Թբիլիսիի հայկական դպրոցում կատարվածը «մի կաթիլ մեղրի» պատմություն է. Վան Բայբուրդ

Այս ամենի մանրամասներն իմանալու ակնկալիքով զանգահարեցինք Վրաստանի նախագահի խորհրդական, հայազգի Վան Բայբուրդին, ով հաստատեց, որ իրոք նույն օրը նշված դպրոցում միջադեպ է տեղի ունեցել, սակյան դա ընդամենը եղել է աշակերտների կռիվ. «Դրան խառնվել է աշակերտներից մեկի ծնողը և հարվածել է կռվող աշակերտներից մեկին: Վրաստանի դպրոցներում աշխատում են պրիստավներ` դպրոցական ոստիկաններ, որոնք, տեսնելով, որ չեն կարող միջամտել, ոստիկանություն են կանչել»:

Վան Բայբուրդի մեկնաբանմամբ` դպրոցականների կռիվն ընդամենը եղել է «մի կաթիլ մեղրի» պատմությունը. «Լավ է, որ կռվող մյուս կողմն էլ իր բարեկամներին չէր կանչել: Եթե մանավանդ այդ բարեկամների մեջ մեկը վրացի լիներ, չգիտեմ դրանից ինչ կսարքեին»:

Վրաստանի նախագահի խորհրդականի մեկնաբանմամբ`«Ռեգնում» գործակալությունը խոշորացույցի տակ է պահել Վրաստանն ու նմանատիպ տեղեկությունների միջոցով ցանկանում սրել հայերի ու վրացիների տարաձայնությունները. «Եթե այս գործակալությունը տեղեկատվության պակասորդը լրացնում է նման ձևով, ուրեմն պատկերացրերք, թե ինչի են հասել»:

Բայբուրդը նշեց. «Ընդամենը ցանկանում են հակավրացական տրամադրություններ տարածել և Վրաստանում կա հայերի մի զանգված, որ այդ կուտն ուտում է, իսկ Հայաստանում էլ ուշադրություն չեն դարձնում, թե ինչու՞ այդ տեղեկություները չեն տարածվում Թբիլիսիում կամ Երևանում, այլ Ռուսաստանում: Այո, այդ ծնողի հանդեպ իրոք քրեական գործ է հարուցվել, բայց պետք չէ ասել, թե վրացիները հարձակում են գործել հայերի վրա, պետք չէ դպրոցականների կռիվը դարձնել իբրև հայերի ու վրացիների միջև հակասություններ»:

HayNews.am