Facebook   Twitter
 
Հայտարարագիր չներկայացնելու վատ սովորույթի մի քանի գործոնները. «Փաստ»

Հայտարարագիր չներկայացնելու վատ սովորույթի մի քանի գործոնները. «Փաստ»

09 Նոյեմբերի 2018 - 09:58
«Փաստ» օրաթերթը գրում է.
«Փաստն» իր նախորդ համարներից մեկում անդրադարձել էր Բարձրաստիճան պաշտոնատար անձանց էթիկայի հանձնաժողովին հայտարարագրեր չներկայացրած նախկին և ներկա պաշտոնյաների թվին: Հանձնաժողովը խոստացածի համաձայն իր պաշտոնական կայքում արդեն հրապարակել է նաև նրանց անունները:

Ինչպես տեղեկանում ենք ցանկից, 2018 թ. նոյեմբերի 6–ի դրությամբ պաշտոնական պարտականությունները ստանձնելու հայտարարագրեր չներկայացրած անձանց շարքում գերակշռողը ՊԵԿ աշխատակիցներն են: Նրանց թվում են ՊԵԿ նախագահի տեղակալ Շուշանիկ Ներսիսյանը, ՊԵԿ օպերատիվ հետախուզության վարչության Արագածոտնի բաժնի պետի տեղակալ Լյովա Գրիգորյանը, ՊԵԿ Արևել յան մաքսատուն– վարչության Բագրատաշենի մաքսային կետ բաժնի 4–րդ բաժանմունքի գլխավոր մաքսային տեսուչ Սևակ Խաչատրյանը: Ցանկում կան նաև իրավապահ համակարգի ներկայացուցիչների անուններ: Ընդհանուր առմամբ, օրենքով նախատեսված 30–օրյա ժամկետի ավարտից հետո պաշտոնեական պարտականությունները ստանձնելու հայտարարագիր չի ներկայացրել 7 անձ իսկ պաշտոնեական պարտականությունները դադարեցնելու հայտարարագիր՝ 29:

Հետաքրքրական է նաև պաշտոնեական պարտականությունները դադարեցնելու վերաբերյալ հայտարարագիր չներկայացրած նախկին պաշտոնյաների ցանկը, որտեղ կան նաև նախկին ՀՀ գլխավոր ռազմական տեսուչ Միքայել Հարությունյանի, Էջմիածնի նախկին քաղաքապետ Կարեն Գրիգորյանի, մշակույթի նախկին փոխնախարար Արև Սամուել յանի անունները: Այդ ցանկում են նաև նախկին ՊԵԿ պաշտոնյաներ, իրավապահ համակարգի նախկին ներկայացուցիչներ: Այս իմաստով կարելի է արձանագրել, որ հայտարարագիր չներկայացնելու վատ սովորույթը, թերևս, դեռ շարունակվում է:

Բարձրաստիճան պաշտոնատար անձանց էթիկայի հանձնաժողովի նախագահ Սիրանույշ Սահակյանի հետ զրույցում, մինչ այս ցանկը հրապարակելը, փորձել էինք հասկանալ նաև հայտարարագիր ներկայացնելու ընթացակարգը:

«Փաստի» հետ զրույցում նա մանրամասնել է. «Օրենքը նախատեսում է մեկամսյա ժամկետ: Այսինքն՝ պաշտոնը ստանձնելու պահից 30–օրյա ժամկետում պետք է հայտարարագրերը ներկայացվեն: Պրակտիկայում հետևում են 30–օրյա ժամկետին, բայց ունենք դեպքեր, երբ 30–օրյա ժամկետից ուշ են ներկայացնում հայտարարագրերը: Նրանց վերաբերյալ տեղեկատվություն է հրապարակվում, իսկ չներկայացրածների վերաբերյալ նախատեսում ենք գործընթացեր. երկու վարչականից հետո նոր քրեական ներգործություն է սահմանվում: Որպես կանոն, առաջին վարչական ներգործությունից հետո ժամկետը խախտած պաշտոնյաները կամ փոխկապակցված անձինք հայտարարագրերը ներկայացնում են»:
Նրա խոսքով՝ հայտարարագրի ժամկետի պահպանումը կախված է մի քանի գործոններից:

