Առանձին ազատ դեմոկրատներ կսատարեն Սասուն Միքայելյանին

«Քաղաքական ուժերը, թե ընդդիմադիր, և թե իշխանական իմիտացիայով են զբաղված. չկա գաղաքարական պայքար, միայն դիրքերի կռիվ է գնում, մասնավորապես կոալիցիոն ուժերի միջև: Հիշեցրեք ինձ մի հարց, որի շուրջ իշխանական ուժերը խորհրդարանում կամ դրանից դուրս տարաձայնություններ են ունեցել, ոչ : Ինչքան էլ ես չընդունեմ դաշնակցությանը և նրանց հետ դաշինք չկնքենք, վստահ եմ նրանք էլ մեզ հետ, բայց չեմ կարող չասել, որ ՀՅԴ-ն գաղափարական ուժ է: «Ազատ դեմոկրատներ» կուսակցությունը փորձելու է քաղաքական դաշտը գաղափարական պայքարի «մարտադաշտի» վերածել», - վստահեցնում է «Ազատ դեմոկրատներ» կուսակցության նախագահ Խաչատուր Քոքոբելյանը:

«Ազատ դեմոկրատները» տարբեր հարցերի շուրջ կհամագործակցեն տարբեր ուժերի հետ, դաշինք ներկա պահին կձևավորեն միայն «Ժառանգության» հետ : Քոքոբելյանը ասում է, թե հաշվի են առել այս քաղաքական ուժի «մաքուր» անցյալն և ընտրություններից հետո, ժողովրդին կողքին լինելու փաստը: Դաշինքով գնալ- չգնալու վերջնական որոշումը պարզ կդառնա մարտի 2-10 ընկած ժամանակահատվածում` 2 կուսակցությունների համագումարներից հետո, մինչ այս, «Ժառանգության» և «Ազատ դեմոկրատների» անդամները կշարունակեն պարբերական հանդիպումներն ու քննարկումները:

Անդրառնալով համամասնական ընտրակարգի անցնելու ըննդիմության, նաև իրենց կուսակցության պահանջին, Քոքոբելյանն ընդունելով , որ իշխանական կուսակցությունն այդ դեպքում, իր ցուցակում «թաղային հեղինակության» չի ընդգրկի, նկատեց, թե մեծ իմաստով արդար ընտրությունների անցկացումը քաղաքական կամքից է կախված . «91 թվականին չկար ընտրական օրենսգիրք, բայց դրանք արդար և անվիճարկելի ընտրություններ էին: Ցանկացած լավ օրենք, ցանկացած լավ օրենսգիրք վատ կատարողի ձեռքում ոչինչ է, իսկ ցանկացած վատ օրենսգիրք` լավ կատարողի ձեռքում ամեն ինչ»: Խաչատուր Քոքոբելյանը վստահ է, որ իր ղեկավարած կուսակցությունը կկարողանա տեր կանգնել իր ընտրողների քվեներին եւ ներկայացված լինել ԱԺ-ում:

Կսատարի արդյոք «Ազատ դեմոկրատներ» կուսակցությունը Սասուն Միքայելյանին Հրազդանի քաղաքապետի ընտրություններում, դեռ պարզ չէ, բայց անհատների մակարդակով աջակցություն կլինի, այդ թվում `վստահված անձեր աշխատելու տարբերակով :

HayNews.am