Facebook   Twitter
 
Ալավերդու պղնձաձուլարանի աշխատակիցները դադարեցրել են բողոքի ակցիան. Խնդիրը լուծված չէ

Ալավերդու պղնձաձուլարանի աշխատակիցները դադարեցրել են բողոքի ակցիան. Խնդիրը լուծված չէ

11 Հոկտեմբերի 2018 - 15:00
Ալավերդու պղնձաձուլարանի աշխատակիցները Լոռու փոխմարզպետի հետ հանդիպումից հետո հոկտեմբերի 10-ին դադարեցրել են բողոքի ակցիան, բացել միջպետական ճանապարհը եւ երկաթգիծը, հաղորդում է «ԷկոԼուրը»:
Պղնձաձուլարանի աշխատակիցների բողոքի ակցիայի պատճառը գործարանի փակման մասին լուրերն էին: ԷկոԼուրի հետ զրույցում «Համայնքային համախմբման եւ աջակցության կենտրոն» ՀԿ-ի տնօրեն Օլեգ Դուլգարյանը հայտնեց, որ գործարանի ճակատագրի վերաբերյալ հստակ պատասխաններ աշխատակիցներին չեն տրվել: Վերջիններս նշել են, որ կշարունակեն բողոքի ակցիաներ իրականացնել, եթե գործարանի փակման հարցը շարունակվի շրջանառվել:

Պղնձաձուլարանի փակման վերաբերյալ լուրերը եւ պատճառները հստակ հայտնի չեն: Աշխատակիցների շրջանում շրջանառվող խոսակցությունների համաձայն` պատճառը Բնապահպանության եւ ընդերքի տեսչական մարմնի կողմից նշանակված 380 միլիոն դրամի տուգանքն է:

Բնապահպանության եւ ընդերքի տեսչական մարմնի ղեկավար Արթուր Գրիգորյանը ԷկոԼուրին ասաց, որ պղնձաձուլարանը շահագործող «ԷՅ-ՍԻ-ՓԻ» ընկերությունը տուգանքի վերաբերյալ առարկություն տեսչական մարմնին չի ներկայացրել:

Տեսչական մարմնի ղեկավարը նշեց, որ ընկերությունն ունի թույլտվություն տարեկան արտանետելու մոտ 6000 տոննա ծծմբային անհիդրիդ, սակայն արտանետում է 33.000 տոննա: «Ընկերությունն ասում է` ավելի ցածր չեմ կարող արտանետել: Ուզում է ստանալ թույլտվություն 38.000 տոննա արտանետելու, ինչին ես ինքս դեմ եմ», - ասաց Արթուր Գրիգորյանը:

Ալավերդու պղնձաձուլական գործարանը շահագործող «ԷՅ-ՍԻ-ՓԻ»-ն Վալլեքս խմբի ընկերություններից է: Պղնձաձուլարանը, ինչպես Վալլեքսին պատկանող «Թեղուտ» ՓԲԸ-ի գույքը, գրավադրված է ռուսական ՎՏԲ բանկում: «Հետք»-ի հետ զրույցում «Վալլեքս» խմբի ընկերությունների փոխնախագահ Սահակ Կարապետյանը ի պատասխան հարցի` կհաջողվի՞ գործարանը «փրկել» բանկի գրավից, ասել է. «Կդժվարանամ այդ հարցին հստակ պատասխանել՝ կհաջողվի, թե ոչ: Բայց մենք այդ ուղղությամբ աշխատում ենք»:

HayNews.am
 
Նմանատիպ նորություններ
10-12 ժամ ջուր չի լինելու Աջափնյակ եւ Մալաթիա-Սեբաստիա վարչական շրջաններում. Նոր ջրագիծ են անցկացնում
18 Հոկտեմբերի 2018 - 09:59
Վեոլիա Ջուր ընկերությունը տեղեկացնում է իր հաճախորդներին եւ սպառողներին, որ Աջափնյակ վարչական շրջանում՝ Հյուսիս-Հարավ ավտոճանապարհի Արեւմտյան օղակաձեւ հատվածում ջրագծի շրջանցման պլանային աշխատանքներով պայմանավորված ս.թ. հոկտեմբերի 18-ին ժամը 10.00-22:00 կդադարեցվի Սիլիկյան թաղամասի 1, 2, 3 փողոցների, Լուկաշին թաղ. Լուկաշին ու թիվ 1, 2, 3 փողոցների, Գ. Զոհրապ, Չուխաջյան փողոցների, Հասրաթյան փողոցի 25/2, 25/4, 25/6 շենքերի ջրամատակարարումը:
«Ժողովուրդ». «Դանակավորները շատացել են». Արմեն Դանիելյանը դատի է տվել Սերժ Սարգսյանին
18 Հոկտեմբերի 2018 - 09:51
«Ժողովուրդ» թերթը գրում է. ««Ժողովուրդ» օրաթերթին հայտնի դարձավ, որ հոկտեմբերի 15-ին ՀՀ Գլխավոր դատախազի նախկին տեղակալ Արմեն Դանիելյանը դիմել է ՀՀ վարչական դատարան` ընդդեմ ՀՀ նախագահ Սերժ Սարգսյանի և ՀՀ կառավարության, որի մասին հրաժարվեց խոսել: Նա իր հայցով պահանջում է, որ դատարանը ՀՀ Նախագահի 2013 թվականի հոկտեմբերի 15-ի հրամանագիրը առ ոչինչ ճանաչի:
Վիդալը տուգանվել է 800 հազար եվրոյով
18 Հոկտեմբերի 2018 - 09:44
«Բարսելոնայի» կիսապաշտպան Արտուրո Վիդալը տուգանվել է 800 հազար եվրոյով գիշերային ակումբում ծեծկռտուքի համար։ Այս մասին հայտնում է TZ-ը:
Լաուդրուպն իր ծառայություններն է առաջարկել Ռեալին
18 Հոկտեմբերի 2018 - 09:39
Մադրիդի «Ռեալում» հնարավոր է մարզչական փոփոխություն լինի:
Աստղագուշակ հոկտեմբերի 18-ի համար
18 Հոկտեմբերի 2018 - 09:09
Խոյ: Հրաշալի օր է ընտանեկան հավաքույթների համար: Կարող եք տեսակցության գնալ նրանց, ում վաղուց չեք հանդիպել:
Վարկային միությունների միջազգային օրը
18 Հոկտեմբերի 2018 - 09:04
Ամեն տարի հոկտեմբերի 3-րդ հինգշաբթի օրը բոլոր տեսակի սպառողական կոոպերատիվները նշում են իրենց մասնագիտական տոնը՝ Վարկային միությունների միջազգային օրը
1 | 2 | 3 | 4 | 5 | 6 | 7 | 8 | 13723
 
Լրահոս`
 
 
 
 
Վիդալը տուգանվել է 800 հազար եվրոյով
Սպորտ, Հասարակություն