«Օրինակ՝ շատ պատասխանատու պետք է լինեն իրենց կադրային ստորաբաժանումները, որպեսզի նշանակումների մասին պատշաճ տեղեկացում տան: Հաճախ նշանակումների կամ ազատումների մասին մենք ստանում ենք ուշացած տվյալներ. եթե տվյալը ուշ է ստացվում, համապատասխանաբար, ուշ է գեներացվում «pasword»–ը. մեր հայտարարագրման համակարգն էլեկտրոնային է, և պաշտոնյաները կարող են համակարգ մուտք գործել բացառապես իրենց հաշվով և գաղտնաբառերով: Այդ ստորաբաժանումների թերացումները շատ հաճախ անդրադառնում են պաշտոնատար անձանց կողմից սահմանված ժամկետում իրենց պարտականությունների կատարման վրա: Մենք համագործակցում ենք և համապատասխան հիշեցումներ, տեղեկացումներ ենք ուղարկում նաև կադրային ստորաբաժանումներին, որպեսզի իրենք օրենքով նախատեսված եռօրյա ժամկետը պահպանեն և նշանակումների, ազատումների և փոփոխությունների մասին մեզ անհապաղ տեղեկացնեն»,–ասաց նա:

Մանրամասները՝ «Փաստ» օրաթերթի այսօրվա համարում:

HayNews.am
 
Նմանատիպ նորություններ
«168 ժամ». Գազի գինը ՀՀ-ՌԴ հարաբերությունների մա­կարդակի ցուցիչն է. Կոնստան­տին Սիմոնով
23 Մարտի 2019 - 09:55
«Ռուսական կողմը և´ պաշտոնական, և´, վստահաբար, ոչ պաշտոնական հանդիպումների, ոչ պաշտոնական խողովակների միջոցով ՀՀ կառավա­րությանը հասկացրել է, որ գազի այն գինը, որ Հայաստանը մշտապես ստացել է և ներկայումս էլ ստանում է, ամենաէժաններից է, այն բարձրա­ցումը, որը տեղի ունեցավ, չնչին է և կարող է փոխհատուցվել Հայաստա­նում գոյություն ունեցող ընկերության կողմից, ինչն էլ հիմա տեղի է ունե­նում:
«Փաստ». Ի՞նչ արժողության ավտոմեքենա եւ բնակարան է ձեռք բերել գնումների բողոքարկման խորհրդի անդամը
23 Մարտի 2019 - 09:38
«Փաստ» թերթը գրում է. «ՀՀ գնումների բողոքարկման խորհրդի անդամ Մհեր Անանյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018թ. տարեկան հայտարարագիրը:
«Ժողովուրդ». Հարկային հավաքագրման տեմպերը դանդաղել են
23 Մարտի 2019 - 09:34
«Հարկային հավաքագրման տեմպերը որոշակի դանդաղել են:
«Ժողովուրդ». Գագիկ Հարությունյանի դեմ դուրս եկած դատավորներին լռեցնելու համար փորձելու են նրանց «տեղավորել» Սնանկության դատարանում
23 Մարտի 2019 - 09:22
«Երևանի ընդհանուր իրավասության դատարանի երկու դատավորներ՝ Կարինե Պետրոսյանն ու Ալեքսեյ Սուքոյանը, ԲԴԽ-ի դեմ դուրս եկան այն բանից հետո, երբ չընտրվեցին սնանկության գործերով դատարանի դատավոր:
«Ժամանակ». Ար­դարադատության 2 փոխնախարարների աշխատանքից ազատման պատճառը Ամանորը ՀՀ-ից դուրս նշել էր. վարչապետի հրահանգը չէին կատարել
23 Մարտի 2019 - 09:11
«Երեկ վարչապետ Նիկոլ Փաշինյանի հրամանով ար­դարադատության երկու փոխնախարարներ՝ Արթուր Հովհաննիսյանը և Սուրեն Քրմոյանն ազատվել են աշխատանքից:
«Հրապարակ»․ Հայտնի է Ստեփանակերտի Աստվածամոր Սուրբ Հովանի մայր տաճարի բացման օրը․ սպասվում է ներկայանալի միջոցառում
23 Մարտի 2019 - 09:08
«Ապրիլի 7-ին տեղի կունենա Ստեփանակերտի այդքան սպասված Աստվածամոր Սուրբ Հովանի մայր տաճարի բացումը։
1 | 2 | 3 | 4 | 5 | 6 | 7 | 8 | 1533
 
Լրահոս`
 
 
 
 
 
 
 
 
 
 
 
 
 
 
 
 
 
Ջրանջատում Լոռու մարզում
Հասարակություն