությամբ։ Ի՞նչ եք կարծում լեգիտիմ ղեկավարի դեպքում հայ–ռուսական հարաբերություններում Հայաստանի դիրքերը կբարելավվե՞ն, եւ, առհասարակ, միջազգային հարաբերություններում։

Աշխարհաքաղաքական տեսակետից վերլուծություններն ինձ համար մի քիչ դժվար է, բայց ժողովրդի լայն զանգվածների հարգանքը վայելելը ես չեմ կարծում, որ միջազգային հարաբերությունների կազմակերպման տեսակետից մեծ նշանակություն ունի։ Կապ չունի՝ իշխանությունը ինչ չափով է լեգիտիմ, Ռուսաստանը, Ղազախստանը, Բելառուսը, այլ երկրներ Հայաստանի հետ հարաբերակցվում են իրենց շահերի տեսակետից։ Հիմա եթե իշխանությունը էստեղ լեգիտիմ է, կամ լեգիտիմ չէ, փոխվեցի՞ն էդ շահերը։

Նշանակություն չունի՞, թե այդ շահերի թիրախում գտնվող պետության ղեկավարի դիրքերը որքան ամուր են իր երկրում, ժողովրդի շրջանում։

Դա քո երկրի շահերի արտահայտման դեպքում, իրենց շահերը չի փոխվում։ Այլ հարց է, որ դու ուժեղ ես, կարող ես քո շահերը առաջ տանել, բայց իրենց շահերը չի փոխվում։
 
Նմանատիպ նորություններ
ԱՀԿ-ն հայտնել է՝ որն է ամենամահացու հիվանդությունն աշխարհում
20 Սեպտեմբերի 2018 - 00:02
Մոլորակի ամենամահացու հիվանդությունը տուբերկուլյոզն է, ինչպես ասվում է Առողջապահության համաշխարհային կազմակերպության հաշվետվության մեջ:
«Վանաձոր» քրեակատարողական հիմնարկի դատապարտյալները մասնակցել են սեղանի թենիսի մարզական միջոցառման
20 Սեպտեմբերի 2018 - 00:00
Հայաստանի Հանրապետության Անկախության տոնի 27-րդ տարելիցին ընդառաջ՝ «Վանաձոր» քրեակատարողական հիմնարկում սեպտեմբերի 18-ին կազմակերպվել է մարզական միջոցառում՝ սեղանի թենիս, ինչին դատապարտյալները մասնակցել են մեծ ոգևորությամբ և ակտիվությամբ:
Գիտնականները պարզել են Ջեյմս Կուկի «Ինդեվըր» նավի մնացորդների գտնվելու հավանական վայրը
19 Սեպտեմբերի 2018 - 23:58
Բրիտանացի հետազոտող և ծովագնաց Ջեյմս Կուկի «Ինդեվըր» նավի գտնվելու հավանական վայրը նախանշվել է 17 000 կմ հեռավորության վրա այն երկրից, որի հետ այն ամենից շատ է ասոցացվում:
Բիկինիով Ռիտա Օրան պարծենում է անթերի մարմնով
19 Սեպտեմբերի 2018 - 23:55
Բրիտանացի երգչուհի Ռիտա Օրան ոչ միայն համաշխարհային երգարվեստում առանձնանաում է իր հրաշալի ձայնով, այլեւ կրքոտ կերպարներով:
Պերուում երկգլխանի շնիկ է լույս աշխարհ եկել
19 Սեպտեմբերի 2018 - 23:53
Պերուում արտասովոր շնիկ է ծնվել՝ երկու իրար հետ ներաճած գլուխներով։ Այս մասին գրում է The Daily Star–ը։
Թրամփը հայտարարել է Կիմ Չեն Ընի հետ նոր հանդիպման մասին
19 Սեպտեմբերի 2018 - 23:50
ԱՄՆ նախագահ Դոնալդ Թրափը հայտարարել է, որ մոտ ապագայում հանդիպում կանցկացնի Հյուսիսային Կորեայի ղեկավար Կիմ Չեն Ընի հետ: INTERFAX.RU-ի հաղորդմամբ՝ այս մասին նախագահն ամերիկացի լրագրողներին հայտնել է Հյուսիսային Կարոլինա կատարած այցի ժամանակ:
ՉԼ. «Վալենսիա» - «Յուվենտուս». Ռոնալդուն հեռացվեց
19 Սեպտեմբերի 2018 - 23:49
Չեմպիոնների լիգայի խմբային մրցաշարի առաջին տուրի «Վալենսիա» - «Յուվենտուս» հանդիպման 29-րդ րոպեին կարմիր քարտ ստացա հյուրերի պորտուգալացի հարձակվող Կրիշտիանու Ռոնալդուն:
Հրազդանում չարաշահումները, նախնական տեղեկություններով, հատել են եռանիշ թվի սահմանը
19 Սեպտեմբերի 2018 - 23:47
Աուդիտորական ընկերությունն ուսումնասիրություն է կատարում Հրազդան քաղաքում կատարված չարաշահումները բացահայտելու ուղղությամբ:
«Սերը մնում է միշտ». Սարգիս Գրիգորյանի ու կնոջ ջերմ լուսանկարը
19 Սեպտեմբերի 2018 - 23:36
Սարգիս Գրիգորյանն իր Instagram-ում հերթական լուսանկար է հրապարակել, որի միջոցով սեր է խոստովանել կնոջը:
1 | 2 | 3 | 4 | 5 | 6 | 7 | 8 | 23773
 
Լրահոս`
 
 
 
 
 
 
 
 
 
 
 
 
 
Պուտինը կրակել է դիպուկահար հրացանից
Միջազգային, Հասարակություն